Biyernes, Marso 28, 2014

Espiritu Santo at Santisima Trinidad Dios ba o imbento?

    





      Ang mga relihiyun na naniniwala sa trinity, ay isa sa pinaniwalaan nilang bumubuo daw sa Ganap na Dios, ay ang Espirito santo. Ito ang aral kung saan, ating bigyan ng linaw upang maintindihan ng karamihan, kung ano ang papel ng Espiritu Santo kung siya ba ay Dios din.


Ngayon, Suriin muna natin, ano ba ang Dios. anu ang katangian pag sinabing tunay na Dios ? Ang Dios na po mismo ang sumagot :



Genesis 35:11
" At sinabi sa kaniya ng Dios, Ako ang Dios na Makapangyarihan sa lahat; ikaw ay lumago at dumami ka; isang bansa at isang kapisanan ng mga bansa ang magmumula sa iyo, at mga hari ay lalabas sa iyong balakang "



Sabi mismo ng Dios, siya ay makapangyarihan sa lahat. Anu po ba ang isang katangian ng Dios Na nagpapatunay na siya ay makapangyarihan sa lahat?



2 Cronica 36:15
" At ang Panginoon, ang Dios ng kanilang mga magulang, nagsugo sa kanila sa pamamagitan ng kaniyang mga sugo, na bumangong maaga at nagsugo, sapagka't siya'y nagdalang habag sa kaniyang bayan, at sa kaniyang tahanang dako. "





Ang Dios, sapagkat siya ang makapangyarihan sa lahat, siya ang Nagsusugo at hindi ang isusugo.Di matatawag ang isang makapangyarihan sa lahat kung may nagsusugo sa kanya, kaya, kaylan ma'y di mangyayari na ang Dios ay uutusan o isusugo. Ang Espiritu Santo naman kaya ating suriin, ano ang gawain nito ?



Juan 15:26
" Datapuwa't pagparito ng Mangaaliw, na aking susuguin sa inyo mula sa Ama, sa makatuwid baga'y ang Espiritu ng katotohanan, na nagbubuhat sa Ama, ay siyang magpapatotoo sa akin "




Malinaw po,Ito ay Nagmula sa AMA at isinugo din naman ni Cristo. Pagka isinugo, sino ang mas dakila ,ang isinugo o yung nagsugo?
Ating suriin mula sa Biblia :



Juan 13:16
" Katotohanan, katotohanang sinasabi ko sa inyo, Ang alipin ay hindi dakila kay sa kaniyang panginoon; ni ang sinugo man ay dakila kay sa nagsugo sa kaniya. "





Malinaw naman ang nakasaad mula sa Biblia. Si Cristo nagsugo din sa Espiritu Santo, Si Cristo din kaya sino ang nagsugo ?



Juan 14:24
" Ang hindi umiibig sa akin ay hindi tumutupad ng aking mga salita: at ang salitang inyong narinig ay hindi akin, kundi sa Amang nagsugo sa akin. "





Si Cristo din naman ay isunugo ng AMA. Samakatuwid, Ang AMA mismo ang Pinaka Dakila sapagkat siya ang Dios na nagsugo, at hindi yaong isusugo, at katunayan siya ang makapangyarihan sa lahat na nagpadakila din kay Cristo :



Filipos 2:9
" Kaya siya naman ay pinakadakila ng Dios, at siya'y binigyan ng pangalang lalo sa lahat ng pangalan"




Di naman po sinabing, "Pinadakila ng isang bumubuo sa Dios", kundi mismong ang Dios ang nagpadakila , Sapagkat walang ibang dakila kundi ang nagsugo.


Ngayun, ano pa ang Dapat nating suriin? Binanggit po kanina na ang Espiritu Santo ay ang Mang-aaliw at ang isusugo,Ayun sa Biblia, ilan ang Espiritung isusugo , at tanggapin kaya nilang Dios lahat ang Espiritu na isinugo ng Dios sa lupa? Ganito ang ating mababasa :




Pahayag 5:6
" At nakita ko sa gitna ng luklukan at ng apat na nilalang na buhay, at sa gitna ng matatanda, ang isang Cordero na nakatayo, na wari ay pinatay, na may pitong sungay, at pitong mata, na siyang pitong Espiritu ng Dios, na sinugo sa buong lupa. "





     Pitong Espiritu ang isinugo, Kung pilit parin nilang ipapalabas na Dios lahat ng Espiritu na ipinadala sa lupa, Ilan lahat ang Dios nila ? Kaya ang Aral na Dios ang Espiritu Santo ay isang maling Aral na di sasang ayun sa nakasulat sa Biblia. Itanung natin sa Biblia, ilan ba ang bumubuo sa Dios? tatlo ba ?




Nehemias 9:6
" Ikaw ang Panginoon, IKAW LAMANG; IKAW ang lumikha ng langit, ng langit ng mga langit, pati ng lahat na natatanaw roon, ng lupa at ng lahat na bagay na nangaroon, ng mga dagat at ng lahat na nangaroon, at iyong pinamalaging lahat; at ang hukbo ng langit ay sumasamba sa iyo. "





     Samakatuwid, tunay na isa lamang, malinaw po ang Sabi : "IKAW LAMANG ANG LUMIKHA". tumutukoy sa iisa(Singular). Tiyak ba natin ayun sa Biblia na talagang ang isa lamang na Dios, ay Ang AMA na siyang Mag-isang lumikha na siyang Dios?



Malakias 2:10
Wala baga tayong lahat na isang ama? hindi baga isang Dios ang lumalang sa atin? bakit tayo nagsisigawa ng paglililo bawa't isa laban sa kaniyang kapatid, na nilalapastangan ang tipan ng ating mga magulang? "





Nilinaw parin ng Biblia, na ang Dios ay ang AMA, siya lamang ang lumikha ,at iisang Dios. Kaylan ma'y di mangyayari na ang Dios ay binubuo ng tatlong Persona na isa na Dito ang Espiritu Santo na itinuring nilang Dios. Wala ng Dios bukod sa AMA at pinatutunayan yan sa atin ng Biblia :



2 Samuel 7:22
" Kaya't ikaw ay dakila, Oh Panginoong Dios: sapagka't walang gaya mo, o may ibang Dios pa bukod sa iyo, ayon sa lahat na aming naririnig ng aming mga pakinig. "





Ikaw(Singular) ay Dakila(AMa), walang gaya mo(Singular), o may ibang Dios pa bukod sayo(Singular).



Nilinaw sa Atin, na ang tunay na Dios ay wala nang gaya nya, o bumbuo pa sa kanya, sapagkat siya ang makapangyarihan sa lahat lahat, na ito lamang ang AMA



Efeso 4:6
" Isang Dios at Ama ng lahat, na siyang sumasa ibabaw sa lahat, at sumasa lahat, at nasa lahat. "




Ang AMA lamang ang Iisang Dios na sumasa lahat, at di na kasama ang Espiritu Santo o kahit sino, na Mismo turo ng Dios :




Awit 89:26
" Siya'y dadaing sa akin, Ikaw ay Ama ko, Dios ko, at malaking bato ng aking kaligtasan. "





Sinabi na ng Dios na siya ang AMA, siya ang Dios, hindi ka bahagi o bumubuo sa Ganap na Dios. Katunayan, pag may kikilalanin pa tayong iba pang Dios, di niya ito kikilalanin , Ganito ang patotoo mula sa Biblia :


SURIIN NATING MABUTI ANG BAHAGI NA "SINGULAR" NA NANGANGAHULUGANG MAG-ISA LANG.




