REBULTO AT LARAWANG INANYUAN, KALUGURAN BA SA DIOS?

Nakakalungkot lang isipin, na sa pagsapit ng KAPISTAHAN NG ITIM NA NAZARENO ay dinadagsa ng maraming tao na tinatawag na deboto. Naka ukit sa puso at isipan nila bilang pagiging deboto ay ang PAGBIGAY LUGOD ANG PAGPUPURI doon sa dala-dala at pasa-pasan na rebulto. Minsan nakakabagbag damdamin din na kasama pa minsan ang ating MAHAL SA BUHAY sa pagsasagawa ng bagay na ito. Marami ang nasasaktan, marami ang namamatay sa siksikan. Hirap at pagtitiis ay ginugugol para lamang MAIPAHID ANG PANYO O TOWEL doon sa rebulto ng NAZARENO.

Subalit, ano ba ang layunin ng Iglesia Ni Cristo bakit sa kabila ng pagsunod at PAGPAPAKITA NG PAGLILINGKOD na kanilang ginagawa, ay hindi nakikiayon ang Iglesia Ni Cristo, at PATULOY ang paghikayat sa tao na may kamalian ang ganitong paglilingkod sa Dios. ANO BA ANG MALAKING KAMALIAN sa Ganitong gawain?

Minsan naman, kapag maipahayag na ang katotohanang ukol dito ay iniisip agad nila na sinisiraan namin sila. Kung kanila lang sanang isapuso ang katotohanang ito, ay hindi po kami ang nagsasabi, kundi ito po ay mula mismo sa Biblia na itinuturo ng Dios. Kaya, dapat suriin ng tao kung sa anong kadahilanan kung bakit hindi ito isang nakakalugod na gawain, KAHIT MAMUHUNAN paman ng pagsakripisyo at tiis? Anong paraan ang ayaw ng Dios sa pagbibigay puri sa Kaniya? Ganito ang Kaniyang sagot:


Isaias 42:8
" Ako ang Panginoon; na siyang aking pangalan: at ang aking kaluwalhatian ay hindi ko ibibigay sa iba, o ang akin mang kapurihan sa mga larawang inanyuan. "


Ang sabi ng Dios, sa mga pagpupuri sa Kaniya, hindi marapat na idaan pa ito sa kaparaanan o sa pamamagitan ng LARAWANG INANYUAN. Sapagkat, ang sabi ni Cristo, ang tamang paraan ng pag-aalay o pagsamba sa Dios, ay sa pamamagitan ng Espiritu at Katotohanan (Juan 4:23-24), at hindi sa pamamagitan ng rebulto. Ayaw na ayaw ng Dios na ito'y gawin ng tao na hindi sa Kaniyang kagustuhan. Sapagkat, ang sabi ni Cristo, ang hindi pagsunod sa kagustuhan ng Dios ay hindi ikaliligtas (Mat.7:21). Kaya ang tunay na pagsunod ay ang pagsunod sa kaloobanng Dios.

Ano ang utos at babala ng Panginoong Dios ukol sa mga tao na nahulog sa ganitong mga gawa? Ganito ang sabi:


Deuteronomio 5:8
" Huwag kang gagawa para sa iyo ng larawang inanyuan na kawangis ng anomang anyong nasa itaas sa langit, o ng nasa ibaba sa lupa, o ng nasa tubig sa ilalim ng lupa "


Malinaw po na itong bagay na ito ay hindi na po pala bagong utos ng Dios. E tanung po ng ilan, Paano po pala ngayun , Yung mga mga Minamahal sa buhay na pinagawan ng rebulto,o maging ang Iglesia Ni Cristo nga daw ay nagpagawa ng rebulto ng kapatid ng Felix Manalo,mali din po pala?

Sagot : Hindi po masama yun,Sapagkat may tinutokoy po ang Dios sa bagay na ipinagbabawal . Sa anung gawain? narito po :


Ang Masama sa paggawa ng larawang inanyuan

Levitico 26:1
" Huwag kayong gagawa para sa inyo ng mga diosdiosan, ni magtatayo kayo ng larawang inanyuan o haligi, ni huwag kayong maglalagay ng batong inanyuan sa inyong lupain, upang inyong yukuran yaon: sapagka't ako ang Panginoon ninyong Dios. "


Exodo 20:5
" Huwag mong yuyukuran sila, o paglingkuran man sila; sapagka't akong Panginoon mong Dios, ay Dios na mapanibughuin, na aking dinadalaw ang katampalasanan ng mga magulang sa mga anak, hanggang sa ikatlo at ikaapat na salin ng lahi ng mga napopoot sa akin "

Deuteronomio 5:9
" Huwag mong yuyukuran sila o paglilingkuran man sila: sapagka't akong Panginoon mong Dios ay mapanibughuing Dios, na aking dinadalaw ang kasamaan ng mga magulang sa mga anak, sa ikatlo at sa ikaapat na salin ng nangapopoot sa akin "


Napakalinaw na ito ay ipinagbabawal at ayaw ng Dios. Sa paanong paraan? kung ang larawan ay may kaugnayan at kinalaman na sa paglilingkod kung saan niyuyukuran na at pinaglilingkuran at ginagamit sa mga pagpupuri sa Kaniya, ITO'Y KASUKLAM-SUKLAM SA HARAP NIYA. Ito po ang bahagi kung saan Ipinagbawal na ng Dios.

Bakit po ayaw ng Dios? May pinapaala ala ba sa atin? ganito naman ang sabi:


Deuteronomio 4:23-24
" Mangagingat nga kayo, baka inyong malimutan ang tipan ng Panginoon ninyong Dios, na kaniyang pinagtibay sa inyo, at kayo'y gumawa ng larawang inanyuan na kahawig ng anomang bagay na ipinagbawal sa iyo ng Panginoon mong Dios.
Sapagka't ang Panginoon mong Dios ay isang apoy na mamumugnaw, mapanibughuing Dios nga. "

Ito'y sapagkat Mapanibughuin po ang Dios, Kaya po ayaw niya na ang ginawang larawan ay may kaugnayn na sa paglilingkod sa kanya. Gaano kabigat ang galit ng Dios sa ganitong gawain at paggawa ng larawan upang magkaroon ito ng kaugnayan sa paglilingkod sa kanya? Ganito ang pahayag ng Biblia:



Deuteronomio 4:25
" Pagka ikaw ay nagkaanak at nagkaanak ang inyong mga anak, at nagluwat kayo ng malaon sa lupaing yaon, at nagpakasama kayo, at gumawa kayo ng larawang inanyuan na kahawig ng anomang bagay, at gumawa kayo ng masama sa paningin ng Panginoon mong Dios, upang mungkahiin ninyo siya sa kagalitan "


Deuteronomio 27:15
" Sumpain ang taong gumagawa ng larawang inanyuan o binubo, bagay na karumaldumal sa Panginoon, na gawa ng mga kamay ng manggagawa, at inilagay sa dakong lihim. At ang buong bayan ay sasagot at magsasabi, Siya nawa. "


Awit 78:58
" Sapagka't minungkahi nila siya sa galit ng kanilang mga mataas na dako, at kinilos nila siya sa panibugho ng kanilang mga larawang inanyuan. "



Jeremias 8:19
" Narito, ang tinig ng hiyaw ng anak na babae ng aking bayan na mula sa lupain na totoong malayo: Hindi baga ang Panginoon ay nasa Sion? hindi baga ang kaniyang Hari ay nandoon? Bakit minungkahi nila ako sa galit ng kanilang mga larawang inanyuan, at ng mga walang kabuluhan ng iba? "


