Isang biyaya at pagpapala na naipagkaloob ng Diyos sa loob ng Kaniyang Iglesia sa patuloy na paglago at paglawak nito, at sa pagtawag ng mga tao na kasamang may karapatan sa kaligtasan.
PASUGO- Mula nang MAILIMBAG ang kauna-unahan nitong sipi noong Pebrero 1939 hanggang sa kasalukuyan, matagumpay na isinakatuparan ng lathalaing "PASUGO: GOD'S MESSAGE" ang pananaw at layunin ng SUGO NG DIYOS sa mga huling araw, ang Kapatid na Felix Y. Manalo, tungkol sa nais ng Diyos na dapat maisagawa at marating ng Iglesia ni Cristo. Hinahangad ng Sugo na magkaroon ng isang magasin ang Iglesia ni Cristo, na siyang magpapahayag ng "PASUGONG MULA SA DIYOS" na hango sa mga aral na nakasulat sa Biblia, at siya ring magbubunyag ng mga HIDWANG ARAL ng iba't ibang relihiyon sa mundo. Magiging kasangkapan din ito upang ilathala ang mga Balita at impormasyon ukol sa samu't saring mga aktibidad at kaganapan sa Iglesia. Ang pananaw na yaon ng Kapatid na Manalo, na siya ring unang patnugot ng PASUGO, ay patuloy na isinakatuparan sa loob ng nakalipas na 75 TAON hanggang sa kasalukuyan na ang mga mambabasa nito ay hindi lamang sa PILIPINAS kundi sa buong daigdig.
Hindi kakaunti ang mga tao at mga sambahayan ang natawag sa Iglesia ni Cristo sa pamamagitan ng mga KATOTOHANAN ng BIBLIA na kanilang nabasa sa PASUGO, na ibinahagi sa kanila ng mga nagmamagandang-loob na kapatid. Ang mga aral ng Diyos na maaaring hindi magawang maipangusap ng mga kapatid sa kanilang mga kaibigan at kamag-anak ay NAIPAABOT NILA at NAIPALAGANAP sa pamamagitan ng PASUGO. Naging kasangkapan ang PASUGO upang maisakatuparan ang masidhing hangaran ng mga kapatid na ang mga nasa ibayong dagat, ay matawag di sa tunay n paglilingkod at pagkilala sa tunay na Diyos.
Sa mahigit na PITONG DEKADA kung saan ang Pasugo ay sumailalim sa mga pagbabago sa disenyo at maging sa wikang ginagamit, ang magasin ay hindi lamang naging mabisang kasangkapan sa pagmimisyon sa iba't ibang tao kundi nagpalawak din sa kaalamang espirituwal ng mga kaanib ng Iglesia. Marami nang makukulay na karanasan ng pag-anib sa Iglesia ng mga tao mula sa iba't ibang reihiyon at lahi ang natampok sa 'CONVERT STORIES. " Paborito ring basahin ng iba ang mga tampok na talambuhay na kapupulutan ng mga aral na inilalathala naman sa "INSPIRING LIVES."
Mula noong 1939 hanggang 1953, wikang Filipino ang tanging lengguwahe na ginamit sa PASUGO. Subalit yayamang ang INGLES ang itinuturing na "LINGUA FRANCA" ng sibilisadong daigdig, isang seksiyon ng PASUGO ang inilaan para sa nasabing wika, simula noong Mayo 1953. Sa kasalukuyan, mahigit-kumulang 2/3 na nalalaman ng magasin ay isinusulat sa wikang Ingles.
Noong Oktubre 2009, idinagdag sa magasin ang "SAPANISH SECTION" dahil sa lumalaking bahagdan ng mga kaanib sa Estados Unidos at sa Canada na Kastila ang pangunahing wika. Bukod pa rito ang patuloy na lumalakas na gawaing pagpapalaganap ng Iglesia sa bansang Mexico, sa Espanya, at maging sa Sentro at Timugang Amerika.
Dahil sa pagsiklab ng ikalawang digmaan at pananakop ng mga Hapon sa Bansang Pilipinas ay nagkaroon ng patlang na halos 10 taon sa paglilimbag ng Pasugo, mula PEBRERO 1941 HANGGANG DISYEMBRE 1950. Naganap ito sa panahong mahigpit na sinupil ng mga mananakop na Hapones ang kalayaan sa pamamahayag sa bansa. Subalit matapos na mapanumbalik ang kapayapaan at katatagan sa bansa pagkatapos ng digmaan, ang PASUGO ay muling inilimbag noong 1951, at ang pamamatnugot nito ay isinalin kay Kapatid na Benjamen J. Santiago, Sr.
Sa lumipas na 75 taon, mula Pebrero 1939 hanggang sa kasalukuyan ay iilan lamang, walong katao lang ang naging PANGULONG PATNUGOT ng Pasugo na pawang humahawak din ng iba't ibang gampanin sa Iglesia, pangunahin na rito ang pagiging ministro ng ebanghelyo.
●Brother Felix Y. Manalo [Feb. 1939 - 1941]
●Bother Banjamen J. Santiago Sr. [1952 - 1968]
●Brother Teofilo C. Ramos Sr. [1968 - 1973]
●Brother Beda H. Aboloc [1973 - 1974]
●Brother Cipriano P. Sandoval [1974 - 1984]
●Brother Bienvenido C. Santiago Sr. [1984 - 2009]
●Brother Richard J. Rodas [2009 - 2013]
●Brother Isaias T. Samson jr. [2013 - Present]
Yayamang niloob ng Panginoong Diyos na:
" Anumang nasa kasulatan noon pang una ay nasulat sa ikatututo natin, sapagkat lumalakas ang ating loob at nagkakaroon ng pag-asa kapag binabasa natin ang mga aral na matatagpuan dito" [Roma 15:4, Magandang Balita Biblia],
Ang Pasugo ay namamalaging tapat sa layunin nito na maituro ang mga katotohanang nakasulat sa Biblia upang mahayag ang pag-ibig at habag ng Diyos sa lahat ng kinapal, anuman ang kanilang lahi o nasyunalidad , lalo na ang hindi personal na naaabot ng pangangaral, at upang sila'y matipon sa iisang katawan ni Cristo o sa Iglesia ni Cristo [Efe. 1:9-10; Roma 12:4-5; Col. 1:18; Gawa 20:28, Lamsa Translation]
Buong giting na ipinahayag ni Apostol Pablo na, :
1 Timoteo 2:3-4" Ito'y mabuti at nakalulugod sa paningin ng Dios na ating Tagapagligtas;
Na siyang may ibig na ang lahat ng mga tao'y mangaligtas, at mangakaalam ng katotohanan. "
Kaya ginagamit ng Pamamahala ng Iglesia ang iba't ibang kaparaanan sa pagpapalaganap ng mga salita ng Diyo, gaya ng Radyo, Telebisyon, pagsusugo ng mga ministro sa iba't ibang panig ng daigdig, at sa pamamagitan ng salitang nakalimbag, gaya ng PASUGO. Ito ay bilang tugon din sa panawagan ng Diyos :
Judas 1:23" At ang iba'y inyong iligtas, na agawin ninyo sa apoy; at ang iba'y inyong kahabagan na may takot; na inyong kapootan pati ng damit na nadungisan ng laman. "
Sa kasalukuyan, ang Iglesia ni Cristo ay binubuo na ng mga tao mula sa humigit-kumulang na 100 na iba't ibang lahi, na isang kahayagan na ang pag-ibig ng Diyos sa tao ay hindi batay sa kulay ng kaiyang balat o sa bansang pinagmulan. Kaya napapanahong itanong ng mga kapatid sa kanilang sarili kung gaano sila nagtatalaga at nakikiisa sa gawaing pagpapalaganap na ang isang mabisang paraan ay ang PAMAMAHAGI NG PASUGO, yayamang ang gawaing pagliligtas na ito ay magpapatuloy at hindi matatapos hanggang sa matawag ang kahulihulihang lingkod ng Diyos at dumating ang araw kung kailan isusugo ng Ama ang Kaniyang Anak na Siyang magdadala sa atin sa makalangit na tahanan.