Isaias 45:5
" Ako(SINGULAR) ang Panginoon, at walang iba; liban sa akin(SINGULAR) ay walang Dios. Aking bibigkisan ka, bagaman hindi mo ako nakilala. "



Isaias 46:9
" Inyong alalahanin ang mga dating bagay ng una: sapagka't ako'y(SINGULAR) Dios, at walang iba liban sa akin(SINGULAR); ako'y Dios, at walang gaya ko(SINGULAR)"





Isaias 44:8
" Kayo'y huwag mangatakot, o magsipangilabot man: hindi ko baga ipinahayag sa iyo nang una, at ipinakilala? at kayo ang aking mga saksi. May Dios baga liban sa akin(SINGULAR)? oo, walang malaking Bato; ako'y(SINGULAR) walang nakikilalang iba. "





MGA HALIMBAWA NG MGA NAGPATOTOO NA ISA LAMANG ANG DIOS


1.PATOTOO NI HARING DAVID



2 Samuel 7:22
" Kaya't ikaw(SINGULAR) ay dakila, Oh Panginoong Dios: sapagka't walang gaya mo(SINGULAR), o may ibang Dios pa bukod sa iyo(SINGULAR), ayon sa lahat na aming naririnig ng aming mga pakinig. "




Awit 86:10
" Sapagka't ikaw(SINGULAR) ay dakila, at gumagawa ng kagilagilalas na mga bagay: ikaw(SINGULAR) na magisa ang Dios. "




2.PATOTOO NG MGA APOSTOL


1 Corinto 8:6
" Nguni't sa ganang atin ay may isang Dios lamang, ang Ama, na buhat sa kaniya(SINGULAR) ang lahat ng mga bagay, at tayo'y sa kaniya; at isa lamang Panginoon, si Jesucristo, na sa pamamagitan niya ang lahat ng mga bagay, at tayo'y sa pamamagitan niya. "



3. PATOTOO NI CRISTO



Juan 17:3
" At ito ang buhay na walang hanggan, na ikaw(SINGULAR) ay makilala nila na iisang Dios na tunay, at siyang iyong sinugo, sa makatuwid baga'y si Jesucristo. "



Juan 20:17
Sinabi sa kaniya ni Jesus, Huwag mo akong hipuin; sapagka't hindi pa ako nakakaakyat sa Ama, nguni't pumaroon ka sa aking mga kapatid, at sabihin mo sa kanila, Aakyat ako sa aking Ama at inyong Ama, at aking(SINGULAR) Dios at inyong(SINGULAR) Dios. "





4. PATI DIABLO ALAM NA IISA LANG ANG DIOS




Santiago 2:19
" Ikaw ay sumasampalataya na ang Dios ay iisa; mabuti ang iyong ginagawa: ang mga demonio man ay nagsisisampalataya, at nagsisipanginig. "





Kung maging tatlo ang Persona ng Dios. Mas higit pa sila sa Diablo kung gayun. Iilan lamang yan sa Halimbawa natin , Sapagkat kung ating isa-isahin, seguradong napakarami ang patotoo tungkol sa iisang Dios na walang iba kundi ang AMA lamang.



PINAGMULAN NG MALING ARAL


Ngayun maaari naman nating suriin, ang mga pinagmulan ng mga maling Aral na ito kung paano nagmula at kaninu lamang nagmula ANG ARAL NG TRINIDA AT PAGKA DIOS NG ESPIRITU SANTO . Ganito ang ating mababasa mula narin sa kanilang mga aklat at awtoridad :




TUNGKOL SA PAG IMBENTO NG TRINIDAD


"The term 'Trinity' is not found in Scripture [Bible], ... The invention of the term is ascribed to Tertullian." [Systematic Theology, by Augustus Hopkins Strong, page. 304 ]




Salin sa Filipino:



“Ang terminong ‘Trinidad’ ay hindi matatagpuan sa kasulatan (Biblia), …ang pagkakaimbento ng termino ay ipinapalagay na gawa ni Tertulliano.”






"Though the exact terms in which the [Catholic] Church has formally defined the dogma of the Blessed Trinity ... are not in the Bible, and may, therefore, in a sense be called unscriptural. . .[The Divine Trinity: A Dogmatic Treatise, by Rt. Rev. Msgr. Joseph Pohle, p. 22]



Salin sa Filipino:

“Bagamat 
ang eksaktong mga termino, kung saan pormal na ipinaliwanag sa atin ng Iglesia [Katolika] ang dogma tungkol sa Banal na Trinidad…ang mga ito ay wala sa Biblia, at maaari, kung gayon, na ito’y tawagin na hindi maka- kasulatan…”


Ito pa. . . .


“Ang doktrina ng Diyos Ama, Diyos Anak, at Diyos Espiritu Santo ay walang batayan sa Banal na Kasulatan, sapagkat wala ni isang pagtukoy sa Diyos Anak o Diyos Espiritu Santo sa buong Biblia.” (Search for the Truth,p.64)






Aminado ,na wala nga talaga sa Biblia ang paniniwalang ito, at imbento lamang ni Tertullano ang Aral ukol sa Trinida. kaylan ito nagsimulang ipangaral ?





"It is a simple fact and an undeniable historical fact that several major doctrines that now seem central to the Christian Faith – such as the doctrine of the Trinity and the doctrine of the nature of Christ – were not present in a full and self-defined generally accepted form until the fourth and fifth centuries. If they are essential today – as all of the orthodox creeds and confessions assert – it must be because they are true. If they are true, then they must always have been true; they cannot have become true in
the fourth and fifth century. But if they are both true and essential, how can it be that the early [Catholic] church took centuries to formulate them?" [ The Doctrine of the Trinity Christianity’s Self- Inflicted Wound 1994 Anthony F. Buzzard Charles F. Hunting]


Salin sa Filipino:



“Ito ay isang simpleng katotohanan at hindi maitatangging katotohanang pangkasaysayan na ilan sa mga pangunahing doktrina na ngayon ay maituturing na mahalaga sa pananampalatayang Cristiano – gaya ng doktrina tungkol sa Trinidad at ang doktrina sa kalagayan ni Cristo – ay hindi umiral bilang isang ganap at mayroon nang maliwanag at katanggap-tanggap na anyo para sa lahat hanggang sa ika- apat at ika-limang siglo. Kung ang mga ito man ay mahalaga ngayon – gaya ng pinatutunayan ng mga Kredong ortodoksiya at mga kumpisal- ay marahil sapagkat ang mga ito ay totoo. Kung ang mga ito ay totoo, samakatuwid ito ay isang namamalaging katotohanan; at hindi naging totoo lamang noong ika-apat at ika-limang siglo. Ngunit kung ang mga ito ay kapuwa totoo at mahalaga, Bakit ang Iglesia [Katolika] noon ay gumugol ng napakaraming siglo para mabuo ang mga ito?”






Maliwanag na inaamin ng mga manunulat ng kasaysayan na ang aral na ito ay nabuo lamang noong ika-apat at ika- limang siglo, kaya malinaw na malinaw ang dahilan kung bakit hindi ito mababasa kailanman sa Biblia. Dahil matagal nang tapos ang Biblia noong Unang Siglo pa lamang, matagal nang patay ang mga Apostol, at matagal nang nasa langit ang Panginoong Jesus.



TUNGKOL SA PAG IMBENTO SA ARAL NA DIOS ANG ESPIRITU SANTO



“Tertuliano, ipinanganak noong mga 160, naakit o nakumberte sa Cristianismo noong 195 at sa Montanismo noong mga 207, ay isa sa mga pangunahing pilosopong Cristiano ng kaniyang panahon. Siya ay propesyunal na abugado na may malawak na kaisipan, maalam sa Pilosopiya, Kasaysayan at wikang griyego, na may natatanging kaloob bilang debatista. Siya ay isa sa mga unang nagpahayag nang tuwiran na ang Espiritu Santo ay Diyos na kapantay ng dalawang iba pang Persona ng Trinidad.” (A History of Heresy p.35)



Ayon sa patotoo ng kasaysayan, Malinaw si Tertullano Parin ang nag imbento. Subalit Paano na buo ang Imbentong aral na Ito ?
Ganito muli ang ating matutunghayan :


“Ang pinakamatanda at tinatanggap ng mas nakararami na pahayag tungkol sa lahat ng punto na may kinalaman sa Doktrina ng Trinidad, ay ang Kredo ng Nicea . Ito ay inilagda ng Konsilyo ng Nicea noong 325, at ang mga punto na may kinalaman sa pagka-Diyos at personalidad ng Espiritu Santo ay idinagdag sa Konsilyo ng Constantinopla noong A.D. 381 (The three are One,p.101)



Malinaw ang pahayag ng mga awtoridad, ang Aral ay idinadag lamang sa Artikulo ng pananampalatay mula sa konselyo noong A.D.381 . Bakit pala idinagdag lamang ito? di ba nila agad agad pinagkaisahan ang paniniwalang ito ?