Jeremias 51:47
" Kaya't narito, ang mga araw ay dumarating, na ako'y maglalapat ng kahatulan sa mga larawang inanyuan sa Babilonia; at ang kaniyang buong lupain ay mapapahiya; at ang lahat ng mapapatay sa kaniya ay mangabubulagta sa gitna niya. "



Nahum 1:14
" At ang Panginoon ay nagbigay utos tungkol sa iyo, na hindi na matatatag ang iyong pangalan: sa bahay ng iyong mga dios ay aking ihihiwalay ang larawang inanyuan at ang larawang binubo; aking gagawin ang iyong libingan; sapagka't ikaw ay hamak. "


Masama po ang kahahantungan ng taong patuloy sa pagsunud sa mga larawang inanyuan lamang. Ang pagsiklab ng GALIT NG DIOS ay namumuhi sa kaniya, hanggang sa kaniyang lipi at angkan. Isang masakit sa panig ng Sinomang tao kapag ang Dios na mismo ang may galit at SUSUMPA SA BUHAY ng tao. Hindi isang biro kung ang Dios na ang magpapahayag sa Kaniyang adhikain. Ito'y matutupad kung ayaw pagsisihan at talikuran ng tao ang kaniyang pagsalangsang. Kaya naman, may payo ba ang Biblia kung anu ang maaring gawin dito, kung sakalaling nahulog ang tao sa ganitong pagkakasala? Ang sabi ng Biblia:



Deuteronomio 7:5
" Kundi ganito ang inyong gagawin sa kanila; inyong igigiba ang kanilang mga dambana, at inyong pagpuputolputulin ang kanilang mga haligi na pinakaalaala at inyong ibubuwal ang kanilang mga Asera, at inyong susunugin sa apoy ang kanilang mga larawang inanyuan. "



Deuteronomio 7:25
" Ang mga larawang inanyuan na kanilang mga dios ay iyong susunugin sa apoy: huwag mong iimbutin ang pilak o ang ginto na nasa mga yaon, ni huwag mong kukunin para sa iyo, baka sa iyo'y maging silo: sapagka't ito'y isang karumaldumal sa Panginoon mong Dios. "



Deuteronomio 12:3
" At iyong iwawasak ang kanilang mga dambana, at inyong pagpuputol-putulin ang kanilang mga haliging pinakaalaala, at susunugin ang kanilang mga Asera sa apoy; at inyong ibubuwal ang mga larawang inanyuan na kanilang mga dios; at inyong papawiin ang kanilang pangalan sa dakong yaon. "



2 Cronica 34:7
" At kaniyang ibinagsak ang mga dambana at pinukpok ang mga Asera at ang mga larawang inanyuan ay dinurog, at pinagputolputol ang lahat na larawang araw sa buong lupain ng Israel, at nagbalik sa Jerusalem. "


Isaias 30:22
" At inyong lalapastanganin ang mga panakip ng inyong mga larawang pilak na inanyuan at ang pangbalot sa inyong mga larawang ginto na binubo: iyong ipaghahagis na gaya ng maruming bagay: iyong sasabihin, Humayo ka."


Ang payo ay LAYUAN na ito, iwasan na at ibuwal. Ang sabi ng Biblia,"ITO AY KARUMALDUMAL SA DIOS". Walang silbi po ang paglilingkod sa mga larawan, kaya ang sabi po ng mga talata, "HUMAYO KA" .Galit na galit po ang Dios sa ganitong uri ng mga paglilingkod. Ang ganitong uri ng maling paraang ng paglilingkod ay hindi na panibago, sapagkat maging sa panahon paman ng Lumang Tipan ay may lumabag na sa ganitong gawain,narito po ng ilang halimbawa sa Biblia :


2 Cronica 33:21-22
" Si Amon ay may dalawang pu't dalawang taon nang siya'y magpasimulang maghari; at siya'y nagharing dalawang taon sa Jerusalem.
At siya'y gumawa ng masama sa paningin ng Panginoon, gaya ng ginawa ni Manases na kaniyang ama: at si Amon ay naghain sa lahat ng larawang inanyuan na ginawa ni Manases na kaniyang ama, at naglingkod sa mga yaon. "



Hoseas 11:2
" Lalo silang tinawag ng mga propeta, ay lalo naman silang nagsihiwalay sa kanila: sila'y nangaghahain sa mga Baal, at nangagsusunug ng mga kamangyan sa mga larawang inanyuan."



Gaya rin ng panyayari ngayon, ay magkatulad din ng ginawang paglabag noon, kaya, ang PAYO ng Dios ay hindi lamang para noon kundi hanggang sa panahon ngayon sapagkat marami parin ang nahuhulog sa ganitong KARUMAL-DUMAL na gawain sa harap ng Dios. Paano inihalintulad ang mga ganoong uri ng tao?


Isaias 40:20
" Siyang napakadukha sa gayong alay ay pumipili ng isang punong kahoy na hindi malalapok; siya'y humahanap sa ganang kaniya ng isang bihasang manggagawa upang ihandang larawang inanyuan, na hindi makikilos. "


Isaias 42:17
" Sila'y mangapapaurong, sila'y mangapapahiyang mainam, na nagsisitiwala sa mga larawang inanyuan, na nangagsasabi sa mga larawang binubo, Kayo'y aming mga dios. "


Isaias 44:9
" Silang nangagbibigay anyo sa larawang inanyuan ay walang kabuluhan silang lahat; at ang kanilang mga bagay na kinaluluguran ay hindi mapapakinabangan: at ang kanilang sariling mga saksi ay hindi nangakakakita, o nangakakaalam man: upang sila'y mangapahiya. "


Isaias 44:15-17
" Kung magkagayo'y ilalaan sa tao upang ipanggatong; at kumukuha siya niyaon, at nagpapainit; oo, kaniyang pinaliliyaban yaon, at ipinagluluto ng tinapay: oo, kaniyang ginagawang isang dios, at sinasamba; ginagawa niyang larawang inanyuan, at pinagpapatirapaan.
Kaniyang iginagatong ang bahagi niyaon sa apoy; ang bahagi niyaon ay ikinakain niya ng karne; siya'y nagiihaw ng iihawin, at nabubusog: oo, siya'y nagpapainit, at nagsasabi, Aha, ako'y naiinitan, aking nakita ang apoy:
At ang labis niyaon ay ginagawa niyang dios, sa makatuwid baga'y kaniyang larawang inanyuan: kaniyang pinagpapatirapaan at sinasamba, at dinadalanginan, at nagsasabi, Iligtas mo ako; sapagka't ikaw ay aking dios. "


Isaias 45:20
" Kayo'y mangagpipisan at magsiparito; magsilapit kayong magkakasama, kayong mga nakatanan sa mga bansa: sila'y walang kaalaman na nangagdadala ng kahoy ng kanilang larawang inanyuan, at nagsisidalangin sa dios na hindi makapagliligtas. "


Jeremias 10:14
" Bawa't tao ay naging tampalasan at walang kaalaman; bawa't panday ay nalagay sa kahihiyan sa kaniyang larawang inanyuan; sapagka't ang kaniyang larawang binubo ay kabulaanan, at hindi humihinga ang mga yaon."