Ang Iglesia Ni Cristo ay patuloy na magbabahagi sa lahat at sasagot sa ano mang katanungan. Kung kayo'y may katanungan, komento, or suhistyun?
Email at : pasugo@iglesianicristo.org.ph. or pasugo@inc.org.ph.
Or ipasa ang inyong sulat kasama ang kompletong PANGALAN, ADDRESS, sa lahat nga mga sumusunod na editorial Offices:
●U.S.A.: 770 Airport Boulevard, burlingame CA 94010 USA. FAX: (650) 548-1739
●EUROPE: Staines Road West, Sunbury-on-thames TW16 7AH, United Kingdom. Fax: (0044-193) 275-5467
●AUSTRALIA: #3 Ross St., North Parramatta, NSW 2151 Australia. Fax: (612) 9630-5058
●NORTHEAST ASIA: 2 Chome 14-2, kita-Magome Otaku, Tokyo 143-0021 Japan. Telefax: (81-03) 6303-7874
●PHILIPPINES (main office): Iglesia ni Cristo Central Office, No.1 Central Avenue, New Era, Quezon City 1107 Philippines. Fax: (632) 981-4333
Salamat po sa inyong patuloy na pagsubaybay. .
Hindi kaila sa lahat ang mga nangyayari ngayon sa mundo. Sa magkabi-kabila'y may KAGULUHAN. Bagaman ang lahat ay NAGHAHANGAD ng kapayapaan, gayunpaman laganap ang kaligaligan sa maraming dako. Sa PILIPINAS lamang, may bagong kagimbal-gimbal na pangyayari na nakatawag pansin sa buong mundo ang PATAYAN NA NAGANAP kamakailan lamang, hindi lang iyon maging ang KAHIRAPANG natatamasa ng marami na nakapagdulot ng dalamhati sa marami. Isang masalimoot na pangyayari na naging MAHABANG PAKSA at naging TAWAG sa karamihan upang magdanas ng matinding emosyon at minsan hahantong sa masamang mithiin.
Nakakalungkot hindi po ba? Hindi lamang iyan, sapagkat ang karamihan ay dumaraing rin ng HIRAP. Marami ang nawalan ng hanapbuhay o walang hanapbuhay o mayroon mang trabaho ay kulang ang kinikita para sa pangangailangan ng kanilang pamilya. Dama sa maraming bansa ang KAGULUHAN AY HIGIT ANG KAGUTOM.
Kaya, naitatanong ng ilan: BAKIT NAGKAGANITO ANG MUNDO? BAKIT NAGHIHIRAP AT NAGUGUTOM NANG GANITO ANG MARAMING TAO? GANITO BA TALAGA ANG NAIS NG DIYOS NA MAGING KALAGAYAN NG TAO?
Ang totoo, noong una'y maginhawa ang buhay ng tao. Hindi kailangang ang tao ay magpatulo ng pawis para kumain, sapagkat bago pa siya nilalang ng Diyos ng Diyos ay inihanda na ang kaniyang magiging tahanan, ANG HALAMANAN NG EDEN. Doo'y pinatubo ng Diyos ang lahat ng punong kahoy na nakalulugod sa paningin at mabubuting kainin. Naroon din ang punong kahoy ng buhay at ang punong kahoy ng pagkakilala ng mabuti at masama. Maligayang nabubuhay ang tao sa piling ng DIYOS [Gen. 2:8-15].
NAAKIT NG MALING PALIWANAG
Subalit dumating ang ahas na manunukso. Ito ang diablo o si satanas [Apoc. 12:9]. Dinaya niya si Eva sa pamamagitan ng Kaniyang mga kasinungalingan. Tinuruan niyang sumuway ang tao sa utos ng Diyos na :
Genesis 2:16-17 " ... Sa lahat ng punong kahoy sa halamanan ay makakakain ka na may kalayaan
" Datapuwa't sa kahoy ng pagkakilala ng mabuti at masama ay huwag kang kakain; sapagka't sa araw na ikaw ay kumain niyaon ay walang pagsalang mamamatay ka. "
Sinabi ng manunukso na
Genesis 3:4-5 " ... Tunay na hindi kayo mamamatay: Sapagka't talastas ng Dios na sa araw na kayo'y kumain niyaon ay madidilat nga ang inyong mga mata, at kayo'y magiging parang Dios, na nakakakilala ng mabuti at masama. "
Nahulog si Eva sa bitag ng diablo, kaya :
Genesis 3:6 " ... pumitas siya ng bunga niyaon at kinain; at binigyan din niya ang kaniyang asawang kasama niya, at ito'y kumain. "
Ang pangyayaring ito'y malaking leksiyon sa tao. Kailanman ay hindi dapat paakit kaninuman sa alinman o anumang paliwanag na salungat sa mga salita ng Diyos na nasusulat sa Banal na Kasulatan upang huwag mapahamak gaya ng sinapit ni Eva at ng kaniyang asawa.
SINUMPA ANG LUPA, ANG TAO, AT ANG IKABUBUHAY NG TAO
Dahil sa pagsuway na ginawa ng mga unang tao, sinabi ng Diyos sa lalaki na:
Genesis 3:17-19 " ... Sapagka't iyong dininig ang tinig ng iyong asawa, at kumain ka ng bunga ng punong kahoy na aking iniutos sa iyo na sinabi, Huwag kang kakain niyaon; sumpain ang lupa dahil sa iyo; kakain ka sa kaniya sa pamamagitan ng iyong pagpapagal sa lahat ng mga araw ng iyong buhay
" Ang isisibol niyaon sa iyo ay mga tinik at mga dawag; at kakain ka ng pananim sa parang
" Sa pawis ng iyong mukha ay kakain ka ng tinapay, hanggang sa ikaw ay mauwi sa lupa; sapagka't diyan ka kinuha: sapagka't ikaw ay alabok at sa alabok ka uuwi. "
Bunga ng sumpa ng Diyos sa mga unang tao dahil sa kanilang kasalanan, sila na dati ay hindi NAGHAHANAPBUHAY AY KINAILANGAN NANG MAGSIKAP at MAGPAGAL para sa kanilang ikabubuhay. Mula rin noon, tinakdaan ng Diyos ng kamatayan ang tao. Ang tao na nagmula sa alabok ay sa ALABOK DIN UUWI.