“Ang Kredo ng Nicea ay walang sinabi tungkol sa pagka-Diyos ng Espiritu Santo.” ( The church in History, p.32)


Bakit walang naging Aral agad ukol dito?


“Ang konsilyo ay umiwas na tukuyin ang Espiritu Santo bilang Diyos.” (The left Hand of God, p.59)



Malinaw sapagkat, umiiwas ang konselyo na tukuyin ang Espiritu Santo na Dios, kaya tsaka lamang nila ito isiningit at idinagdag sa kanilang pananampalataya.Pinatunayan naman at sinupurtahan ng isang pari na si Clement Crock na mula lamang ito noong 381 A.D



“Noong 381, sa Konsilyo ng Constantinopla, ipinaliliwanag na isang tuntunin ng pananampalataya na ang Espiritu Santo ay Diyos.” (The Apostle’s Creed,p.206)



Ngayun, Sa Ating napansin kanina, ito ay idinagdag lamang, Suriin naman natin, bakit ito nadagdag? sinu ang mga may Pasimunu nito ?Ganito naman , ating tunghayan :



“Pagkamatay ni Anatacio ang liderato sa laban ng ortodoksiya (katotohanang Cristiano batay sa kasaysayan) ay pinangunahan ng tatlong lalake na kilala bilang “the three great Cappadocians.” Tinawag sila ng gayon sapagkat sila’y nagmula sa lalawigan ng Cappadocia sa Asya menor at dahil sa tatlong ito ay kabilang sa mga pinakabantog na lalake ng Iglesia ng matandang panahon, Sila ay sina Basilio ng Caesarea, Gregorio ng Nazianzo, at Gregorio ng Nyssa. Ang tatlong lalakeng ito ay matatag at malakas na naninindigan sa pagsasanggalang sa mga aral ng Kasulatan.” (The Church in History, pp.31-32)



Kanilang isinulong ang Aral na ito :




“Sa tag-init ng 325, ang prinsepe ng imperyo na si Julian, na nang panahong iyon ay estudyante pa lamang sa Atenas, ay namangha nang marinig ang problemang ito nang makilala niya si Gregorio ng Nazianzon, na kilala rin bilang Gregorio ang Teologo. Kasama ang isang nagngangalang Basilio at ang kaniyang kapatid, isinusulong ni Gregorio ang pagiging Diyos ng Espiritu Santo.” (The left Hand of God p. 61)


Ang tinatawag na Three Cappadocians ang naglunsad ng pagdaragdag sa Kredo ng Iglesia Katolika noong 381 sa Konsilyo ng Constantinopla ng aral na ang Espiritu Santo ay Diyos. Ang Dogma na ang Espiritu Santo ay Diyos ay hindi aral ng Biblia, kundi ito'y nag mula lamang sa Aral ng tao.Ganito parin ang patotoo mula sa kanilang mga aklat at awtoridad :



“Sa lumang Tipan, may mahigit ng 94 beses na binabanggit ang tungkol sa ‘Espiritu ng Diyos’, subalit hindi naipahayag sa kanila na ang Espiritung ito ay isa ring persona katulad ng Ama at ng Anak. Sa katunayan, hindi naging maliwanag sa lumang Tipan ang misteryo ng Santisima Trinidad. May mga pahiwatig, ngunit walang maliwanag na pahayag tungkol dito.” (Liwanag at Buhay,p.46)



“3. Ang Pangalang Diyos kung iniuukol sa Espiritu Santo-Bagaman sa alinmang bahagi nito’y hindi tinatawag ng Biblia ang ikatlong persona ng Pinagpalang Trinidad na ‘Diyos’,…” (The divine Trinity, p.109)



“Sapagkat hindi natin matatagpuan saanman sa Matandang Tipan ang kahit na anong malinaw na indikasyon ng Ikatlong Persona (Catholic Encyclopedia,p.49)





Malinaw po at hayag na hayag ang kasinungalingan ng Aral kung paano lamang naimpluwensyahan ng Maling Aral ang karamihan sa mga tao, Anu po ang turo ayun sa Biblia?



Tito 1:14
“Na huwag mangakinig sa mga katha ng mga Judio, at sa mga utos ng mga tao na nangagsisisinsay sa katotohanan.”





Huwag ang Aral ng tao, na imbento lamang at gawa gawa , ang sundi kundi ang aral lamang ng Dios, sapagkat ito ang katotohanan



Juan 17:17
" Pakabanalin mo sila sa katotohanan: ang salita mo'y katotohanan. "




Katotohanan, at hindi kasinungalingan na gawa gawa lamang..Kaya ngayun na nalaman natin ang katotohanan, anu ang turo mula sa Biblia ?




Efeso 4:22, 25
" At inyong iwan, tungkol sa paraan ng inyong pamumuhay na nakaraan, ang dating pagkatao, na sumama ng sumama ayon sa mga kahalayan ng pagdaraya; "
" Kaya nga, pagkatakuwil ng kasinungalingan, ay magsasalita ang bawa't isa sa inyo ng katotohanan sa kaniyang kapuwa: sapagka't tayo'y mga sangkap na isa't isa sa atin. "





Itakwil ang maling Aral, iwan ang aral na mula sa pandaraya at gawa gawa lamang ng tao, upang tayo ay maging kalugod-lugod sa harad ng Dios.

Huwebes, Marso 27, 2014

KARAPATAN SA KALIGTASAN






     KARAPATAN O KAHALALAN sa pagsasagawa ng tunay na paglilinkod sa Diyos at sa pagtatamo nito, ito ay totoong napakahalaga kung kaya hindi sila papayag na ito ay mapinsala at mawala pa sa kanila. Lubos nilang sinasampalatayanan ang ipinahayag ng Panginoong Jesucristo na :


Mateo 24:13 MBB
" Ngunit ang mananatiling tapat hanggang wakas ang siyang maliligtas."



     Maaring sabihin ng iba na sila man ay naglilingkod din sa panginoon, kaya kinikilala Niya sila, at may karapatan din sa pagtatamo ng kaligtasan. Subalit, anO ba ang pagtuturo ng Biblia kapag ang pinag-uusapan ay paglilingkod sa Diyos? kahit sinO lang ba ang aangkin ng karapatan sa paglilingkod ay kinikilala ng Diyos na kanya at magtatamo ng kaligtasan ?

Ang sagot ng mga Apostol :



"Datapuwat kayo ay isang lahing hinirang, mga saserdote ng Hari, isang bansang nakatalaga sa Diyos. Pinili kayo ng Diyos upang maging kanya at mahayag ng mga kahanga-hangang gawa niya. Siya rin ang tumawag sa inyo mula sa kadiliman tungo sa kanyang kagila-gilalas na kaliwanagan. Dati-rati , kayo'y hindi bayan ng Diyos, ngunit ngayon, kayo'y bayang hinirang nya. Noon, pinagkaitan kayo ng habag, ngunit ngayo'y sumasainyo ang kanyang awa"(I Ped. 2:9-10, Ibid.)



Sana ay napansin ninyo ang sinabi ni Apostol Pedro na

"Kayo ay isang lahing hinirang ".



     Samakatuwid, ang mga kausap niya rito ay mga taong may kahalalan o mga hinirang ng Diyos sapagkat sila ay tinawag at pinili niya.

     Ano kapalarang natamo ng mga binigyan ng kahalalan? Ayon sa Biblia, sila ay nasa kaliwanagan na, kinikilala na silang bayang hinirang ng Diyos na nagtamo ng kanyanp habag. Dati ay wala sa kanila ang mga biyayang ito dahil wala pa silang kahalalan. At ang lalong malaking kapalaran na tatamuhin ng mga taong may kahalalan ay maluwag silang papapasukin sa kaharian ng Panginoong Jesus (II Ped. 1:10-11, Ibid.) Ang katumbas nito ay nakakatiyak sila sa pagtatamo ng kaligtasan.


     Kung gayon, hindi totoo na basta ang tao ay maniwala, sumampalataya, at kumilaka lamang sa Diyos at kay Cristo ay sapat upang maging tunay sa kanila. Kailangan muna siyang HIRANGIN, TAWAGIN, at bigyan ng KAHALALAN para siya ay makapaglingkod sa Diyos. Paano ba pinatunayan ng mga apostol ang kanilang kahalalan ?