Roma 1:21-23, 25
" Sapagka't kahit kilala nila ang Dios, siya'y hindi niluwalhati nilang tulad sa Dios, ni pinasalamatan; kundi bagkus niwalang kabuluhan sa kanilang mga pagmamatuwid at ang mangmang nilang puso ay pinapagdilim.
Ang mga nangagmamarunong ay naging mga mangmang,
At pinalitan nila ang kaluwalhatian ng Dios na hindi nasisira, ng isang katulad ng larawan ng tao na nasisira, at ng mga ibon, at ng mga hayop na may apat na paa, at ng mga nagsisigapang.
Sapagka't pinalitan nila ang katotohanan ng Dios ng kasinungalingan, at sila'y nagsisamba at nangaglingkod sa nilalang kay sa Lumalang, na siyang pinupuri magpakailan man. Siya nawa. "


"Jeremias 50:38 
" Ang pagkatuyo ay nasa kaniyang tubig, at mangatutuyo; sapagka't lupain ng mga larawang inanyuan, at sila'y mga ulol dahil sa mga diosdiosan."


Ang sabi ng Biblia, "TAMPALASAN, WALANG KAALAMAN " Sapagkat, alam nila na ang ginawang LARAWAN O REBULTO ay mula sa kahoy na ang bahagi naman niyaon ay ginawang panggaton, ang kanilang dios ay hindi makakakilos kaya nga ang sabi ng Biblia, "SILA'Y MAPAPAHIYA" Sapagkat sila ay naglingkod sa dios na mula sa kahoy.

Masakit man po Isipin, ngunit yan po ay ang katotohanan, Salita po yan ng Dios at hindi gawa gawa lamang namin, Semple lang naman po ang Gusto ng Dios na ganito :

Isaias 42:8 
" Ako ang Panginoon; na siyang aking pangalan: at ang aking kaluwalhatian ay hindi ko ibibigay sa iba, o ang akin mang kapurihan sa mga larawang inanyuan."


Hinding hindi po maaaring mangyari na papayag po ang Dios na idaan ang pagpupuri sa mga larawang inanyuan para makapaglingkod sa kanya. At hindi naman maaaring magawan ng rebulto ang Dios sapagkat paano natin Siya iwawangis?

Isaias 44:10
" Sino ang naganyo sa ISANG DIOS, o bumubo ng larawang inanyuan na di pakikinabangan sa anoman?"


Di po maanyuan ang Dios,kaya wala talagang pakinabang o kabuluhan ang kanilang mga larawang inanyuan.na Gaya ng Ganitong Salita ng Dios

1 Corinto 10:19
" Ano ang aking sinasabi? na ang hain baga sa mga diosdiosan ay may kabuluhan? o ang diosdiosan ay
may kabuluhan? "


wala pala talagang kabuluhan.Kung gayon, Anung dahilan? kung hindi po ito sa Dios, kanino?


Apoc. 9:20
" At ang nalabi sa mga tao, na hindi napatay sa mga salot na ito, ay hindi nagsipagsisi sa mga gawa ng kanilang mga kamay, upang huwag sumamba sa mga demonio, at sa mga diosdiosang ginto, at pilak, at tanso, at bato, at kahoy; na hindi nangakakakita, ni nangakaririnig man, ni nangakalalakad man. "


Ang katumbas ng pagsunod sa ganitong gawa ay katumbas sa pagsamba sa demonyo. At ang mga nasa demonyo na sumasamba sa mga larawang inanyuan o diosdios , seguradong walang kaligtasan at ibubulid sa dagat-dagatang apoy:


Apoc. 21:8
"Nguni't sa mga duwag, at sa mga hindi mananampalataya, at sa mga kasuklamsuklam, at sa mga mamamatay-tao, at sa mga mapakiapid, at sa mga manggagaway, at sa mga mapagsamba sa diosdiosan, at sa lahat na mga sinungaling, ang kanilang bahagi ay sa dagatdagatang nagniningas sa apoy at asupre; na siyang ikalawang kamatayan. "


KAYA , ANO ANG PAYO SA LAHAT, AT ANO ANG DAPAT GAWIN NG LAHAT UPANG MAGING KALUGOD-LUGOD SA DIOS?


Ang tao po ay binibigyan ng Dios ng pagkakataon na magbago, kaya anu anu po ang payo sa mga tao na nananatili pa sa paglilingkod sa mga Larawang Inanyuan o diosdiosan?


1 Corinto 10:14
" Kaya, mga minamahal ko, magsitakas kayo sa pagsamba sa diosdiosan. "


Efeso 5:5
" Sapagka't talastas ninyong lubos, na sinomang mapakiapid, o mahalay, o masakim, na isang mapagsamba sa mga diosdiosan, ay walang anomang mamanahin sa kaharian ni Cristo at ng Dios. "


1 Tesalonica 1:9
" Sapagka't sila rin ang nangagbalita tungkol sa amin kung paanong nangakapasok kami sa inyo; at kung paanong nangagbalik kayo sa Dios mula sa mga diosdiosan, upang mangaglingkod sa Dios na buhay at tunay "


1 Juan 5:21
" Mga anak ko, mangagingat kayo sa mga diosdiosan. "


Gawa 17:29
"Yamang tayo nga'y lahi ng Dios, ay hindi marapat nating isipin na ang pagka Dios ay katulad ng ginto, o ng pilak, o ng bato, na inukit ng kabihasnan at katalinuhan ng tao. "


Deuteronomio 5:10
" At pinagpapakitaan ko ng kaawaan ang libolibong umiibig sa akin at tumutupad ng aking mga utos. "


Mabait po ang Dios, Gusto po ng Dios na marami po ang maliligtas, kaya po tayo ay pinapaiwas ,ang totoong umiibig po sa Dios ay ang siya sumusunud sa kanyang payo,tulad pnd ng paglayo at pag iwas sa mga larawang inanyuan upang maging bahagi sa paglilingkod sa Dios. Sanay mabago po ang karamihan na patuloy Parin pong gumagawa n. ganitong mga pagkakasala mula sa maling paniniwala. Kaya ang Iglesia ni Cristo ay walang sawa sa pagpapaabot sa lahat ng tao upang ang lahat ay mangagkaalam ng tunay na kaparaanan ng paglilingkod. Sana ay buksan ng marami ang kanilang puso at isipan at sumunod sa kaparaananna ikalulugod ng Dios.

PAG-IBIG AT PAGMAMALASAKIT SA KAPATID

Gaano ba kahalaga sa atin ang PAGMAMALASAKIT sa isang Kapatid lalo na sa pananampalataya? DAPAT PO BA TAYONG MAGSAWA SA PAGPAPAALA-ALA? Nais ko muli magbahagi ng PAALAALA sa kabuuan, kung sa paanong ang pagsusumikap ng PAMAMAHALA na walang sawa na igayak ang lahat sa PUSPUSANG PAGBABAGONG BUHAY, ay ganoon nila kamahal ang KAPATIRAN sa buong Iglesia.


Alam natin, na ang isa sa pangunahing aral sa loob ng Iglesia ni Cristo ay ang nauukol sa PAG-IIBIGANG MAGKAKAPATID. Ang pag-ibig sa kapatid ay napaptunayan at nahahayag sa pamamagitan ng GAWA at hindi ng salita lamang. AGREE DIN KAYO, TAMA PO BA? . Hindi nagkakapootan ang magkakapatid na nag-iibiga. Hindi gumagawa ng masama ang sinuman sa kaninuman. Sa halip, ang nakikita sa kanila ay ang pagdadamayan , nagtutulungan ang isa't isa sa abot ng makakaya lalo na sa panahon ng matinding kalamidad.