Tangi sa kamatayang pagkalagot ng hininga, itinakda rin ng Diyos na ang taong nagkasala ay IBUBULID SA DAGAT-DAGATANG APOY na siyang ikalawang kamatayan upang doon ay magdusa magpakailanman araw at gabi ng WALANG KAPAHINGAHAN sa apoy at asupre [Apoc. 20:5, 14; 14:9-11]. Dahil sa gawang masama, itinuring na ng Diyos na kaaway Niya ang tao [Col. 1:21]. Sa ganitong kalagayan, ang tao, sa harap ng Diyos bagaman buhay ay PATAY NA [1Tim.5:6]. Nahiwalay na ang tao sa Diyos, kaya, kahit pa tumawag ay hindi na sasagutin ng Diyos [Isa. 59:2]. Ito ang naging masaklap na kalagayan ng tao sa harap ng Diyos.
ANG LAHAT AY NAGKASALA
Ngunit, bakit sa kasalanan ng mga unang tao'y naramay ang buong sanlibutan? Ibig bang sabihin ay MINANA NG TAO ANG KASALANAN NINA ADAN AT EVA? Hindi minamana ang kasalanan. Ang kasalanan ay pagsalangsang sa kautusan [1 Juan 3:4]. Ang lahat ng tao ay nagkaroon ng kamatayan, sapagkat nang ang mga unang tao ay magkasala, PINALAYAS sila sa HALAMAN NG EDEN at PINABANTAYAN sa mga keruben ang daang patungo sa punong kahoy ng buhay upang huwag silang makakain ng buong bunga niyaon [Genesis 3:23-24]. Ito ang dahilan kaya lahat ng ipinanganak sa labas ng halaman ng eden ay nagkaroon ng kamatayan. Sinabi ni Apostol Pablo:
Roma 5:12" Kaya, kung paano na SA PAMAMAGITAN NG ISANG TAO AY PUMASOK ANG KASALANAN sa sanglibutan, AT ANG KAMATAYA'Y SA PAMAMAGITAN NG KASALANAN; at sa ganito'y ang kamatayan ay naranasan ng lahat ng mga tao, sapagka't ang lahat ay nangagkasala "
Ang lahat ay nagsilihis; walang gumagawa ng mabuti kahit isa. Kaya naman, ang buong sanlibutan ay napasa ilalim ng HATOL NG DIYOS [Roma 3:11-12,19]. Hindi kataka-taka kung gayon, na sa mundong ito ngayon ay NAGHAHARI ANG KAGULUHAN, DIGMAAN, AT SARI-SARING KASAAM. Dahil sa kasalanan, sinumpa ng Diyos ang lupa, ang tao, at pati ang ikabubuhay niya:
Isaias 24:5-6
" Ang daigdig na ito ay magiging karumal-dumal Dahil sa mga taong may MARUMING PAMUMUHAY; MGA TAONG LUMALABAG SA TUNTUNIN NG KAUTUSAN AT AYAW TUMALIMA SA WALANG HANGGANG TIPAN.
" Kaya't ang SUMPA'Y daranasin ng daigdig, at magdurusa ang mga nilikha dahil sa kanilang kasamaan, At ilan lamang ang natitira. " [Magandang Balita Biblia]
ANG DAPAT GAWIN
Naging mapait man ang sinapit ng mga tao dahil sa sumpa, may ibinigay parin ang Diyos na pagkakataon upang sila'y makapanumbalik sa Kaniya:
Malakias 3:7" Mula nang mga kaarawan ng inyong mga magulang kayo'y nangagpakaligaw sa aking mga tuntunin, at hindi ninyo tinalima. MANUMBALIK KAYO SA AKIN, AT AKO'Y MANUNUMBALIK SA INYO, sabi ng Panginoon ng mga hukbo ... "
Ito na lamang ang nalalabing pag-asa ng tao sa mundong ito, ang MANUMBALIK SA DIYOS. Nangako ang Diyos sa mga manunumbalik sa Kaniya na Siya'y manunumbalik din sa kanila.
Ang paraan upang ang tao ay makapanumbalik sa Diyos ay itinuturo ng Banal na Kasulatan:
Jeremias 6:16" Ganito ang sabi ng Panginoon, Magsitayo kayo sa mga daan at magsitingin kayo, at ipagtanong ninyo ang mga dating landas, kung saan nandoon ang mabuting daan; at magsilakad kayo roon, at kayo'y mangakakasumpong ng kapahingahan sa inyong mga kaluluwa: ... "
ANG TANGING DAAN AT KUNG PAANO MAKADARAAN
Ang tanging daan patungo sa Diyos ay walang iba kundi ang Panginoong Jesucristo:
Juan 14:6" Sinabi sa kaniya ni Jesus, AKO ANG DAAN, at ang katotohanan, at ang buhay: sinoman ay DI MAKAPAROROON SA AMA, KUNDI SA PAMAMAGITAN KO. "
Upang ang tao ay makabalik sa Diyos, at maligtas, kailangan siyang pumasok sa KAWAN sa pamamagitan ng PINTUAN na si Jesuscristo:
" I am the Door; anyone who comes into the FOLD through me will be SAFE" [Juan 10:9, Revised English Bible]
Sa Filipino:
" Ako ang pintuan; sinumang pumasok sa loob ng KAWAN sa pamamagitan ko ay magiging LIGTAS. "
Ang pumasok kay Cristo na siyang pintuan ay PUMALOOB SA KAWAN. Ang kawang ito ay ang IGLESIA NI CRISTO:
Gawa 20:28 “Ingatan ninyo kung gayon ang inyong mga sarili at ang buong kawan na rito’y hinirang kayo ng Espiritu Santo upang maging mga katiwala, upang pakanin ang IGLESIA NI CRISTO na binili niya ng kaniyang dugo.” [Lamsa Translation]
Kaya ang katumbas ng pagpasok sa kay Cristo para mapaloob sa KAWAN ay ang pagpasok o pag-anib sa IGLESIA NI CRISTO. Sa ganitong paraan makadaraan ang tao kay Cristo at makababalik loob sa Diyos. Itinuro ni Cristo na ang pumasok sa Kaniya sa pamamagitan ng pag-anib sa Iglesia ni Cristo ay maliligtas sa PARUSA sa dagat-dagatang apoy [Juan 10:9; Apoc.20:14].