Ang sabi pa ni Apostol Pedro sa kanyang sulat ay mayron silang panatag na salita at hula :



2 Pedro 1:19
" At kami ay mayroong lalong panatag na salita ng hula; na mabuti ang inyong ginagawa kung ito'y inyong sinusundan, na gaya ng sa isang ilawang lumiliwanag sa isang dakong madilim, hanggang sa pagbubukang liwayway, at ang tala sa umaga ay sumilang sa inyong mga puso "




     Ang hula ay paunang pahayag ng Diyos sa kanyang magiging gawain. Kaya ang mga apostol at ang mga unang Cristiano ay di basta nag-aangkin lamang na sila ay sa Diyos at kay Cristo kundi ang Diyos mismo ang nagbigay ng patotoo na sila ay kaniyang PINILI,TINAWAG, AT HINIRANG.


     Hindi kaya sa panahong ito ay binago na ng Diyos ang paraang ito ng pagbibigay sa tao ng karapatan sa paglilingkod ? Hindi. Namamalagi ang pinagsasaligan ng Diyos sa pagkilala Niya ng mga sa kanya :



2 Timoteo 2:19
" Gayon ma'y ang matibay na pinagsasaligan ng Dios ay nananatili na may tatak nito, Nakikilala ng Panginoon ang mga kaniya: at, Lumayo sa kalikuan ang bawa't isa na sumasambitla ng pangalan ng Panginoon. "





     Ang layunin,proseso at kalooban ng Diyos ang dapat na sundin ng tao upang sila ay maligtas at hindi ang sariling gawa o pamamaraan ng tao (Roma 9:11 MB). Ang katunayan pa na kapag hindi kalooban o pamamaraan ng Diyos ang sinusunod ng tao sa kanyang paglilingkod na isinasagawa, kahit pa siya ay tumatawag sa pangalan ng Panginoong Jesus, kahit pa nagpapalayas na demonyo at gumagawa ng himala na gamit ang pangalan Niya ay hindi niya siya kikilalanin bagkus ay ituturing pang masama at hindi Niya ituturing na kabutihan ang kaniyang ginagawa (Mat.7:21-23, Bagong Magandang Balita Biblia).



SA MGA WAKAS NG LUPA


     Sa panahong ito na kung tatawagin ay "MGA WAKAS NG LUPA" , Ay mayroon bang ipinakilala ang Panginoong Diyos na mga tinawag Niya at binigyan ng kahalalan bilang bayan Niya ? Mayroon. Gaya ng
pinatutunayan sa Isaias 62:11-12(Lamsa Translation) Na mga tinawag ng Diyos sa :

"MGA WAKAS NG LUPA" o "ENDS OF THE EARTH"

At kinikilala Niyang bayan Niya, anak na babae ng Sion na tinubos ng Panginoon at may gantimpalang kaligtasan na tatamuhin.


     Ang "MGA WAKAS NG LUPA" gaya ng natalakay na sa mga nakaraan ay panahong malapit na ang wakas ng lupa. Ang wakas ng lupa ay ang Araw ng Paghuhukom. Kaya, kapag sinabing "MGA WAKAS NG LUPA" -- ito'y ang mga digmaan,paglindol,kagutom, at kahirapan :



Mateo 24:6-8
" At mangakakarinig kayo ng mga digmaan at mga alingawngaw ng mga digmaan; ingatan ninyo na huwag kayong magulumihanan: sapagka't kinakailangang ito'y mangyari datapuwa't hindi pa ang wakas. "
" Sapagka't magsisitindig ang bansa laban sa bansa, at ang kaharian laban sa kaharian; at magkakagutom at lilindol sa iba't ibang dako. "
"Datapuwa't ang lahat ng mga bagay na ito ay siyang pasimula ng kahirapan. "



     Ang digmaang tinutukoy rito ay ang Unang Digmaang Pangdaigdig na sumiklab kaalinsabay ng pagbangon ng IGLESIA NI CRISTO sa Pilipinas noong Hulyo 27, 1914.


     May binanggit na hula na "ANAK NA BABAE NG SION". Ang Sion na tinutukoy na may anak na babae ay ang IGLESIA (Heb.12:22-24, Living Bible). Iglesia o Sion na tinubos ng dugo Panginoong Jesucristo ay ang IGLESIA NI CRISTO :


Gawa 20:28
“Ingatan ninyo kung gayon ang inyong mga sarili at ang buong kawan na rito’y hinirang kayo ng Espiritu Santo upang maging mga katiwala, upang pakanin ang IGLESIA NI CRISTO na binili niya ng kaniyang dugo.”(Lamsa Translation)




Tinawag na "ANAK NA BABAE NG SION" ang Iglesia Ni Cristo sa "mga wakas ng lupa" sapagkat ito ang nalalabing binhi :



Pahayag 12:17
" At nagalit ang dragon sa BABAE, at umalis upang bumaka sa NALABI sa kaniyang BINHI, na siyang nagsisitupad ng mga utos ng Dios, at mga may patotoo ni Jesus "




     KAYA, hindi na ito ang unang Iglesia Ni Cristo sa panahon ng mga apostol na natalikod sa tunay na pananampalataya kundi ang Iglesia Ni Cristo sa ating panahon na lumitaw sa Pilipinas sa bisa ng mga hula na nakasulat sa Biblia.

Pwede nyu bisitahin kung paano naipatalikod ang unang Iglesia Ni Cristo :


PAGKATALIKOD SA PANANAMPALATAYA 



     At yayamang nalalapit na tayo sa Araw ng Paghuhukom, inaasahan ng Diyos sa mga binigyan Niya ng kahalalan at karapatan sa kaligtasan na tayo ay manatiling tapat sa pananampalataya dahil pinatutunayan din ng Biblia na sandaling panahon na lamang at ang Panginoong Jesucristo ay darating na at hindi na maaantala (Heb. 10:32,35,37, New Living Translation). Kahit makasagupa ang mga hinirang ng Diyos ng iba't ibang pagtitiis sa buhay na ito ay patuloy tayong magtitiyagoa, manatiling matatag hanggang wakas na sumusunod sa mga utos ng Panginoon, at nagtitiwala sa Kanya ( Apoc. 14:12, Ibid).



May ganito pang sinasabi ang Banal na Kasulatan tungkol sa mga sumusunud at naglilingkod sa Panginoon :


"At narinig ko mula sa langit ang isang tinig, na nagsasabi, Isulat mo, mula ngayon, mapalad ang naglilingkod sa Panginoon hanggang kamatayn! At sinabi ng Espiritu, 'totoo nga! Matatapos na ang kanilang paghihirap sapagkat ang kanilang ginagawa ang magpapatunay sa kanilang katapatan" (Apoc. 14:13,BMB)



     Ipinasulat upang mabasa sa ating panahon na mapalad ang mamalaging tapat na naglilingkod sa Panginoon hanggang kamatayan dahil matatapos na rin ang kanilang mga paghihirap pagdating ng araw ng Paghuhukom.

     Kaya laging nakahanda ang mga tunay na kaanib sa IGLESIA NI CRISTO sa pagbalik ng Panginoong Jesucristo sapgkat pinatutunawan sa Biblia na ito ay biglang darating tulad ng pagdating ng magnanakaw
(Lucas 12:39-40,35-38, NPV)


     Makakaya kaya ng mga hinirang ng Diyos na itaguyod ang kanilang mga paglilingkod sa kanya kahit na nga napakabigat, lalo na sa panahong ito, na pagdadala ng buhay ? May ganitong nakasulat na pahayag sa Isaias 43:2 na :



"Pag ikaw ay daraan, sa karagatan, sasamahan kita; Hindi ka madadaig ng mga suliranin. Dumaan ka man sa apoy, Di ka maaano, Hindi ka maibubuwal Ng mabibigat na pagsubok" (MB)



     Ganito ang pananalig ng mga hinirang ng Diyos  na may mabibigat na dalahin sa kanilang buhay, Kapag Siya ang kanilang kasama ay makakaya nila ang lahat ng pagsubok at suliranin na dumarating sa buhay.