Subalit, hindi sa gayong paraan lamang natin mapatutunayan ang pag-ibig sa ating mga kapatid. Kung may nakikita tayong NASA PAGSUWAY o hindi nabubuhay nang ayon sa mga aral na itinuro sa atin, mayroon ding inaasahan ang Dios na ating GAWIN.

UNA :

ANO PO BA ANG DAPAT GAWIN KUNG MAY MASUMPUNGAN NA KAPATID NA NASA PAGSUWAY?

Ganito ang sabi ng mga Apostol:

" Mga kapatid, kung ang sinoman ay masumpungan sa anomang pagsuway, kayong mga sa espiritu, ay inyong papanumbalikin ang gayon sa espiritu ng kahinhinan; na iyong pagwariin ang iyong sarili, baka ikaw naman ay matukso. " Galacia 6:1


Kung may masumpungan tayong kapatid sa anumang pagsuway, ipakita at ipadama natin sa kaniya ang ating pagibig. HINDI MUMURAHIN AT ANONG MASASAKIT NA SALITA ANG IBABATO. Sa paanong paraan pala? Hindi sa pamamagitan ng pagkunsinti o pagtakip sa kaniyang kasalanan na anupa't tayo ay " MAGTAGO SA PIGING NG PAGIIBIGAN" (Judas 1:12). Bagkus, gaya ng ipinahayag ni Apostol Pablo, " PAPANUMBALIKIN ANG GAYON" at himukin natin na talikuran at iwaksi niya ang mga gawang kadiliman upang siya'y mabuhay nang matuwid at may kabanalan. Huwag natin siyang kamumuhian o lalayuan. Sa halip ay atin siyang kaawaan at matiyagang akayin hanggang sa siya'y makapanumbalik.


Ano pa ang turo ni Apostol Pablo tungkol sa mga sumasalangsang?


" Na sawaying may kaamuan ang mga nagsisisalangsang; baka sakaling sila'y pagkalooban ng Dios ng pagsisisi sa ikaaalam ng katotohanan,
At sila'y makawala sa silo ng diablo, na bumihag sa kanila ayon sa kaniyang kalooban. " 2 Timoteo 2:25-26


Ang kapatid po na nasa pagsalangsang o pagsuway ay nasa silo o bihag ng Diablo kaya kailangang siyay KAAWAAN. Dapat nating mauunawaan na hindi rin nais ng Kapatid ang nangyari sa kaniya. Nadaig lamang siya at napagtagumpayan ng silo ng diablo. Paano natin siya maililigtas at mapapalaya sa silo ng diablo?

" SAWAYIN NA MAY KAAMUAN AT PAALALAHANAN NATING MAY PAGIBIG"

Upang madama ang ating buong pusong pagmamalasakit sa kaniya. Huwag natin siyang sumbatan, sigawan, murahin man o kagalitan. Buong giliw natin siyang payuhan na manumbalik sa aral ng Dios.

Napakahalaga ng gawang PAGBABALIK-LOOB ng isang makasalanan. Sa sulat ni Apostol Santiago ay maliwanag din ang ganitong sabi:

" Mga kapatid ko, kung ang sinoman sa inyo ay nalilihis sa katotohanan, at siya'y papagbaliking loob ng sinoman;
Ay alamin nito na ang nagpapabalik-loob ng isang makasalanan, mula sa kamalian ng lakad niya ay magliligtas ng isang kaluluwa sa kamatayan, at magtatakip ng karamihang kasalanan. " Santiago 5:19-20



IKALAWA

Sa Anong Paraan naman papanumbalikin?

Nagturo si Apostol Pablo tungkol sa pagpapanumbalik sa Kapatid na nakagawa ng kasalanan:


" Ngunit huwag naman ninyo siyang ituturing na kaaway; sa halip, pangaralan ninyo bilang kapatid. " 2 Tes. 3:15, MBB


Huwag ituring na kaaway ang kapatid na nagkasala. Kapag nilayuan, kinamuhian, at itinuring natin siyang kaaway at hindi kapatid, paano natin siya mapanunumbalik? Gaano kasama naman kung ariin natin ang ating kapatid na kaaway at mapoot sa kaniya dahil sa siya'y nagkasala? Ganito ang sabi :


" Ang sinomang napopoot sa kaniyang kapatid ay mamamatay-tao: at nalalaman ninyong sinomang mamamatay-tao ay hindi pinananahanan ng buhay na walang hanggan. " 1 Juan 3:15


Kaya, upang mapanumbalik natin ang kapatid na nasa pagsuway, huwag mawawala ang PAGIBIG natin sa kaniya. Kaawaan at sundin ang tagubilin na "PANGARALAN BILANG KAPATID"


IKATLO

ANO NAMAN ANG GAWIN DOON SA MAHIHINANG KAPATID?

Hindi po lamang ang mga kapatid na nasa pagsuway ang pananagutan ng bawat isa sa atin na akayin upang makapanumbalik. May mga kapatid naman tayong mahina pa sa pananampalataya kaya hindi pa nila lubos na napagtatalagahan ang kanilang paglingkod at pagsamba sa Dios. KAYA, ANO ANG DAPAT GAWIN?

" Dapat pagtiisan nating malalakas ang mahihina sa pananampalataya, at huwag ang sariling kasiyahan lamang ang isipin." Roma 15:1, MB


Huwag po natin silang layuan o kaiinisan kung hindi natin makita sa kanila ang katulad na taglay nating kasiglahan at kalakasan sa pananampalataya. Maging matiyaga tayo sa pagdadala at pagtuturo sa mga kapatid nating mahihina pa sa pananampalataya,sa halip na kayamutan, may ipinamanhik ang mga Apostol na dapat nating sundin :

" At aming ipinamamanhik sa inyo, mga kapatid, na inyong paalalahanan ang mga manggugulo, palakasin ang mga mahihinang-loob, alalayan ang mga mahihina, at maging mapagpahinuhod kayo sa lahat. " 1 Tesalonica 5:14


Dapat nating pagmalasakitan ang ating mahihinang kapatid. Sapagkat, bilang mga kaanib sa tunay na Iglesia, kasama din naman silang pinamumuhunan ng buhay ng ating panginoong Jesucristo (1 Cor. 8:11).


IKAAPAT

SINO NAMAN ANG KAPATID NA DAPAT ITAKUWIL?

Ganito ang turo ng mga apostol:

" Ang taong may maling pananampalataya pagkatapos nang una at ikalawang pagsaway ay itakuwil mo;
Yamang nalalaman mo na ang gayon ay napahamak, at nagkakasala at siya'y hinahatulan ng kaniyang sarili. " Tito 3:10-11


Ang kapatid na may maling pananampalataya, kung ayaw magbago, ang sabi ay " PAGKATAPOS ... ITAKUWIL MO." Kaya ang ganito ay iniaalis o tinitiwalag sa Iglesia dahil itinakuwil nila ang tunay na pananampalataya, gaya ng nangyari sa unang kaanib ng Iglesia sa panahon ng Apostol :

" Na ingatan mo ang pananampalataya at ang mabuting budhi; na nang ito'y itakuwil ng iba sa kanila ay nangabagbag tungkol sa pananampalataya:
Na sa mga ito'y si Himeneo at si Alejandro; na sila'y aking ibinigay kay Satanas, upang sila'y maturuang huwag mamusong. " 1 Timoteo 1:19-20

Sila ay ibinigay kay satanas upang hindi na makapamusong sa loob ng Iglesia, at amg kahulugan nito ay hindi sila maliligtas. Kaya, kaawaan naman natin ang mga kapatid na nakikita nating nasa pagsuway o mahina sa pananampalataya. Hindi sila maliligtas kung hindi sila makapanumbalik at hindi magpakatatag. Kung sila'y ating pagmamalasakitang papanumbalikin , mapatunayan natin ang pagibig natin sa ating KAPATID NA KAHAYAGAN NG ATING PAGIBIG SA DIOS (1Juan 4:21MB).