Dahil sa ginawang pagtubos sa kanila sa pamamagitan ng dugo ni Cristo, ang mga taong nasa loob ng Iglesia ni Cristo ay NAKABALIK SA KARAPATAN na maglingkod sa Diyos [Heb.9:14]. Kung sila ay magtatapat at mananatili hanggang sa wakas ay tatahan sila sa BAYANG BANAL na roon ay wala nang pagluha, wala nang kamatayan, ni dalamhati, o panambitan man, o hirap man. Lahat ng mga mapapait ba bagay na nararanasan sa mundong ito ay mapaparam na [Apoc. 21:1-4; Mat. 24:13]
Kung gayon, ang IGLESA NI CRISTO ay mahalaga at kailangan ng tao upang siya'y makapanumbalik sa Diyos. Marami man ang kaguluhan at kahirapan na hindu minsan aasahan ng marami sa mundong ito, gayunman ay nakakatiyak ang mga KAANIB sa tunay na Iglesia ni Cristo na pagdating ng takdang panahon ay tatamasahin nila ang isang mas mabuting buhay , ang buhay na walang hanggan.
Ang mga bulaang mangangaral ay patuloy sa paggamit ng mga talata na pilit baluktutin upang mapaniwala ang marami sa kanilang MALING PANINIWALA at mailigaw sa maling aral. Isa sa MALING ARAL ay ang paniniwalang Diyos si Cristo. Upang mapaniwala ang marami, siyempre gagamit at gagamit ng mga talata, hindi lang isa kundi marami silang sinisipi na mga talata upang masasabing TAMA nga kahit mali na, ganun ka talino ang diablo. Ang isa sa talata ay gaya ng nakasulat sa Mateo 4:7 at Lucas 4:12.
Subalit bago ang pagkakataong iyan, ginamit rin nila ang mga naunang mga talata nito [Mateo 4:10; Lucas 4:8], upang pabulaanan na Dios si Cristo sapagka't sinabi rin ni Cristo na "SA DIOS LAMANG SUMAMBA" kaya Dios nga raw talaga si Cristo dahil sa mga katagang iyon. May nagawa na po tayong kasagutan sa maling pang-unawang iyon at maaaring bisitahin ang artikulo ukol rito.
Dios ba si Jesus dahil sinabi na "SA DIOS LAMANG SUMAMBA ayun sa Mateo 4:10; Lucas 4:8 ?
Ating ipagpatuloy at balikan ang ukol sa Mat. 4:7 at Lucas 4:12 at ating suriin kung paano nila ito inunawa at binaluktot ang talatang ito. Ating sipiin ang laman ng talata :
Mateo 4:7" Sinabi sa kaniya ni Jesus, Nasusulat din naman, HUWAG MONG TUTUKSUHIN ANG PANGINOONG MONG DIOS. " [Ang Biblia]
Lucas 4:12" At pagsagot ni Jesus ay sinabi sa kaniya, Nasasabi, HUWAG MONG TUTUKSUHIN ANG PANGINOON MONG DIOS." [Ang Biblia]
Gaya ng naunang pangyayari, ay karugtong rin ito sa pag-uusap ng diablo at ni Cristo, sa pagkakataong tinukso ng diablo si Cristo na sundin ito sa kaniyang kagustuhan. Kaya, dito'y nahulog ulit sa maling pag-unawa ang mga BULAANG MANGANGARAL na sarili ni Cristo raw ang tinutukoy ni Cristo na Diyos na "HUWAG TUKSUHIN o SUBUKIN [sa ibang salin] ".
SINO ba ang tinutukoy ni Jesus na HUWAG MONG TUTUKSUHIN ang Panginoon MONG Dios? Siya ba ito na akala nila'y si Jesus? Tandaan na kausap ni Jesus ang diablo at mismo ang diablo rin alam kung sino lamang at ilan ang Dios. At siyempre iisa lamang ang alam din niya at hindi trinity:
Santiago 2:19" Ikaw ay sumasampalataya na ANG DIOS AY IISA; MABUTI ANG IYONG GINAGAWA: ANG MGA DEMONIO MAN AY NAGSISIMPALATAYA, at nagsisipanginig. "
Mabuting ARAL na malaman na ang Dios ay IISA lamang. Ganoon din at alam ng diablo iyon. Hindi dalawa sa iisa o tatlo sa iisang Dios kundi malinaw na "IISANG DIOS". Kaya kung si Cristo ang tatanungin, SINO ang tinutukoy Niya sa panghalip na "MO" sa pagkasabi sa diablo na yun ang tinukso niya? Ganito din ang kataga na sinabi Niya sa mga alagad na kanilang sinasampalatayan at kanilang kinilala. Ganito ang sabi naman ni Jesus:
Juan 20:17
" Sinabi sa kaniya ni Jesus, Huwag mo akong hipuin; sapagka't hindi pa ako nakakaakyat sa Ama, nguni't pumaroon ka sa aking mga kapatid, at sabihin mo sa kanila, Aakyat ako SA AKING AMA AT INYONG AMA, at AKING DIOS AT INYONG DIOS. "
Dito ay Sinabi ni Jesus na ang Dios ng mga ALAGAD NIYA, ay ITO din ang DIOS NIYA, na walang iba kundi ang AMA. Sa makatuwid, ang mga KATAGANG " MO,
IYO" Ay mga PRONOUN o PANGHALIP, ay kagaya rin na tinutukoy ni Cristo doon sa naunang talata [Mat.4:10; Luc.4:8] na Diyos kung sino iyon. Walang iba kundi ang Ama at hindi Siya. Kaya kung susuriin natin ang mga pahayag ng daiblo, HINDI NIYA KAYLANMAN sinabi na si Cristo ay Diyos, kundi " ANAK NG DIOS". Ganito ang nakasulat :
Lucas 4:3" At sinabi sa kaniya ng diablo, KUNG IKAW ANG ANAK NG DIOS, ipag-utos mo na ang batong ito ay maging tinapay. "
Lucas 4:9" At dinala niya siya sa Jerusalem, at inilagay siya sa taluktok ng templo, at sinabi sa kaniya, KUNG IKAW AY ANAK NG DIOS, ay magpatihulog ka mula rito hanggang sa ibaba "
Malinaw. "ANAK NG DIOS" at hindi ang mismong Diyos. Kaya, ang Diyos na tinutukoy ng diablo kung saan may Anak ay siyempre walang iba kundi ang "AMA". Kaya kung si Cristo ang Diyos, abay dapat nilang patunayan na si Cristo ang may Anak, seguradong hindi nila mapapatunayan iyon.