Miyerkules, Marso 26, 2014

Faith Alone





Bilang isang Tao, kadalasan sa ating nariring na, bawat isa raw ay may paninindigan kung anu ang kanyang gagawin at paniniwalaan,may kalayaan na magdisisyun sa anu mang bagay na gagawin. Subalit bilang isang maka-Diyos, kailangan ang lahat ng bagay na gagawin ay may kaugnayan sa aral na itinuro kung ito'y nakakabuti o nakakasama. Sa pamamagitan ng pananampalataya, ito'y mahalaga upang tayo'y makapag ugnayan at mananalig sa mg utos ng Dios.


Bilang Isang Cristiano, ay sumusunud sa mga utos ni Cristo.Ano ang turo ni Cristo upang magkaroon ng tiwala sa Dios?Ganito po ang turo :



Marcos 11:22
" At pagsagot ni Jesus ay sinabi sa kanila, Magkaroon kayo ng pananampalataya sa Dios. "




Malinaw po, na ang pagkakaroon umano ng pananampalataya sa Dios ay mahalaga ito.Subalit , Sa ating narinig, May ibang relihiyun na hanggang dito lamang ang kanilang paniniwala. Sapat na daw ng pananampalataya lamang sapagkat nakasulat raw na SUMAMPALATAYA. Paano nila iniugnay ito sa paniniwala kay Cristo ay sapat na rin?



Juan 20:29
" Sinabi sa kaniya ni Jesus, Sapagka't ako'y nakita mo ay sumampalataya ka: mapapalad yaong hindi nangakakita, at gayon ma'y nagsisampalataya. "




Sumampalataya raw kay Cristo, ito lang daw ang kailangan sa kaligtasan.kaya wala nang gawa. Subalit may dapat po sana silang mapansin. WALANG ARAL NA SAPAT LAMANG ANG SUMAMPALATAYA AT LIGTAS NA.


Anu po ba ang kailangang ilakip kapag tayo ay sumampalataya ?





Santiago 2:14
" Anong pakikinabangin, mga kapatid ko, kung sinasabi ng sinoman na siya'y may pananampalataya, nguni't walang mga gawa? makapagliligtas baga sa kaniya ang pananampalatayang iyan? "




Ang sabi po,di pala sapat ang sumampalataya lang upang maligtas,anu po kailangan? Kailangan po ay ang GAWA. Bakit kailangan pa ito? sa talatang 22.


Santiago 2:22
" Nakikita mo na ang pananampalataya ay gumagawang kalakip ng kaniyang mga gawa, at sa pamamagitan ng mga gawa ay naging sakdal ang pananampalataya
"




Sa pamamagitan po ng Gawa, ang pananampalatay ay nagiging sakdal ito.Sa paano po maituturing ang pananampalataya na walang gawa?



Santiago 2:26
" Sapagka't kung paanong ang katawan na walang espiritu ay patay, ay gayon din ang pananampalataya na walang mga gawa ay patay. "




Ito ay itinuring na Patay. Kaya maling aral na SAPAT ANG PANANAMPALATAYA LAMANG. Sapagkat mahalaga ang gawa, gaya ng nasusulat,ito ay upang maging sakdal.Sa pananampalataya kay Cristo, Bakit po kailangan na may gawa? at anu ang gawa na ating kailangan? Ganito po ang turo ni Apostol Pablo :



Filipos 1:29
" Sapagka't sa inyo'y ipinagkaloob alangalang kay Cristo, hindi lamang upang manampalataya sa kaniya, kundi upang MAGTIIS din naman alangalang sa kaniya "




Ang PAGTITIIS o MAGTIIS. Ito ay isang gawang mahalaga upang maging sakdal ang ating pananampalataya. Ito ba ay talagang kailangan ng lahat upang masunud ang kaloobang ng Dios?





Hebreo 10:36 MBB
" Kinakailangang kayo'y magtiis upang masunod ninyo ang kalooban ng Diyos at matanggap ninyo ang kanyang ipinangako. "





Malinaw po na Mahalaga at kailangan ito, at ito ay kalooban ng Dios na dapat gawin ng lahat ng nagsisampalataya.
Napatunayan po natin na ang pananampalataya ay kailangan ng gawa upang ito ay karapatdapat sa Dios, at kay Cristo. Ano ang dapat gawin ng lahat ng tao, kung ang dalawang ito ay ginagawa niya?





Juan 8:31
" Sinabi nga ni Jesus sa mga Judiong yaon na nagsisisampalataya sa kaniya, Kung kayo'y magsisipanatili sa aking salita, kung magkagayo'y tunay nga kayong mga alagad ko "





Ang kailangan, ay panatilihin lamang itong sundin. Hanggang kailan ito dapat gawin ?




Mateo 24:13 MBB
"Ngunit ang mananatiling tapat hanggang wakas ang siyang maliligtas."





Hanggang wakas ang kailangan, At ito ay dapat panatilihin.Mula sa Ating napag- Aralan sa taas, Mahalaga ang pananampalataya na may gawa, subalit, Atin munang titiyakin, Sino lamang ang may karapatang gawin ang mga bagay na iyun? Lahat ba? Ganito po ang pagtuturo :



Mateo 7:21
" Hindi ang bawa't nagsasabi sa akin, Panginoon, Panginoon, ay papasok sa kaharian ng langit; kundi ang gumaganap ng kalooban ng aking Ama na nasa langit. "




Marami ring nagsipaglingkod,subalit ayun sa ating nabasa, ang gumanap lamang sa kalooban ng AMA upang di masayang ang pagtitiis (Heb.10:36). Ano ba itong kalooban ng Dios ?


Efeso 1:9
" Na ipinakikilala niya sa atin ang hiwaga ng kaniyang KALOOBAN, ayon sa kaniyang minagaling na ipinasiya niya sa kaniya rin. "

Efeso 1:10
" Sa pagiging katiwala sa kaganapan ng mga panahon, upang TIPUNIN ANG LAHAT ng mga bagay kay Cristo, ang mga bagay na nangasa sangkalangitan, at ang mga bagay na nangasa ibabaw ng lupa; sa kaniya, sinasabi ko "





Ang KALOOBAN ng Dios, ay ang matipon ang lahat ng bagay kay Cristo. Dito matitipon ang may karapatang sumampalataya at gumawa ng ayun sa utos ng Dios. Saan ito matatagpuan?



Roma 12:4-5
" Sapagka't kung paanong sa isang katawan ay mayroong tayong maraming mga sangkap, at ang lahat ng mga sangkap ay hindi pareho ang gawain:
Ay gayon din tayo, na marami, ay IISANG KATAWAN kay Cristo, at mga sangkap na samasama sa isa't isa. "




Sa isang katawan, Dito titipunan ng Dios. Dito ang kalooban ng Dios na isasagawa ang pagsampalataya na may kasamang Gawa. .Ano naman itong Katawan ?



Colosas 1:18 MBB
" Siya ang ulo ng iglesya na kanyang katawan. Siya ang pasimula, siya ang panganay na anak, ang unang binuhay mula sa mga patay, upang siya'y maging pangunahin sa lahat. "


Ito po ay ang IGLESIA na katawan ni Cristo,At kung tatawagin, ito ang IGLESIA NI CRISTO



Roma 16:16
" Mangagbatian kayo ng banal na halik. Binabati kayo ng lahat ng mga iglesia ni Cristo. "




Samakatuwid, ang tunay po na sumasampalataya kay Cristo, ay nararapat na maging Sangkap ng katawan o ng IGLESIA NI CRISTO upang magawa ang kalooban ng Dios na magsasagawa ng paglilingkod sa kanya at matipon kay Cristo.



ANO ANG DAPAT NA TIISIN DAHIL SA PANANAMPALATAYA?