Ang Pagtawag ba ng "TATAY" ay Mali?

Isang pang unawa ang minamali ng maraming CFD upang takpan ang isang ARAL na hindi ayun sa Biblia, sapagkat, MINSAN NANG naisiwalat ng Iglesia ni Cristo ang katotohanan sa likod ng pagtawag ng "FATHER" sa kanilang kaparian o sa kanilang Pope. Marami ang nahuhulog sa ganitong pagkaunawa kaya naman, marami ang dapat makaalam sa katotohanan na ito upang malinawan sa tunay na Aral.

Isang pang-aatake ng isang host ng "Knowthethruth" na si Atty. Marwil N. Llasos, O.P., ng Katoliko at maging ng "Splendor of the church" ni Father Abe arganiosa , at ng iba't ibang sites ng Catholic, ay nagpahayag ng kanilang sariling saloobin ukol sa issue na ito upang batikusin ang Iglesia Ni Cristo.

Ano ba ang tunay at katotohanan sa likod nito? Ano ang malaking kaibahan at kamalian ng pagtawag sa mga POPE at PARI na "FATHER" at sa pagtawag minsan lalo na sa Ka erdy ng "TATAY" o sa sinoman.

Una, ang pagtawag ng Iglesia Ni Cristo gaya ng sa Mahal na ka Erdy ng "tatay" ay HINDI isang TITULO na gaya ng kanilang mga kaparian at kapapahan , bagkus ito ay bilang paggalang lamang. Kaya, kahit ang sinoman na nakakatanda, maging kamag-anak man o sinoman na kakilala mo na Napakitaan mo ng pagmamahal at paggalang ay maipakita at maipadama mo sa kanila ang PAGGALANG sa pagtawag sa kanila gaya ng ganoong katawagan. HINDI ba't naituro na yan minsan sa paaralan na IGALANG ANG SINUMAN?

Sipiin natin ang PAHAYAG ng isang Pinoy Blogger na totoong hindi nakalimot at dama parin ang tunay na diwa ng paggalang. Ganito ang sabi ni J. A. Luis Sa kaniyang blog:


" Manong, manang, tatay,nanay at iba pa. ito ang mga pantawag sa mga taong mas matanda sa atin. Ito rin ay isang paraan ng pagrespeto sa ibang tao. Ginagamit din kapag hindi kilala ang kausap. Mga salitang inilalagay sa unahan ng pangalan ng kausap o minsan paghalili. "

Sinipi mula sa:

http://pagkakakialanlanngpinoy.blogspot.in/2011/10/paggalang.html?m=1

Samakatuwid, BILANG pagrespeto na siyang kinaugalian naman ng mga natamnan ng tunay na aral at turo mula sa magulang at sa paaralan. Anong aral ba ang tinututulan ng IGLESIA NI CRISTO ang ukol sa pagtawag naman sa mga PAPA O PARI bilang "FATHER"? ano ang nasa likod nito? Ganito ang sabi ng Aklat katoliko :



“The Popes were not only devoted SPIRITUAL FATHERS, but firm and valiant CIVIL GOVERNORS…” [ Faith of Our Fathers, by James Cardinal Gibbons, p. 113]


Sa Filipino:


“Ang mga Papa ay hindi lamang matatapat na AMA NG KALULUWA, kundi matitibay at magigiting na mga GOBERNADOR SIBIL.”

ITO PA:


"At ang Santo Papa (Ama)ay ang pinakamataas na ama ng ating kaluluwa dito sa lupa, dahil sa siya ang kahalili nang ating Panginoon. "At dahil sa ang mga sacerdote ang nagbibigay sa atin ng buhay ng ating kaluluwa, sa pamamagitan ng pangangasiwa sa mga sacramento , sila man ay tinatawag na 'Ama ng kaluluwa'." ( Ang Iglesia ni Kristo at Iba't ibang SektangProtestante, p.26 )


Samakatuwid, ang pagtawag pala ng "FATHER" sa mga Pari at mga Papa ay may kinalaman ukol sa Espirituwal na aspeto, sapagkat, sabi ng kanilang Aklat, sila ay ang " AMA NG KALULUWA DITO SA LUPA" . Kung gayon ito ay isang TITULO sa kanila na bilang pagkilanlan ng Katoliko sa pagtawag ng ganitong katawagan. Kaya, maaaring itanong natin, tugma ba ang pahayag ni Cristo ayon sa Kaniyang babala sa lahat? Ganito ang kaniyang sinabi:


“And do not call anyone on earth ‘father,’ for you have one Father, and he is in heaven” (Mat.23:9, NIV)


Sabi Ni Jesus, " HUWAG TAWAGING AMA ang sinuman dito sa lupa, sapagkat may ISANG AMA, Siyang nasa langit"

Bakit sa ang pagiging AMA na sa langit ang hindi dapat tawagin o gayahin? Anong titulo ng DIOS o ng Ama na Taglay Niya? Ganito ang pahayag ng Dios:


Ezekiel 18:4
" Narito, lahat ng kaluluwa ay akin; kung paano ang kaluluwa ng ama, gayon din ang kaluluwa ng anak ay akin: ang kaluluwa na nagkakasala ay mamamatay. "

Samakatuwid, ang AMA sa Langit na Siyang Dios ay ang tunay na AMA NG KALULUWA. Kaya, makatuwiran ang sinabi ni Cristo na "HUWAG TAWAGIN ANG SINOMAN SA LUPA NA AMA o FATHER" kundi ang Ama na nasa langit. Hindi maaaring magkamali si Cristo sa Kaniyang pahayag sapagkat Siya'y hindi nagsasalita sa Kaniyang sarili kundi ang lahat ay mula sa Ama (Juan 5:30), kaya ang lahat ng ito ay kalooban din ng Ama.

Bakit tiyak na ang Ama sa langit ang hindi dapat gayahin na taglay ang titulong iyon? Sapagkat, may mga tao din sa Biblia na binanggit at itinuring na "AMA", subalit hindi gaya ng Ama sa langit ang titulo na taglay na "AMA NG KALULUWA". Ganito ang mga halimbawa :


Si Abraham


Genesis 17:4-5
" Tungkol sa akin, narito, ang aking tipan ay sumasaiyo, at ikaw ang magiging ama ng maraming bansa.
At hindi na tatawagin ang pangalan mong Abram, kundi Abraham ang magiging iyong pangalan; sapagka't ikaw ay ginawa kong ama ng maraming bansa. "


Si abraham ay pinangakuan ng Dios ng mga pagpapala at ginawang AMA ng maraming bansa dahil sa katapatan ng pananampalataya sa Dios.


Santiago 2:23
" At natupad ang kasulatan na nagsasabi, At si Abraham ay sumampalataya sa Dios, at yao'y ibinilang na katuwiran sa kaniya; at siya'y tinawag na kaibigan ng Dios. "


Si Apostol Pablo


1 Corinto 4:14-15
" Hindi ko isinusulat ang mga bagay na ito upang kayo'y hiyain, kundi upang paalalahanan kayong tulad sa aking mga minamahal na anak.
Sapagka't bagaman mangagkaroon kayo ng sampung libong mga guro kay Cristo, ay wala nga kayong maraming mga ama; sapagka't kay Cristo Jesus ipinanganak ko kayo sa pamamagitan ng evangelio. "

Si Apostol Pablo ay naging AMA sa pamamagitan ng pagtuturo ng ebanghelyo, na ang mga itinuring na mga anak ay ang mga naging bunga ng kaniyang pagtuturo.