Balikan natin ang pinaka maintopic sa talata na kanilang binaluktot. Bago sabihin ni Cristo ang katagang " HUWAG MONG TUTUKSUHIN ANG PANGINOON MONG DIYOS" ano nga ba ang nais ng diablo bakit ANG AMA rin ang tinukso ng diablo kahit si Cristo lamang ang kausap? Ganito balikan natin ang pangyayari at ituloy natin sa pahayag ni Cristo:
Lucas 4:9 At dinala niya siya sa Jerusalem, at inilagay siya sa taluktok ng templo, at sinabi sa kaniya, Kung ikaw ay Anak ng Dios, ay magpatihulog ka mula rito hanggang sa ibaba:
Lucas 4:10 Sapagka't nasusulat, SIYA'Y MAGBIBILIN SA KANIYANG MGA ANGHEL TUNGKOL SA IYO, UPANG IKAW AY INGATAN "
Lucas 4:11 AT, AALALAYAN KA nila ng kanilang mga kamay, Baka matisod ka ng iyong paa sa isang bato.
Lucas 4:12 At pagsagot ni Jesus ay sinabi sa kaniya, Nasasabi, HUWAG MONG TUTUKSUHIN ANG PANGINOON MONG DIOS. "
Bakit ang Ama ang kasama sa tinukso ng diablo na Siyang tinutukoy ni Cristo? Malinaw sa talatang 10 na sinabi:
" SIYA'Y MAGBIBILIN SA KANIYANG MGA ANGHEL TUNGKOL SA IYO, UPANG IKAW AY INGATAN "
Ang "SIYA" na tinutukoy ng diablo ay napakalinaw walang iba kundi ang AMA kung saan magpapadala raw ng anghel kung sakaling MAGPATIHULOG si Cristo upang AALALAYAN upang hindi matisod sa mga bato. Sa pagkakataong ito'y dalawa ang tinukso ng diablo :
1. Ang Ama [ang iisang Diyos]- na mag-uutos raw at magpapadala ng mga anghel kung sakaling magpatihulog si Cristo.
2. Si Cristo [Anak ng Diyos]- na sasamba at susunod sa daiblo kung sakaling maniwala Siya nito.
Napakalinaw hindi po ba? Kaya isang kabaluktutan lamang ng pang-unawa ang sabihing, sarili ni Cristo ang tinutukoy na Diyos ayon sa Kaniyang pahayag. Kahit kaylan ma'y hindi inangkin iyon ni Cristo bagkus ipinakilala pa Niya sa lahat ang tunay ay iisang Diyos na marapat kilalanin at hindi ang Kaniyang sarili :
Juan 17:1, " Pagkasabi ni Jesus ng mga pananalitang ito, tumingala siya sa langit at kanyang sinabi, “AMA, .... Ito ang buhay na walang hanggan: ANG MAKILALA KA NILA, ANG IISA AT TUNAY NA DIYOS, at ang makilala si Jesu-Cristo na iyong isinugo. " [MBB]
Ang Ama lamang ang iisa at tunay na Diyos ayon sa kaniyang pahayag, at hindi Niya inangkin iyon kaylanman, at ang KATOTOHANANG ito ang ikapagtatamo ng BUHAY NA WALANG hanggan at hindi ang kabaluktutang maling turo at aral.
TUNAY NA DUGO BA ANG PINAINOM NI CRISTO?
Nakakagulat na tanong hindi po ba? Kung ang isang TUNAY NA TAGAPANGARAL e papayag kaya siya na ipangaral na ang Panginoong Jesucristo ay nagpapainom ng tunay na dugo? Isang paglapastangan ang ganitong paniniwala at sa isa pang CFD[Catholic Faith Defender] nagmula ang paniniwalang ito. tama kaya ang paniniwalang ito? Tunghayan sa larawan ang kaniyang pahayag. [Photo Credit to Bro. John Philip XD]
Hindi po ba't MALINAW niyang ipinapahayag umano na :
" Kung bawal ang dugo, bakit pinainum ni Jesus ang mga apostol sa kaniyang TUNAY NA DUGO"
Pansinin ang sinabi na "TUNAY NA DUGO" raw, kaya bakit daw nagbabawal pa tayo sa pagkain ng dugo. Kahindik-hindik ang paniniwalang ito. Suriin natin ang sinipi njyang talata :
Juan 6:56" Ang kumakain ng aking laman at umiinom ng aking dugo ay nananahan sa akin, at ako'y sa kaniya. "
Dahil sa binanggit na "UMIINOM ng AKING DUGO" ay nasagi agad sa isip niya na literal na dugo ang pinainom ni Jesus sa mga alagad. Tandaan at pansinin po na WALANG SINABI SI JESUS NA "TUNAY" o "LITERAL" na dugo ang pinainom sa mga alagad. Kung gayon ISANG IMBENTONG ARAL pala ang ipinangaral ni Reil Lopez upang mailigaw ang karamihan.
Subalit, hindi lamang na uminom ng dugo ang binanggit upang lubos na mananahan si Cristo sa kaniya, at siya'y kay Cristo kundi may binanggit din na :
" Ang Kumakain ng aking laman"
Kung tatanggapin niyang LITERAL at TUNAY na DUGO ang ininom, ay dapat tanggapin din niya na LITERAL NA LAMAN ang kanilang kinain. Tatanggapin kaya niya ito?Tanggap na tanggap ng buo. Tingnan ang larawan :
Tanggap daw po. Parang Cannibal lang pala ang paniniwala ng ating kaibigan. Subalit bilang kasagutan mula sa Biblia at sa kaalaman din ng marami para hindi mailigaw ng maling paniniwala, GANITO ang sagot ng Panginoon Jesucristo :
Juan 6:51" AKO ANG TINAPAY NA BUHAY na bumabang galing sa langit: kung ang sinoman ay KUMAIN NG TINAPAY na ito, siya'y mabubuhay magpakailan man: oo at ANG TINAPAY NA AKING IBIBIGAY AY ANG AKING LAMAN, sa ikabubuhay ng sanglibutan. "
Napakalinaw na ang LAMAN na kakainin o pinapakain ni Jesus ay HINDI literal kundi isang TINAPAY na sumisimbolo lamang sa kaniyang KATAWAN o LAMAN bilang pag-alaala sa kaniya:
1 Corinto 11:24" At nang siya'y makapagpasalamat, ay kaniyang pinagputolputol, at sinabi, Ito'y aking katawan na pinagputolputol dahil sa inyo: gawin ninyo ito sa pagaalaala sa akin. "
Ang DUGO naman kaya na pinapainom ni Jesus, baka iyon ay LITERAL na at TUNAY gaya ng sinabi ng isang CFD. Tumpak kaya siya sa kanilang pinapangaral o isang salungat? Hindi parin tayo ang sasagot kundi ang ang nakasulat sa Biblia na ganito ang isinasaad :
1 Corinto 11:25" At gayon din naman HINAWAKAN ANG SARO pagkatapos na makahapon, na sinasabi, Ang sarong ito'y siyang bagong tipan sa aking dugo: gawin ninyo ito sa tuwing kayo'y magsisiinom, sa pagaalaala sa akin. "
Ang binanggit ng Talata ay isang SARO ang pinapainom ni Cristo bilang sumisimbolo sa Kaniyang dugo at sa KABUUAN ng pag-alala sa kaniya. Hindi pala isang "TUNAY" o LITERAL na dugo ni Cristo sapagkat may paalala rin na
" gawin ninyo ito sa tuwing kayo'y magsisiinom, sa pagaalaala sa akin"
Kung LITERAL na dugo e paano kaya sila hahanap ng dugo ni Cristo hanggang ngayon? At tunay na hindi mangyayari ang ganoong pangyayari at maling aral sapagkat napakalinaw ang PAMAMARAAN at aral na isinasagawa ng mga unang lingkod at maging ng mga tunay na lingkod sa panahon ngayon at hindi sa kabulaanang aral hanggang sa araw ng muling pagparitu ni Cristo [1 Cor.11:26].