Gawa 14:22
" Na pinatitibay ang mga kaluluwa ng mga alagad, at inaaralan sila na magsipanatili sa pananampalataya, at sa pamamagitan ng maraming mga KAPIGHATIAN ay kinakailangang magsipasok tayo sa kaharian ng Dios. "



2 Tesalonica 1:4-5
" Ano pa't kami sa aming sarili ay nangagkakapuri sa inyo sa mga iglesia ng Dios dahil sa inyong pagtitiis at pananampalataya sa lahat ng mga PAGUUSIG sa inyo at sa mga kapighatiang inyong tinitiis"
"Na isang tandang hayag ng matuwid na paghukom ng Dios; upang kayo'y ariing karapatdapat sa kaharian ng Dios, na dahil dito'y nangagbabata rin naman kayo"






Maliwanag po, na ang dapat tiisin ng mga naging kaanib ng IGLESIA NI CRISTO na kalakip ng pananampalataya ay ang pag-uusg at ang kapighatian. Bahagi ng kalooban ng Dios na sa pananampalataya ng mga hinirang niya ay ang Magtiis. Bilang kaanib, anu ang Payo sa lahat ng mga binigyang karapatan sa paglilingkod sa kanya ?



2 Pedro 1:10-11 MBB
" Kaya nga, mga kapatid, lalo kayong maging MASIGASIG upang mapatunayan ninyong kayo ay tinawag at pinili ng Diyos. Kung ganito ang gagawin ninyo, hindi kayo MATITISOD. Sa ganitong paraan, kayo'y maluwag na papapasukin sa walang hanggang kaharian ng ating Panginoon at Tagapagligtas na si Jesu-Cristo".




MAGING MASIGASIG AT HUWAG MATISOD. . .MAGPAKATATAG HANGGAN SA WAKAS (mat.24:13 MB)



Ito'y mahalaga bilang mananampalataya, Kaya para di masayang ang ating pagpapagal, Gawin ang kalooban ng Dios na ayun sa kanyang salita na ito ang katotohanan (juan 17:17). Na ito ang katotohanang itinuro ni Cristo




Juan 5:24 Katotohanan, katotohanang sinasabi ko sa inyo, Ang dumirinig ng aking salita, at sumasampalataya sa kaniya na nagsugo sa akin, ay may buhay na walang hanggan, at hindi mapapasok sa paghatol, kundi lumipat na sa kabuhayan mula sa kamatayan.



Sabado, Marso 22, 2014

Juan 8:58 Si Cristo ba ay Dios?



Isang talata na ginagamit ng ilan upang palabasan na Dios si Cristo,dahil sa mga salitang iniugnay nila.Upang mabigyang linaw ang talatang ito, Ating suriin ang mga pinagbabatayan nila.



Juan 8:58
" Sinabi sa kanila ni Jesus, Katotohanan, katotohanang sinasabi ko sa inyo, Bago ipinanganak si Abraham, ay ako nga. "





Kanilang ginamit ito , sapagkat mababasa umano na si Cristo ay ay nagsabing "AKO NGA",bago ipinanganak si Abraham. Paano naman nila iniugnay na Diyos nga raw si Cristo? Ganito po ang pahayag ng Dios :





Exodo 3:14
" At sinabi ng Dios kay Moises, AKO YAONG AKO NGA; at kaniyang sinabi, Ganito ang sasabihin mo sa mga anak ni Israel, Sinugo ako sa inyo ni AKO NGA".




Ito daw ang nagpapatunay na Dios nga raw si Cristo, Sapagkat binanggit nga ng Dios na siya yaong "AKO NGA".  Subalit, kung ganito lamang ka babaw ang kanilang maging basihan, ay malaki ang kanilang maging problema sapagkat, hindi lang ito ang mga talata na nagpapahayag na may nagsasalita at nagsabi ng "AKO NGA". Kung kapag may nagsasalita ng ganito ay magiging Dios narin ang mga sumusunod na nagsasalita nito :


ANGHEL :


Hukom 13:11  
"At bumangon si Manoa, at sumunod sa kaniyang asawa, at naparoon sa lalake, at sinabi sa kaniya, Ikaw ba ang lalake na nagsalita sa babaing ito? At kaniyang sinabi, Ako nga. "


BULAG


Juan 9:9
  "Sinabi ng mga iba, Siya nga: sinabi ng mga iba, Hindi, kundi nakakamukha niya. Sinabi niya, Ako nga." 


Maging si Apostol Pablo

1 Corinto 15:10 
" Datapuwa't sa pamamagitan ng biyaya ng Dios, ako nga'y ako; at ang kaniyang biyaya na ibinigay sa akin ay hindi nawawalan ng kabuluhan; bagkus ako'y malabis na nagpagal kay sa kanilang lahat: bagaman hindi ako, kundi ang biyaya ng Dios na sumasa akin. "


Malaki ang magiging problema nila kung ganito ang maging isipan sa pagkakamali ng aral ukol dito. Dapat ay hindi agad agad gumawa ng haka-haka kung ano ang pinatutunguhan o kahulugan nito lalo na a pagkilala sa tunay na Dios. Kaya, atin itong titiyakin kung magkaugnay o pareha nga ba talaga ang pinatutungkulan nga dalawang talata?. Ating itanong, Sino ba ang nagsasalita sa Exodo 3:14, Si Cristo ba ito?. Ating ituloy sa talatang 15 . Ganito ang ating mababasa.



Exodo 3:15
" At sinabi pa ng Dios kay Moises, Ganito ang sasabihin mo sa mga anak ni Israel, Sinugo ako sa inyo ng Panginoon, ng Dios ng inyong mga magulang, ng Dios ni Abraham, ng Dios ni Isaac, at ng Dios ni Jacob: ITO ANG AKING PANGALAN magpakailan man, at ito ang AKING PINAKAALAALA sa LAHAT NG LAHI. "






Sa makatuwid, ang Dios na nagsasalita, ito ang DIOS NI ABRAHAM,NI ISAAC, NI JACOB, AT SA LAHAT NG LAHI.




Sa panahon ng Bagong Tipan. Matitiyak at makikilala din ba natin kung sino ang Dios ng mga taong binanggit? Ganito ang ating mababasa :



Gawa 3:13
" Ang Dios ni Abraham, at ni Isaac, at ni Jacob, ang Dios ng ating mga magulang, ay NILUWALHATI ANG KANYANG LINGKOD NA SI JESUS; na inyong ibinigay, at inyong tinanggihan sa harap ni Pilato, nang pasiyahan nito na siya'y pawalan. "






Sa ating nakita, Ang Dios na nagsasalita doon sa Exodo 3:14, ay Hindi si Cristo, sapagkat ito ang LUMULUWALHATI sa kanya. Sino po ba ito ?Ganito po ang pahayag mismo ni Cristo :




Juan 17:1, 5
" Ang mga bagay na ito ay sinalita ni Jesus; at sa pagtingala ng kaniyang mga mata sa langit, ay sinabi niya, Ama, dumating na ang oras; luwalhatiin mo ang iyong Anak, upang ikaw ay luwalhatiin ng Anak: "
" At ngayon, Ama, luwalhatiin mo ako sa iyo rin ng kaluwalhatiang aking tinamo sa iyo bago ang sanglibutan ay naging gayon. "






Malinaw na ang lumuluwalhati kay Cristo ay ang AMA. Tiyak bang ito nga ang Dios na siyang tunay? Ganito parin ang pahayag ni Cristo sa talatang 3 na.:



Juan 17:3
" At ito ang buhay na walang hanggan, na IKAW ay makilala nila NA IISANG DIOS NA TUNAY, at siyang iyong sinugo, sa makatuwid baga'y si Jesucristo. "




Ipinakilala ni Cristo, na ang Iisang Dios ay ang AMA lamang.Tiyak natin na ang pagsabi ng Dios na "AKO NGA" , ito'y Sapagkat siya'y Iisang Dios lamang na siyang dapat kinikilala ng lahat ng LAHI.


Efeso 4:6
" Isang Dios at Ama y lahat, na siyang sumasa ibabaw sa lahat, at sumasa lahat, at nasa lahat. "




Ito ang itinuro ni Cristo na katotohanan, na siya namang tinanggap at itinuro ng mga Apostol :



1 Corinto 8:6
" Nguni't sa ganang atin ay may ISANG DIOS LAMANG, ANG AMA, na buhat sa kaniya ang lahat ng mga bagay, at tayo'y sa kaniya; at isa lamang Panginoon, si Jesucristo, na sa pamamagitan niya ang lahat ng mga bagay, at tayo'y sa pamamagitan niya. "





Nilinaw at pinakilala din ng mga Apostol kung ano ang itinuro ng Mga Apostol. Na walang ibang Dios kundi ang AMA lamang, Kaya malinaw na sa Atin kung bakit ipinahayag ng Dios na siya'y AKO NGA , sapagkat tumutukoy sa Kaniyang Pangalan sa  pagka iisang TUNAY NA DIOS.