Kung gayon, may mga halimbawa ayon sa Biblia na tinawag na AMA subalit hindi ang ayun sa tinutukoy ni Cristo sa Mat.23:9 na katulad ng pagiging AMA SA LANGIT. Malinaw na ang pagtawag sa mga Pari at Papa bilang "FATHER" ay isang titulo na hindi dapat gayahin ng sinumang tao sa lupa. Pansinin din natin itong sinabi at sinulat ng mga  pari na sina Rev.John Trigilio jr. at  Rev. Kenneth Brighenti, na ang Pope at mga pari ay totoong kinilala ng Katoliko na "HOLY FATHER" o bilang BANAL NA AMA. 

Subalit, kung susuriin natin ang Biblia, lalo na sa mga turo ni Cristo ay wala Siyang ibang itinuro na HOLY FATHER kundi ang Kaniyang Ama lamang na nasa langit.


John 17:11 
" I am no longer in the world, but they are in the world, and I am coming to you. HOLY FATHER, keep them safe in your name that you have given me, so that they may be one just as we are one." [NET]

Kaya, ayun kay Cristo sino ang tunay na nakakaalam sa tunay na aral ukol dito? At ang tunay na kilala ang Dios na Siyang Ama, na Siya lamang ang Tunay na Dios na kilalanin bilang Ama ng Kaluluwa at bilang BANAL na Ama?Ganito muli ang sabi Niya:


Juan 17:25
" Oh Amang banal, hindi ka nakikilala ng sanglibutan, nguni't nakikilala kita; at nakikilala ng mga ito na ikaw ang nagsugo sa akin "


Sila ang hindi kabilang sa sanlibutan na ito, sapagkat ang sanglibutan ay tunay na hindi kilala ang tunay na Dios. Na Siya ang Ama ayun kay Cristo (Juan 17:1,3). 


Kaya, bilang paglilinaw, ang pagtawag ng Iglesia ni Cristo sa mga nakakatanda bilang "TATAY" ay hindi ang pag angkin ng titulo ng Dios, kundi ito'y bilang paggalang at isang tunay na ugaling Cristiano:


Kaya, ang paggalang din ay kabilang sa itinuro ng mga Apostol sa lahat ng mga hinirang at magkakapatid sa tunay na Iglesia:


Filipos 4:8
" Katapustapusan, mga kapatid, anomang bagay na katotohanan, ANOMANG BAGAY NA KAGALANGGALANG, anomang bagay na matuwid, anomang bagay na malinis, anomang bagay na kaibigibig, anomang bagay na mabuting ulat; kung may anomang kagalingan, at kung may anomang kapurihan, ay isipin ninyo ang mga bagay na ito. "

Ito'y isang turo at habilin ng mga apostol. Kaya sa hindi pa naabot ng katotohanan ukol sa TAMANG ARAL, ay hinimok po namin at inaanyayahan ang inyong puso na suriin ang tamang aral. Ang mga aral na itinuturo sa loob ng Iglesia Ni Cristo. TANDAAN hindi po basihan ang MATAAS ang antas mo sa lipunan o mataas ang pinag-aral na naabot, kundi ang tunay na mga nakaunawa sa ganitong aral ay ang mga nasa loob ng tunay na Iglesia at hindi ito nauunawaan ng mga nasa labas:

Marcos 4:11
"  At sinabi niya sa kanila, Sa inyo ay ipinagkaloob ang makaalam ng hiwaga ng kaharian ng Dios: datapuwa't SA KANILANG NANGASA LABAS, ang lahat ng mga bagay ay ginagawa sa pamamagitan ng mga talinghaga"

Samakatuwid, may nasa LOOB. Sila ang tunay na nakaunawa sa tunay na aral, at ang lahat ng nasa labas, sila ang hindi nakaunawa. Ang LOOB na tinutukoy ay ang mga nasa LOOB ng KATAWAN na doon natipon ang mga hinirang (Col.3:15). Ang katawan ay ang Iglesia (Col.1:18), na ito ang Iglesia ni Cristo (Roma 16:16,NPV , Gawa 20:28,Lamsa Trans.)

Sa iba pang karagdagang aral ukol sa TAGLAY NA TITULO NG PAPA ay maaaring bumisita dito

TITULO NG PAPA

Dios ba ang Espiritu Santo ayun sa Gawa 5:3-4 at 1 Corinto 3:16; 6:19?

Ayun sa sinabi ni Splendor 1618, 100% sure daw na may mababasa na Dios ang Espiritu Santo. Kaya naman, upang mapaniwala po ang marami sa kanilang Pang-unawa, ay naglatag naman sila ng Talata sa huling Bahagi ng post nila. Ganito ang Sinabi:


SPLENDOR 1618 :

" Napakalinaw po na ang Holy Spirit ay Diyos at may katauhan. Ngunit ang banat na naman po ng mga letra por letra, ay kung makakapagbigay ng talata na direktang nagsasabing Diyos ang Espiritu Santo.


SA ACTS 5:3-4, NAPAKALINAW PO NA IPINAPAHIWATIG NA DIYOS ANG ESPIRITU SANTO. -sa verse 3, ang sabi ni Pedro ay
ito,”Ananias, ano’t napadaig ka kay Satanas at nagsinungaling sa ESPIRITU SANTO?”
-sa verse 4, ganito na ang pahayag ni Pedro, “Hindi ka sa tao nagsinungaling- sa DIYOS ka nagsinungaling!”


GAYUNDIN PO KUNG SUSURIIN ANG 1COR. 3:16 at 6:19.
-sa 3:16, ang sabi ni Pablo ay ganito, “Hindi ba ninyo alam na kayo’y TEMPLO NG DIYOS at naninirahan sa inyo ang Kanyang Espiritu?”
-sa 6:19, ang pahayag ni Pablo ay naging ganito, “Hindi ba ninyo alam na ang inyong katawan ay TEMPLO NG ESPIRITU SANTO na nasa inyo at tinanggap ninyo mula sa Diyos?”

Ang konteksto po ay malinaw, “HOLY SPIRIT IS GOD”.


SAGOT:

Ginamit po nila ang Gawa 5:3-4 at ang 1Cor. 3:16;6:19, upang palabasin na Dios nga ang Esiritu Santo. Pansin nyu ang sinabi na letra por letra raw mababasa, subalit sablay parin. Wala po palang dirikta na sinabi diyan na ang DIOS ay tumutukoy sa Espiritu Santo o ang Espiritu Santo ay tumutukoy sa Dios. Kaya upangh hindi malinlang ang ilan sa maling pang-unawa ay bigyan natin ng Kaunting sagot.