BABALA SA PAGSASAGAWA NITO
Gaano ba kasama ang pagkakaroon ng maling paniniwala at pagkaintindi sa aral na ito? Lalo na sa ipinapangaral ni Reil Lopez sa kaniyang relihiyon na kinaaaniban? Ano ba ang tamang paraan ? Ganito at ating tunghayan:
1 Corinto 11:27-29
" Kaya't ang sinomang KUMAIN NG TINAPAY, O UMINOM SA SARO NG PANGINOON, NA DI NARARAPAT, AY MAGKAKASALA sa katawan at dugo ng Panginoon.
" Datapuwa't siyasatin ng tao ang kaniyang sarili, at saka kumain ng tinapay, at uminom sa saro.
" Sapagka't ang kumakain at umiinom, ay kumakain at umiinom ng hatol sa kaniyang sarili, kung hindi niya kinikilala ang katawan ng Panginoon. "
Napakalaki ng kahalagahan ng pagkakaalam ng katotohanang ito. Kung magkakamali ang tao sa pagsasagawa nito ay isang PAGKAKASALA at ANG KAKAININ at IINUMIN niya ay isang HATOL ng Panginoon. Tandaan na ang tunay na pamamaraan sa pagsasagawa ng PAG-ALALAA[banal na hapunan] ay HINDI lamang ang TINAPAY ang KAININ kundi KASAMA ang SARO upang maisasagawa ito sa KABUUAN. Kaya kung may relihiyon ngayon na nagpapatupad nito subalit TINAPAY lamang ang kinakain ng mga MIYEMBRO at walang kasamang SARO ay isang maling pamamaraan at maling aral ang kanilang naisasagawa sapagkat malinaw na Ang tinapay na kakainin ay may kasamang saro [1 Cor. 11:24-26]. At ito ang ikapagtatamo ng buhay na walang hanggan :
Juan 6:54" Ang kumakain ng aking laman at umiinom ng aking dugo ay may buhay na walang hanggan; at siya'y aking ibabangon sa huling araw. "
Kaya kung kayo'y tatanggap nito ay HUWAG kayong pumayag na ang ibibigay lamang sa inyo ay TINAPAY gaya ng ginagawa ng Katoliko at ang mga Pari lamang ang iinom ng Saro. Sapagkat LAHAT ang dapat magsasagawa at hindi lamang ang isang tao.
At bilang paglilinaw, HINDI TUNAY o LITERAL na dugo ang ininum o pinainom ni Cristo kundi isa lamang pagsisimbolo nito bilang pag-alaala. Ang dugo ni Cristo ay hindi ipinapainom kundi ito'y isang napakahalaga sapagkat ito ang ginamit na pagtubos ng Iglesia [Gawa 20:28] sa ikapagpatawad ng kasalanan [Heb. 9:22].
Ang aral na itinuturo ni Reil Lopez ay ang palatandaan sa ikakikilala sa bulaang mangangaral at bulaang relihiyon na binanggit ng ating Panginoong Jesucristo. Ganito ang sinabi niya sa Mateo 15:14 :
"'Hayaan ninyo sila. Sila'y mga bulag na tagaakay; at kapag bulag ang umakay sa bulag, kapwa sila mahuhulog sa hukay'. " [MB]
Ang mga bulaang tagapangaral ay mga bulag na tagaakay. Ang sinumang akayin ng mga ito ay mapapahamak lamang na tulad din ng mga tagapangaral nila. Ano ang ibig sabihin ng bulag na tagaakay? Ayon kay Apostol Pablo :
"Ibig nilang maging guro ng kautusan gayong hindi nila nauunawaan ang kanilang sinasabi, ni ang mga bagay na itinuturo nila nang buong tiwala. " [ITim.1:7, MB]
Ang palatandaang ito ukol sa bulaang tagapangaral at relihiyon ay natupad nga sa relihiyon din ni Reil Lopez na Iglesia Katolika Romana. Inaamin ng mga awtoridad ng Iglesia Katolika na sila mismo na tagapangaral ay hindi nakauunawa ! Ganito ang pahayag ni Rev. Andrew Greeley sa aklat na "Your Teenager and Religion" :
" The simple truth is that those of us who have the responsibility for teaching the real meaning of Christianity to the young have failed to convert it into language which has meaning in the contemporary world. We have not found the words which will stir young hearts. We have not found the modes of expression which will break through youthful apathy and indifference and fear. There may be all kinds of valid excuses for our failure, but the fact remains: when we speak about religion to young people they do not know what we are talking about the really do not care to know. Perhaps the reason is that we do not know ourselves. This picture may be too black. " [pp.13-14 ]
Sa Pilipino :
" Ang madaling unawaing katotohanan ay yaong ilan sa atin na may pananagutang ituro ang tunay na kahulugan ng Cristianismo sa mga kabataan ay nabigong isalin ito sa wikang may kahulugan sa pangkasalukuyang daigdig. Hindi pa natin natatagpuan ang mga salitang makakapukaw sa mga batang puso. Hindi pa natin natatagpuan ang paraan ng pananalita na mag-aalis sa pagwawalang bahala at kalamigan ng loob at takot ng kabataan. Maaaring magkaroong lahat ng uri ng mga makatuwirang dahilan sa ating pagkabigo, ngunit mananatili ang katotohanan: kung tayo ay nagsasalita sa mga kabataan tungkol sa relihiyon hindi nila alam kung ano ang sinasabi natin at talagang wala silang pagpapahalagang malaman. Marahil ang dahilan ay tayo rin mismo ang hindi nakakaalam. Ang paglalarawang ito ay maaaring napakaitim. "
Inamin ng paring si Andrew Greeley na ang dahilan kung bakit hindi nila maipaunawa sa mga kabataan ang mga aral ng Iglesia Katolika ay sapagkat sila mismo ay hindi nakaaalam ng kanilang pananampalataya.
Ano kaya ang dahilan at kapos sila sa pagkaunawa? Ganito ang sinasabi sa isa pang aklat ng Iglesia Katolika na sinulat ni Joseph Faa Di Bruno :
" Moreover, a written Bible is a dead book. Nor is it an easy book, it does not explain itself. " [Catholic Belief, p. 14]
Sa Pilipino :
"Higit doon, ang sinulat na Biblia ay isang patay na aklat. Ni hindi ito isang madaling unawaing aklat, hindi nito ipinaliliwanag ang kaniyang sarili. "
Paano nga makauunawa ng wastong pananampalataya ang mga CFD na ito at mga paring katoliko samantalang hindi nila nauunawaan ang mga nasusulat sa Biblia? Ang Biblia na kinaroonan ng salita ng Diyos ay isa raw patay na aklat at hindi madaling unawain.