UKOL KAY CRISTO




Suriin naman natin, kung bakit naman sinabi ni Cristo na " Bago si Abraham ay AKO NGA" Sa talatang juan 8:58? .




Galacia 3:16
" Ngayon kay Abraham nga sinabi ang mga PANGAKO, AT SA KANYANG BINHI. Hindi sinasabi ng Dios, At sa mga binhi, na gaya baga sa marami; kundi gaya sa iisa lamang, At sa iyong binhi, na si Cristo. "




Si Cristo ay Binhi o mula kay Abraham. At may pangako mula sa Dios. Ano ang pangako sa kanyang Binhi o ni Cristo?



Romans 1:2-4
"God PROMISED LONG AGO through his prophets in the Holy Scriptures to give this Good News to his people. THE GOOD NEWS is about God’s Son, Jesus Christ our Lord. As a human, he was born from the family of David, but through the Holy Spirit he was shown to be God’s powerful Son when he was raised from death."




Ang Magandang balita na ibibigay nya ang kanyang Anak para sa mga Tao. At ito ay mula pa noong una o "LONG AGO". Bakit ba mula pa noong una ang Pangako ng Dios, Anu po ba ang kahulugan nito?




"He was foreknown before the foundation of the world but was made manifest in the last times for the sake of you" I Pet. 1:20



Sa filipino :




"Pinili na siya ng Diyos sa
gawaing ito bago pa nilikha ang daigdig, at ipinahayag siya alang- alang sa inyo, bago sumapit ang katapusan ng mga panahon." I Pedro 1:20





Malinaw po. Kaya po ang dahilan ni Cristo sa pagkasabi niya "Ako Nga" , ay hindi tungkol sa Pagka-Dios, kundi sa kalagayan ng pagkapili ng Dios sa kanya simula't simula pa nang itatag ang sanlibutan. Kaya maling isipin na siya ay eksistido na bago pa nalikha ang sanlibutan. Kaylan lamang nagkaroon ng buhay si Cristo o nag eksistido na?




Galacia 4:4
" Datapuwa't nang dumating ang kapanahunan, ay sinugo ng Dios ang kaniyang Anak, na ipinanganak ng isang babae, na ipinanganak sa ilalim ng kautusan, "





Ang pagsapit ng kapanahunan na si Cristo ay isilang ng Isang babae, tsaka lamang nagkaroon ng buhay na eksistido si Cristo.


Kaya po.maling aral na isiping, May Cristo nang eksistido mula pa noong una, Sapagkat tunay na ang AMA lamang ang nag-iisang Dios.at kaylan ma'y di siya papayag na may iba pang Dios na liban sa kanya.



Isaias 44:8
" Kayo'y huwag mangatakot, o magsipangilabot man: hindi ko baga ipinahayag sa iyo nang una, at ipinakilala? at kayo ang aking mga saksi. May Dios baga liban sa akin? oo, walang malaking Bato; ako'y walang nakikilalang iba. "





Ito ay di kikilalanin ng tunay na Dios kung may iba pang Dios na pilit pinapalabas na mag eksist liban sa Kanya,at kaylan may Labag ito sa kalooban niya.



Isaias 46:9
" Inyong alalahanin ang mga dating bagay ng una: sapagka't ako'y Dios, at walang iba liban sa akin; ako'y Dios, at walang gaya ko "



Ang TATLONG SALITA na PANGALAN ng DIOS ayon sa EXODO 3:14 " EHYEH-AHSHER-EHYEH


Bilang karagdagan, kung babalikan natin ang talata ng Exo.3:14, ay may dapat rin tayo malaman na iyon ay isang katawagan na Pangalan ng Dios sa pagpapakilala Niya. Sa kabila ng apat na letrang pangalan ng Dios (YHWH), na siyang tinatawag na tetragrammaton, na karaniwan ng naisalin sa Ingles na "YAHWEH" o "LORD" sa ibang modernong Ingles na bersion, at "JEHOVA" naman sa ibang matandang Ingles na bersion ng Biblia. Ang BIBLIANG HEBREW, ay nagpapahayag na iba't ibang katawagan na Pangalan ng Dios, gaya anya ng"ELOHIM" (Gen.1:1),"EL ELYON" (Gen.14:18),"EL SHADDAI" (Gen.17:1), at ang tatlong letrang Pangalan na“EHYEH-ASHER-EHYEH” sa Exodus 3:14 na isinalin sa Ingles bilang“I AM WHO I AM”  At hindi ang ukol kay Cristo.





Sana'y malinaw na po sa lahat.

Miyerkules, Marso 19, 2014

Kahalagahan ng Pag-aasawa


          



       Ang kasal, MULA PA SA PASIMULA, ang itinuturing na pinakabananl at pinakadalisay na taling nagbubuklod sa lalaki at babaeng mag-asawa—isang institusyon  na napakahalaga sa buhay ng tao. Ang pagkakaroon ng mabuting asawa ay itinuturing pa nga ng marami na dakilang karangalan ---isang sukatan upang mapatunayan ng isang tao sa kanyang mga kamag-anak, kakilala, at kaibigan na sya ay matagumpay sa kanyang personal na buhay.

            Kung gaano ang pagkilala ng isang tao sa pag-aasawa at kung paano niya tinutupad  ang kanyang mga pananagutang saklaw nito ay lubhang mahalaga para sa kanyang kapakanan---maaari itong magbunga ng kaligayahan at kaganapan ng isang tao ; maaari rin naming magdulot  ito ng sakit ng ulo o kasiphayuan. May mga taong madali matangay ng simboyo  ng damdamin anupa’t ito ay nagtutulak sa kanila na makagawa ng maling pagpapasya. Sa maraming pagkakatraon ay ating nasaksihan kung paano nagpadala ang marami sa impluwensiya ng lipunan pagdating sa pananamit, pananalita, pag-iisip, at maging sa pag-aasawa. Subalit dapat maunawaan ng lahat na ang marami sa nakaugalian ng mga tao sa mundo  ay hindi kasang-ayun sa mga aral ng Diyos. Hindi marapat ipagpauna ng tao ang pagbibigay-kasiyahan sa sarili kaysa pagbibigay-lugod sa Diyos.

            Kaya, paano magagawa ng tao na mabigyang kaluguran ng tao ang Diyos at nang sa gayun ay magkakaroon siya ng maligaya at matagupay na pag-aasawa? Ganito ang pahayag mismo ni Cristo :


At sila’y maging isa .’ kay’t hindi na sila dalawa kundi isa. Ang pinagsama ng Diyos ay huwag paghiwalayin ng tao “. (Mar. 10:8-9, Magandang Balita Biblia)



         Ang pagkakasal kung gayun, ay isang institusyon ng pagbubuklod  ng dalawang taong pinag-isa ng Diyos, na hindi dapat  paghiwalayin ng sinumang tao. Isa itong pang habambuhay na kaugnayan  sa pagitan ng isang lalaki  at isang babae na kanilang sinumpaan na hindi nila puputulin. Ang pagsasamang ito ay dapat pamalaan ng mga batas ng Diyos (Roma 7:2-3), na siyang nagtatali sa mag-aswa sa isat-isa; gaya ng kanilang pangako na  


 “hanggang papaghiwalayin tayo ng kamatayan. “.


       Kung lubos na kinikilala ng mag-asawa na sila ay iisa, gagawin nila ang lahat nilang makakaya upang bigyang-kasiyahan, palakasin, at aalalayan ang isat-isa. Mayroon na silang iisang buhay bilang mag-asawa—ganap na silang isa sa mata ng Dakilang Lumikha.
Maaring ang sosyologo at ang mga kinikilalang marunong ay magmumungkahi ng pamamaraan, kaalaman o hakbang sa pagpili ng tinatawag na “SUOLMATE” subalit ang pinakamabuting asawa ay galing sa Panginoon (Kaw. 19:14). Tunay ngang ang isang matalino,maunawain, at mabuting asawa ay isang mabuting bagay—isang biyaya sa Diyos (kaw. 18:22).