UNA, hindi po dapat maaaring magkaroon ng kontradiksyun ang mga aral at turo ng mga Apostol, ano ang turo at kilala nilang Dios na kanilang itinuro? May dirikta bang tinukoy? Suriin natin ang pahayag ni Apostol Pablo:


1 Corinto 8:6
" Nguni't sa ganang atin ay may isang Dios lamang, ang Ama, na buhat sa kaniya ang lahat ng mga bagay..."


Ayun sa Kanila, " SA GANANG ATIN(kanila lamang na kilala ang Dios ) MAY ISANG DIOS LAMANG ANG AMA"


Napakalinaw, na ang DIOS na itinuturo nila ay ang AMA, hindi ang Espiritu Santo o sino paman. Dito palang malinaw ng Mali ang pang-unawa sa talata na kanilang ginamit, magkaroon sila ng malaking problema ngayon na lulutasin sapagkat napakalinaw na ipinahayag ng mga Apostol kung Sino ang TIYAK na IISANG DIOS, na walang iba kundi ang Ama lamang.

Ano naman ang sabi ng AMA na Siyang iisang Dios? Ganito naman ang sabi:


Isaias 46:9
" Inyong alalahanin ang mga dating bagay ng una: sapagka't ako'y Dios, at walang iba liban sa akin; ako'y Dios, at walang gaya ko"

Isaias 45:22
" Kayo'y magsitingin sa akin, at kayo'y mangaligtas, lahat na taga wakas ng lupa: sapagka't ako'y Dios, at walang iba liban sa akin. "

Ang Sabi, "WALANG DIOS, WALANG IBA LIBAN SA AKIN" hindi pala "WALANG IBANG DIOS LIBAN SA AMIN"., Sapagka't sa katotohanan na Siya lamang ang mag isa ang nagsasalita nito, ang Ama at hindi ang trinity.

Subalit, bakit nga ba sinabi na kapag nagsisinungaling sa Espiritu Santo, ay nagsisinungaling din sa Dios, kung naninirahan ang Espiritu Santo, ay dumuon din ang Dios? Sipiin natin ang pahayag ni Cristo ukol sa Espititu Santo. Ganito ang ating mababasa:


Juan 14:26
" Datapuwa't ang MANGAALIW, sa makatuwid baga'y ang ESPIRITU SANTO, na SUSUGUIN NG AMA SA AKING PANGALAN, siya ang MAGTUTURO sa inyo ng lahat ng mga bagay, at MAGPAPAALAALA ng lahat na sa inyo'y aking sinabi.


Juan 15:26
" Datapuwa't pagparito ng MANGAALIW, na AKING SUSUGUIN sa inyo mula sa Ama, sa makatuwid baga'y ang Espiritu ng katotohanan, na nagbubuhat sa Ama, ay siyang magpapatotoo sa akin "


Juan 13:20
" Katotohanan, katotohanang sinasabi ko sa inyo, ANG TUMANGGAP sa sinoman SINUSUGO KO ay ako ang tinatanggap; at ANG TUMANGGAP sa akin AY TINATANGGAP ANG NAGSUGO SA AKIN. "


Malinaw ang turo ni Jesus, na ang Espiritu Santo na Siyang MANGAALIW, SINUGO ay parehong isinugo ng Ama at ng Anak. Samakatuwid, kung sino man ang TUMANGGAP sa Kaniyang isinugo ay parehong tinanggap ang nagsugo sa Kaniya, na walang iba ang IISA AT TUNAY NA DIOS NA ANG AMA AYUN KAY JESUS (Juan 17:1,3). Kaya, sa katunayan nito, Ang sinoman ang nagsisinungaling sa Espiritu Santo, ay diriktang nakapagsisinungaling sa Dios. Gayun din, kung tatanggapin at hayaan ng tao na manirahan sa kaniya ang Espiritu Santo ay Parehong Tinanggap niya ang Dios at ang Panginoong Jesucristo.

Ang kanilang malaking magiging problema kung papaniwalaang Dios ang Espiritu Santo dahil kung magsisinungaling sa Espiritu Santo ay Dios na Dahil sa Dios nagsisinungaling ay magkakaroon naman ng kamalian. Magiging Dios narin ang mga apostol gung gayon, sapagkat ganito ang sabi ni Cristo sa kaniyang pahayag:



Lucas 10:16
" Ang nakikinig sa inyo, ay sa akin nakikinig; at ang nagtatakuwil sa inyo ay ako ang itinatakuwil; at ang nagtatakuwil sa akin ay itinatakuwil ang sa aki'y nagsugo. "


Dito, malinaw ang sabi naman ni Cristo na ang ayaw tumanggap sa kanila ay hindi Siya tinanggap at ang Dios na Nagsugo sa Kaniya. Kaya, kung patuloy nating isipin ang ganitong kamalian ng pang-unawa ay dadami ang Dios, maging pwersahan na dapat kilalanin ding Dios ang mga sinugo at ang mga Apostol liban sa iisang Dios, at yun ay magiging malaking kontradiksyun na at labag sa Biblia.

Kaya, sa mga nahuhulog sa ganito paniwala ay iwan na po ninyo ito, ang patuloy na nahuhulog at lumakad sa daan ng masama ay patuloy sa kamatayan. Ang humiwalay at iwan ang maling aral, Siya'y mapalad:


Awit 1:1-2
" Mapalad ang tao na hindi lumalakad sa payo ng masama, ni tumatayo man sa daan ng mga makasalanan, ni nauupo man sa upuan ng mga manglilibak.
Kundi ang kaniyang kasayahan ay nasa kautusan ng Panginoon; at sa kautusan niya nagbubulaybulay siya araw at gabi. "

Kaya, ano ang PANAWAGAN ng Panginoong sa mga nahulog sa paniniwalang ito? Ganito ang sabi ng Panginoon:


Ezekiel 18:21
" Nguni't kung ang masama ay humiwalay sa kaniyang lahat na kasalanan na kaniyang nagawa, at ingatan ang lahat na aking mga palatuntunan, at gumawa ng tapat at matuwid, siya'y walang pagsalang mabubuhay, siya'y hindi mamamatay."


Ezekiel 18:22
"Wala sa kaniyang mga pagsalangsang na nagawa niya na aalalahanin laban sa kaniya: sa kaniyang katuwiran na kaniyang ginawa ay mabubuhay siya."


Sana po ay marami ang makaunawa sa katotohanang ito. Para sa KARAGDAGANG ARAL ukol sa KAILAN NAIMBENTO ANG ARAL UKOL sa PAANO NAGING DIOS ANG ESPIRITU SANTO ay bumisita lang dito.

Click here :

ESPIRITU SANTO DIOS BA? PAANO NAIMBENTO?

BAKIT PATULOY NA NAGMIMISYON AT NAMAMAHAGI NG PANANAMPALATAYA ANG IGLESIA NI CRISTO?

MAAARING sumagi sa isip ng marami ang naging katanungan ng isang nagsusuri sa Iglesia Ni Cristo, kung bakit ang gawaing PAGPAPALAGANAP NG MGA SALITA NG DIOS ay mas lalong naging maalab pa at walang tigil habang tumagal ang bilang ng mga taon ng Iglesia.


TUNAY, TOTOO, na saanmang dako makakarating ang Iglesia ni Cristo, ang isa sa mga pangunahing GAWAIN na patuloy na pinagpunyagiang tuparin ng mga kaanib ay ang PAGMIMISYON o PAMAMAHAGI NG PANANAMPALATAYA. Ikinalulugod at hinahangaan ito ng marami, ngunit mayroon ding ilan na pumupuna at ang iba ay waring nang-uuyam pa. Bakit daw kailangan pa itong gawin ng mga Iglesia Ni Cristo samantalang marami sa mga tao na inaanyayahan nila ay mayroon na raw namang kinaaanibang relihiyon, kumilala naman daw sa Dios, at mayroon namang nangangararal na sa kanila gamit din ang Biblia? Bakit daw hindi ang hanapin at pangaralan ay ang mga taong hindi naniniwala sa Dios o sa Biblia?