Kaya sana'y mapukaw ang isipan ng marami mula sa katotohanan at hindi mahulog sa maling paniniwala sapagkat ang ikapagtatamo ng kaligtasan ay sa PAGSUNOD SA PAMAMARAAN AT KALOOBAN NG DIOS [Mat.7:21]. Gaya ng, Bakit nga ba BAWAL ANG PAGKAIN NG DUGO? Bisitahin ang arituko ukol dito
http://iglesianicristolahingtapat.blogspot.com/2014/02/pagkain-ng-dugo-ipinapahintulot-ba.html?m=1
KALAYAAN. Isang napakahalagang makamit ng bawat isa kung saan man siya naging alipin. Kapag pag-uusapan ang KALAYAAN, ay agad naiisip natin na Pagkakaroon ng pagkakataon na gumawa at malaya sa isang bagay kung saan ito nauukol. Ang pagiging MALAYA din ay hangad naman ng maraming tao gaya anya sa kamay ng mapagsamantala at mapanikil o MAGING SA SULIRANIN sa buhay na minsa'y gumagapos sa marami at nais MAKALAYA rito. Subalit, ano nga ba ang PINAKAMAHALAGANG KALAYAAN na dapat matamo ng tao? May bahagi kung saan ang tao ay ALIPIN parin ukol dito, at ito ang marapat na pagtuonan ng bawat isang napailalim sa pagkaalipin nito. Ito ang ating aalamin kung ano at saan ito.
Ang Panginoong Jesucristo ay mayroong sinabi naman tungkol sa mga "TUNAY" na nagkaroon ng kalayaan. Paano ba magiging tunay na malaya ang tao? Dito pumapasok ang kahalagahan ng pagkakaroon ng tao ng pagkaunawa sa KATOTOHANANG MAGPAPALAYA sa kaniya [Juan 8:32 NPV], na ito ay ang mga salita ng Diyos na pawang katotohanan, ayon din mismo sa ating Panginoong Jesucristo [Juan 17:17].
Ipinakilala ni Cristo kung sino ang binabanggit Niyang nangangailangan ng kalayaan sapagkat sila ay NASA KALAGAYANG ALIPIN:
" Sumagot si Jesus, 'Sinasabi ko sa inyo ang katotohanan, BAWAT NAGKAKASALA AY ALIPIN NG KASALANAN" [Juan 8:34, NPV]
Ang taong nagkakasala ay alipin ng kasalanan at dito dapat MAKALAYA ang tao. At sapagkat ang lahat ng tao ay nagkasala [Roma 5:12] at nakatakdang magbayad ng kamatayan sa dagat-dagatang apoy [Roma 6:23; Apoc. 20:14], kaya ang lahat ng tao, saan man sila naroroon at anoman ang kanilang kalagayan sa buhay, ay alipin ng kasalanan.
ANG TUNAY NA KALAYAAN
Kapag kalayaan ang pinag-uusapan, karaniwang ipinalalagay na ang kahulugan nito ay ang kalayaang gawin ang balang maibigan kahit na ito ay ayon na sa pita ng laman o kasalanan [Gal. 5:16-17]. Ayaw na nila na sila'y nalilimitahan o nasasagkaan sa ibig nilang gawin.
Tunay nga bang MALAYA ang taong ganito ang isipan o pakahulugan sa KALAYAAN? Hindi, sapagkat ayon sa itinuro ng mga apostol:
"Hindi ba ninyo alam na pag ibinigay ninyo ang inyong sarili kaninuman upang sumunod ay ALIPIN KAYO NG INYONG SUNUSUNOD, maging sa KASALANANG UMAAKAY sa kamatayan o sa pagtalimang hahanga sa pagiging matuwid?" [Roma 6:16, NPV]
Isang alipin na maituturing ang taong napaakay sa kasalanan na maghahatid sa kaniya sa parusang kamatayan. Ito ang tiniyak ng mga Apostol na sasapitin ng mga alipin ng kasalanan:
" Sapagka't nang kayo ay mga alipin ng kasalanan, kayo'y laya tungkol sa katuwiran.
" Ano nga ang ibinunga ninyo sa panahong yaon sa mga bagay na ngayo'y ikinahihiya ninyo? sapagka't ang wakas ng mga bagay na yaon ay kamatayan. " [Roma 6:20-21]
Ang kamatayang tinutukoy ay ang IKALAWANG KAMATAYAN sa dagat-dagatang apoy na nakaambang parusa sa lahat ng alipin sa kasalanan [Apoc.21:8].
Tunay na walang kalayaan ang taong alipin sa kasalanan o nagpapakabuyo sa kalayawan. Kaawa-awa ang kalagayan ng ganitong tao, sapagkat kung ilarawan ng mga apostol ay " BAGAMA'T ANG BUHAY AY PATAY " [1 Tim.5:6]. Sentensyado na siya sa kaparusahan sa dagat-dagatang apoy. Ganito kung ilalarawan ng Biblia ang kalagayan ng mga tao na ginagawa ang lahat ng maibigan kahit na ito ay labag sa kalooban ng Diyos.
Ang mga nagtataglay ng kaisipan ng laman o patuloy sa paggawa ng kasalanan ay nakikipag-alit sa Diyos at hindi napasasaklaw sa kautusan at hindi maaaring maging sa Diyos [Roma 8:7]. Palibhasa'y tumatangging sumunod sa kautusan, na ang ginagamit na pamantayan sa buhay ay ang sariling kalooban o karunungan. Mataas ang pagkakilala nila sa sarili, bunga marahil ng tagaly nilang karunungan, kung kaya't pinipilit na sila naman daw ay may layang makapamili ng kung ano ang susundin sa kanilang buhay. At may nang-aakit pa ng ibang mga tao na sumama sa kanila na malayang nakapag-isip at nakapagsagawa ng ibang mga bagay-bagay sa buhay nila sa mundo. Mapanganib at nanganganib ang taong may ganitong isipan. Sinabi ni Apostol Pablo:
1 Timoteo 6:3" Kung ang sinoma'y nagtuturo ng ibang aral, at hindi sumasangayon sa mga salitang nakagagaling, sa makatuwid ay sa mga salita ng ating Panginoong Jesucristo, at sa aral na ayon sa kabanalan "
1 Timoteo 6:4" Ang gayon ay palalo, walang nalalamang anoman, kundi may-sakit sa mga usapan at mga pagtatalo, sa mga salitang pinagbubuhatan ng kapanaghilian, mga pagkakaalit, mga pagalipusta, mga masasamang akala. "
Kaya nagpayo ang mga apostol na huwag maging palalo ang tao at sa halip ay magtaglay ng mababang kaisipan at ipalagay na lalong mabuti ang iba kaysa kanila [Fil.2:3]. Sa ganito ay magagawa ng tao na sumunod sa kautusan o katuwiran ng Diyos.
