Juan 1:18 , juan 6:46 Dios kaya si Cristo?

Ang mga mangangaral na nartuturo sa pagka Dios ni Cristo ay may mga talata na pinanghawakan, para palitawin ang pagkaDios daw ni Cristo, ang malaking batayan nila , ay ang nakakita sa Dios ay si Cristo, na ganito ating sipiin :



Juan 1:18
"Walang taong nakakita kailan man sa Dios; ang bugtong na Anak, na nasa sinapupunan ng Ama, siya ang nagpakilala sa kanya."

na katumbas din sa talata na ito,


Juan 6:46.
""Hindi sa ang sinoma'y nakakita sa Ama, kundi yaong nanggaling sa Dios, siya ang nakakita sa Ama."



Ngayun po, atin po itong pag aralan, anu po ba talaga ang kalagayan o katangian po ng Isang tunay na Dios ayun sa mga pagtuturo sa biblia ? Ganito po ang patotoo ng biblia :


1 Timoteo 1:17
"Ngayon sa Haring walang hanggan, walang kamatayan, DI NAKIKITA, sa iisang Dios, ay ang kapurihan at kaluwalhatian magpakailan kailan man. Siya nawa.""



Ito ang katangian ng Isa Dios na tunay, ay Di talaga nakikita, . bakit po, anu ba talaga ang kalagayan kapag hindi sya nakikita?sipiin natin ang pahayag mula sa juan 4:24 ganito ang ating mababasa :



juan 4:24
"ang Dios ay Espirito...."


Malinaw po sa atin,na kaya pala sinabi na ang Dios hindi nakikita,sapagkat Espirito ang kalagayan nya, na ito naman po ay nilinaw ni Cristo na ang Espirito ay walang laman at buto (Lukas 24:39 )



Ngayun Ano ba ang kahulugan ng sinabi ni Cristo na siya lamang ang nakakita sa Ama? Sa Juan 14:7 ay ganito ang mababasa :


"Kung ako'y nangakilala ninyo ay mangakikilala ninyo ang aking Ama: buhat ngayon SIYA'Y INYONG MANGAKIKILALA, at siya'y INYONG NAKITA.""




Malinaw po pala sa talata, pati din tayo ay nakakita sa Dios,ngunit hindi ito literal, kundi pagkilala natin ito sa kanya. .at si Cristo lamang ang nakakilala sa AMA, at itoy ipinakilala nya sa atin, na gaya ng nasa talata ng juan 1:18 :

"siya ang nagpakilala sa kanya"


Ngunit hindi ito marapat ipakahulugan na Siya ay Diyos, sapagkat Siya ay sugo ng Diyos.na gaya ng nasa talata :



Juan 7:28-29
"Sumigaw nga si Jesus sa templo, na nagtuturo at sinasabi, Ako'y inyong nakikilala at nalalaman din naman ninyo kung taga saan ako; at hindi ako naparito sa aking sarili, datapuwa't ang nagsugo sa akin ay tunay, NA HINDI NINYO NAKIKILALA. SIYA'Y NAKIKILALA KO; SAPAGKA'T AKO'Y MULA SA KANIYA, at siya ang nagsugo sa akin."





Nakikilala ni Cristo ang Diyos sapakat Siya'y mula sa Diyos. Hindi ito maaaring ipakahulugan na si Cristo ang Diyos sapagkat siya ay isinugo ng Diyos. Iba ang Diyos na nagsugo kaysa kay Cristo na isinugo. Iba si Cristo na nanggaling sa Diyos kaysa sa Diyos na pinagmulan Niya.