      Napakahalaga kung gayun na sa Diyos itiwala ang pagpili ng makatuwang sa buhay, gaya ng ipinayo ng lingkud ng Diyos :



“Magtiwala ka sa PANGINOON ng buong puso at huwag kang manangan sa sarili mong karunungan;Isangguni mo sa kanya ang lahat ng lakad mo, at itutuwid niya ang iyong landas. Huwag kang magpakapantas sa sarili mong mata; matakot ka sa PANGINOON at iwaksi ang masama.”(Kaw.3:5-7, NPV)


       Dapat na sumandal at manalig tayo sa panginoon nang buong puso upang bigyan ng Diyos na matagumpay ang kanyang Gawain. Kaylan lamang ito mangyayari? Kung ang mga aral at utos ng Diyos ang siyang maghahari sa pagsasama ng lalaki at babaeng mag-asawa. Kaya , nang tagubilinan ng Diyos ang lalaki na :



Ibigin ninyu ang inyun-inyung asawa, gaya ni Cristo sa iglesya” (efeso 5:23,MB)


      Tinutokoy ditong pag-ibig sa asawa ay higit pa sa emosyon o damdamin.Dapat itong mapatunayan sa pamamagitan ng pagbuhos ng buong lakas upang maibigay ang pangangailangan,maipagsanggalang, at maging mapagmahal sa kanyang asawa.Ang lalaking mapagmahal sa kanyang asawa ay ginagawa ang lahat upang mabigyan ng tahanan ang kanyang asawa (kung hindi man agad-agad ay bahagi ito ng kanyang panukala sa hinaharap),at maging sa lahat ng kanyang pangangailangan at ng kanilang mga anak upang maging makabuluhan at matatag ang kanilang buhay. Kung magagawa ng lalaking maipadama ang kanyang taos at wagas na pagmamahal sa asawa, magiging magaan paraa sa babae na magpasakop sa kanyang pangungulo.
Sa kabilang dako, nang utosan ng Diyos ang mga babae na:



“ Pasakop kayo sa inyung asawa tulad ng pagpapasakop ninyu sa panginoon. Sapagkat ang lalaki ang ulo ng kanyang asawa, tulad ni Cristo na siyang ulo ng iglesya…”( Efeso 5:22-23,Ibid)



       Ito ay nangangahulugan na gumawa ang babae ng isang matibay na pasiya na galang ang kanyang asawa nang walang halong pagkukunwari(sapagkat may babae na nais pangunahan o domihan ang asawang lalake upang gawin ang kanilang balang maibigan) kundi alang-alang sa kabutihang ipinakita nito sa kanya.Ang isang babaeng may takot sa Diyos ay hindi kailanman sasamantalahin ang kabaitan ng kanyang asawa upang maibigay nito ang lahat ng kaniyang ibig.
Nang sabihin ng Diyos na:



iiwan ng lalaki ang kanyang ama’t ina at magsasama sila ng kanyang asawa, at sila’y maging isa” (Efe.5:31,Ibid)



      Ito ay nangangahulugan na hindi dapat payagan ng mag-asawa na may makakasira 0 makakahadlang sa kanilanhg maayos na pagsasama ang kanilang pakikitungo sa kanilang mga magulang. Nakakalungkot, subalt may ibag mag-asawa nadi magagawang iwan o makawalaa sa poder ng kanilang mga magulang. Madalas nilang maisumbong ang mga pagkukulang ng kanilang asawa kaya naman ang mga beyinan ay nagkakaroon ng masamang damdamin laban sa kanilang manugang. Bagama’t marami mang magulang  ang nakapagbigay ng mahusay na payo at gabay sa mag asawa, mas mabuting manalangin muna ang mag-asawa bago nila pag-usapan nang sarilinan ang kanilang mga suliranin bago idulog sa iba.Nang ipaalaalang Diyos na:



“ Mga lalaki, sa ganoon ding paraan, maging maunawain kayo sa inyu-inyung asawa. Pakitunguhan ninyo sila nang may paggalang sapagkat sila’y mahihinang di tulad ninyo… sa gayon, walang magiging hadlang sa inyung mga panalangin.”(I Ped. 3:7, NPV)


      Ito  ay nangangahulugang di nila dapat hamakin o di kaya’y apihin ang kanilang asawang babae, dahil lamang may mababang antas ng pinag-aralan kumpara sa kanila. Dapat unawain ng lalaki na  hindi kinuha sa talampakan ang babae, kaya hindi siya dapat hamakino yurakan. Manapa’y ang babae ay kinuha mula sa tadyang ng lalake kaya makatuwiran lamang na sya ay bigyan ng marapat o mataas na pagpapahalaga.



DIBORSYO

Ang paghihwalay ay tila baga napakadali sa maraming mag-aasawa sa panahong ito. Ang konsepto ng tinatawag na “NUCLER FAMILY” noong dekada 50 at 60 ay napalitan nan g mga sambahayang malayung-malayo sa pinanukala ng Diyos.
Ang nakakalungkot, ito ay ginagawa ng milyun-milyong mag-aasawa sa lahat ng panig ng daigdig na wala man lamang pagsaalang-alang kung ito ay pinahintulutan ng diyos. Ano ba ang sabi ng Diyos ukol sa Diborsyo ? ganito ang pahayag ni propeta Malakias:



“ Hindi ba sila’y pinag-isa ng PANGINOON? Sa katawan at sa Espiritu, sila ay sa kanya. At bakit isa? Pagkat naghahanap siya ng maka-Diyos na bunga. Kaya nga, ingatan mo ang iyong sarili sa iyong espiritu, at huwag sumira sa pangako sa asawa ng inyong kabataan. ‘Namumuhi ako sa diborsyo ng mag-asawa,’ sabi ng PANGINOONG Diyos ng Israel….Kaya nga, ingatan mo ang iyong sarili sa iyong espiritu at huwag kang sisira sa pangako”  (Mal. 2:15-16, NPV, sa amin ang pagbibigay-diin)



      Wala nang mas lilinaw pa ditto sa pahayag ng Diyos na “NAMUMUHI AKO SA DIBORSYO” . Sa halip na magsikap na maging tapat na kabiyak, ang iba ay kaagad nahuhulog sa maling paniniwala na :


“mas madaling lagdaan ang isang kapirasong papel kaysa gumugol ng panahon at lakas para lamang magtagumpay ang pagsasama” ( http://EzineArticles.com/?expert=DanaKrupinsky )

Nakakalungkot subalit ang lipunan ay nagbago mula sa pagbibigay-halaga sa pamilya tungo sa pagbibigay-halaga sa sarili. Alinsunod sa Banal na kasulatan, sinumang humiwalay sa kabiyak at mag-aasawa ng iba ay “ Nagkasala ng pangangalunya” (Mat.19:9, NPV). Batid nating ang pagtataksil ay isa sa mga sanhi ng paghihiwalay ng mag-asawa at ang diborsyo ay totoong isang mapait na karanasan maging sa panig ng mga anak, anuman ang kanilang edad o antas ng pag-iisip---subalit mas higit nsa dapat ikatakot na : “ang mga nagsisigawa ng gayong mga bagay ay hindi magsisipagmana ng kaharian ng Diyos” (Gal.5:19-21).




Kung making lamang ang tao sa tagubilin ng Diyos na ganito:



“Aking anak ang mga salita ko ay dinggin mo, at ang aking mga utos, ingatan nga at sundin mo…Kaya nga, iyong malalaman katuwiran at katarungan, At iyong tataluntunin ang landas ng kabanalan…ang natatamong kaalaman nga sa iyo ay mag-iingat, Ang unawa’y maglilihis sa liku-likong landas” (Gal.5:19-21,9,11, MB)



      Ang buhay ay mapupuspos  parin ng mga tiisin, ang mga suliranin ay daratal at mawawala, ang pagsasama ng mag-asawa ay daraan parin sa ibat-ibang pagsubok dulot ng pang araw-araw na hamon ng buhay sa mundong ito—Subalit kung ang Diyos ang siyang lalakip sa buhay ng mag-asawa, ang kaligayahan, kahustuhan at kasiyahang dulot ng pagsasama ay mamalagi hanggang sila ay papaghiwalayin ng kamatayan.