ANG DAKILANG KALAYAAN
Mawawalan ng kabuluhan ang kalayaang maaaring makamit ng tao sa mundo na kaniya pa man ding pinamumuhunan at ipinakikipaglaban kung hindi siya magiging malaya sa PAGKAALIPIN sa kasalanan. Hindi makaiiwas dito ang sinuman sapagkat may itinakda ang Diyos na araw na Kaniyang huhukuman ang lahat ng tao batay sa kautusan ng kalayaan:
Santiago 2:12" Gayon ang inyong salitain, at gayon ang inyong gawin, na GAYA NG MGA TAONG HUHUKUMAN sa pamamagitan ng KAUTUSAN NG KALAYAAN. "
Sa kautusan ng kalayaan na binabanggit ng mga apostol nakasalalay ang IKAPAGTATAMO ng tunay na kalayaan. Mahalagang ito'y matupad upang hindi lang maging malaya kundi magtamo rin ang tao ng pagpapala [Sant.1:25]. Sinasabi rin ng Biblia na kapag ang kautusan o tuntunin ng Diyos ang sinunod ng tao, tiyak na lalakad siya sa KALAYAAN:
Awit 119:45" AT LALAKAD AKO SA KALAYAAN; sapagka't aking hinanap ang iyong mga TUNTUNIN. "
Kaugnay nito, dapat maging maingat ang tao sa paghahanap ng tunay at dakilang kalayaan hindi kung sino na lamang ang kaniyang susundin at pakikinggan. Dapat niyang sangguniin ang katotohanan na siyang makapagtuturo kung paano magkakaroon ng tunay na KALAYAAN. Napakalinaw ng pahayag ng Biblia na ang mga pinalaya ng ating Panginoong Jesucristo ang siyang TUNAY NA MALAYA [Juan 8:36, Magandang Balita Biblia]. At ito ay pinatotohanan ng mga apostol na mababasa sa Gawa 13:39 na ganito ang isinasaad:
" SA PAMAMAGITAN NIYA pinatatawad at NAGIGING MALAYA SA LAHAT ng ito ang SINUMANG SUMAMPALATAYA SA KANIYA. " [Biblia ng Sambayanang Pilipino]
Ngunit hindi sapat na ang gawin lamang ng tao ay sumampalataya. Ang kapatawaran ng kasalanan na magpapalaya sa tao sa parusang WALANG HANGGAN ay makakamtan sa pamamagitan ng pagkabuhos ng dugo at maliban dito'y walang kapatawaran:
Hebreo 9:22" At ayon sa kautusan, ay halos masasabi kong lahat ng mga bagay ay nililinis ng dugo, at MALIBAN NA SA PAGKABUHOS NG DUGO AY WALANG KAPATAWARAN. "
Ang tinubos ng mahalagang dugo ng ating Panginoong Jesucristo ay walang iba kundi ang IGLESIA NI CRISTO:
Gawa 20:28 “Ingatan ninyo kung gayon ang inyong mga sarili at ang buong kawan na rito’y hinirang kayo ng Espiritu Santo upang maging mga katiwala, upang pakanin ang IGLESIA NI CRISTO na binili niya ng kaniyang dugo.” [isinalin mula sa Lamsa Translation]
Kung gayon, walang tunay na MALAYA sa sangkatauhan maliban sa mga taong tinubos sa dugo ng ating Panginoong Jesucristo o sa mga kaanib sa Iglesia ni Cristo. Tanging sa Iglesia lamang makakamtan ang tunay at dakilang kalaayan.
ANG IKAPANANATILING MALAYA
Ang magpaalipin sa katuwiran o kalooban ng Diyos ay hindi isang kaapihan o kalugihan. Sa halip, ito ang ikakabanal ng tao at ikapagkakaroon niya ng BUHAY NA WALANG HANGGAN [Roma 6:22, 19, NPV]. At upang maingatan ang dakilang kalayaan na ipinangako , ganito ang bilin ng mga apostol:
" Para sa kalayaan ay PINALAYA TAYO NI CRISTO; kaya't magpakatatag kayo AT HUWAG PASAKOP NA MULI SA PAMATOK NG PAGKAALIPIN. " [Gal.5:1, Ang Bagong Ang Biblia]
Ang tinutukoy na "PAMATOK NG PAGKAALIPIN" ay ang gawa ng laman o kasalanan [Gal. 5:19-21]. Ang pinaghaharian ng kaisipan ng laman ay patungo sa kamatayan at sila'y hindi kalulugdan ng Diyos samantalang ang nasa kapayapaan naman ay nagtataglay ng kaisipan ng Espiritu na siyang tinatahanan ng Espiritu ng Diyos at ni Cristo :
Roma 8:5" Sapagka't ang mga ayon sa laman ay nangagsisitalima sa mga bagay ng laman; datapuwa't ang mga ayon sa Espiritu ay sa mga bagay ng Espiritu. "
Roma 8:6" Sapagka't ang kaisipan ng laman ay kamatayan; datapuwa't ang kaisipan ng Espiritu ay buhay at kapayapaan. "
Roma 8:7" Sapagka't ang kaisipan ng laman ay pakikipagalit laban sa Dios; sapagka't hindi napasasaklaw sa kautusan ng Dios, ni hindi nga maaari "
Roma 8:8" At ang nangasa laman ay hindi makalulugod sa Dios. "
Roma 8:9" Datapuwa't kayo'y wala sa laman kundi nasa sa Espiritu, kung gayo'y tumitira sa inyo ang Espiritu ng Dios. Datapuwa't kung ang sinoma'y walang Espiritu ni Cristo, siya'y hindi sa kaniya. "
Tiniyak din ni Apostol Pablo na kung saan naroroon ang Espiritu ng Panginoon, doon ay may kalayaan [2 Cor. 3:17]
Kaya kung hangad ng tao ang MAPAYAPA, MASAGANA, AT MALAYANG PAMUMUHAY ng walang anumang bagabag o kapighatian, napakahalagang masumpungan siya sa pagsunod. Ganito ang patotoo ng isang lingkod ng Diyos :
" Ako nama'y mamumuhay ng payapa at malaya, Yamang ako sa utos mo'y sumusunod namang kusa. " [ Awi 119:45, MB]
Isang dakilang kalayaan ang tatamuhin ng tao kung susunod lamang siya sa lahat ng kalooban ng Diyos sa paraang PUMALOOB SIYA SA TUNAY NA IGLESIA, ANG IGLESIA NI CRISTO. Sa ganito, anuman ang mangyari sa mundo ay magkakaroon siya ng tunay na kalayaan mula sa pagkaalipin sa kasalanan at malaya ding maisasagawa niya ang paglilingkod na taglay ang pag-asa sa pagmana ng PANGAKO NG DIYOS.
.jpg)