ANO BA ANG LAYUNIN NG IGLESIA NI CRISTO, AT SA PATULOY NA PAGMIMISYON AT PAMAMAHAGI NG PANANAMPALATAYA?


Sa Judas 1:23 ay sinabi ng Dios na Ganito:


" At ang iba'y inyong iligtas, na agawin ninyo sa apoy; at ang iba'y inyong kahabagan na may takot..." (Judas 1:23)


Ang Iglesia ni Cristo ay masigasig sa Pamamahagi ng kanilang pananampalataya sapagkat kanilang tinutugon ang panawagang ito ng Dios. Nakapaloob sa dakilang gawaing ito ang Kaniyang habag sa mga taong nais Niyang maagaw sa apoy at magtamo ng kaligtasan.

Sinabi ng Dios na ang Iba'y dapat kahabagan, iligtas at agawin sa apoy dahil ang tao ay nasa kalagayang kahabag-habag at nangangailangan ng kaligtasan. Ito ay dahil sa ang tao ay nahiwalay at naging kaaway ng Dios (Isa. 59:2; Col. 1:21) at napasailalim sa HATOL NG DIOS (Roma 3:19, 23) na ito ay ang ikalawang kamatayan sa dagat-dagatang apoy (Roma 6:23; Apoc. 20:14).

Ngunit paano matatamo ng tao ang habag at pagliligtas ng Dios?


DAPAT MAKAALAM NG KATOTOOHANAN

Maraming kaparaanang itinuro ang iba't ibang relihiyon na nakatatag sa mundo upang ang tao ay maligtas. Ngunit ang mahalagang maunawaan at matupad ng tao ay kung ano ang KAPARAANAN NG DIOS. Ganito ang turo ni Apostol Pablo;


" Ito'y mabuti at nakalulugod sa paningin ng Dios na ating Tagapagligtas;
Na siyang may ibig na ang lahat ng mga tao'y mangaligtas, at mangakaalam ng katotohanan. "(1Timoteo 2:3-4)


Dito'y malinaw na nakasaad na ang Dios ang may ibig na ang lahat ng mga tao'y maligtas at ito'y mabuti at nakakalugod sa Kaniya. Subalit, paano matutupad ang hangaring ito ng Dios? Sa pamamagitan ng pagkaalam ng tao ng katotohanan. Alin naman ang katotohanan na dapat malaman ng tao sa kaniyang ikaliligtas? Ganito ang nakasulat:


" Mula sa pagkabata, ay alam mo nang ang Banal Na Kasulatan ay nagtuturo ng daan ng kaligtasan sa pamamagitan ng pananalig kay Cristo Jesus. Lahat ng kasulata'y kinasihan ng Diyos at magagamit sa pagtuturo ng katotohanan, sa pagpapabulaan sa maling aral, sa pagtutuwid sa likong gawain , at sa pag-akay sa matuwid na pamumuhay. Sa gayon, ang lingkod ng Diyos ay magiging handa sa lahat ng mabubuting gawain. " (2 Tim. 3:15-17, Magandang Balita Biblia)



Ang katotohanang nagtuturo ng daan ng kaligtasan ay ang Banal ng Kasulatan. Ito ang dapat saliksikin, sampalatayanan, at ibuhay ng tao upang matupad sa kaniya ang habag at pagliligtas ng Dios.


ANO ANG KATOTOHANANG ITINURO NG BIBLIA NA IKALILIGTAS?


Ang Banal na Kasulatan ay naglalaman ng mga katotohanan na saligan ng ikapagtatamo ng kaligtasan. Ang mga ilalahad sa baba ay ang ILAN SA MGA PANGUNAHIN :


1. ANG AMA LAMANG ANG IISANG TUNAY NA DIOS


" Pagkasabi ni Jesus ng mga pananalitang ito, tumingala siya sa langit at kanyang sinabi, “Ama, dumating na ang oras; parangalan mo na ang iyong Anak upang maparangalan ka niya.
" Ito ang buhay na walang hanggan: ang makilala ka nila, ang iisa at tunay na Diyos, at ang makilala si Jesu-Cristo na iyong isinugo. " ( Juan 17:1, 3, Magandang Balita Biblia)


Malinaw ang pagtuturo ng Panginoong Jesus na ang Ama ang iisa at tunay na Dios. Hindi itinuro ng Panginoong Jesuscristo ang Kaniyang sarili bilang tunay na Dios. Ang pagkilala na ang Ama lamang ang iisang tunay na Dios ang ikapagtatamo ng BUHAY NA WALANG HANGGAN.


2. ANG PANGINOONG JESUSCRISTO AY TAO AT HINDI DIOS SA LIKAS NA KALAGAYAN



" Datapuwa't ngayo'y pinagsisikapan ninyo akong patayin, NA TAONG sa inyo'y nagsaysay ng katotohanan, na aking narinig sa Dios: ito'y hindi ginawa ni Abraham. " (Juan 8:40)

Kaugnay ng katotohanang iisa lamang ang tunay na Dios, na walang iba kundi ang Ama, ay ang katotohanang ang Panginoong Jesucristo ay TAO SA LIKAS NA KALAGAYAN. Mahalagang mapansin na si Cristo mismo ang nagpapatotoo na Siya ay "TAO". Sinabi ng Panginoong Jesuscristo na Siya'y taong nagsaysay ng "KATOTOHANANG NARINIG SA DIOS". Kung gayon, pinatutunayan Niya na Siya'y iba sa Dios. Kaya ang aral na si Cristo ay tunay na Dios ay labag sa katotohanang itunuro ni Cristo mismo at hindi ng Tao.


3. ANG IGLESIA ANG KATAWAN NI CRISTO NA KANIYANG ILILIGTAS


" Isang dakilang katotohanan ang inihahayag nito - ang kaugnayan ni Cristo sa Iglesya ang tinutukoy ko.
" Sapagkat ang lalaki ang ulo ng kaniyang asawa, tulad ni Cristo na siyang ulo ng iglesya, na kaniyang katawan, at siyang Tagapagligtas nito" ( Efeso 5:32, 23, MB)


Ayon kay Apostol Pablo isang dakilang katotohanan ang inihahayag ng kaugnayan ni Cristo sa tunay na Iglesia. Ano ba ang kaugnayan ni Cristo sa tunay na Iglesia? Ang Iglesia ang katawan at ito ang kaniyang ililigtas. Kaya upang maligtas ang tao, hindi niya dapat iwasan bagkus ay dapat niyang aniban ang Iglesiang katawan ni Cristo, ang Iglesia ni Cristo.

4. ANG IGLESIA NI CRISTO AY ANG TINUBOS NI CRISTO


“Ingatan ninyo kung gayon ang inyong mga sarili at ang buong kawan na rito’y hinirang kayo ng Espiritu Santo upang maging mga katiwala, upang pakanin ang IGLESIA NI CRISTO na binili niya ng kaniyang dugo.” (Gawa 20:28, Lamsa Translation)


Sa pahayag na ito ng Biblia, ay nakapaloob ang banal na katuwiran kung Bakit ang Iglesia ni Cristo ang Ililigtas ng ating Panginoong Jesucristo sa Araw ng Paghuhukom - ito ang tinubos Niya ng Kaniyang mahalagang dugo. Huwag nating kalilimutan na dahil sa kasalanan, ang tao ay nahiwalay sa Dios, naging kaaway Niya, at hinatulan ng Dios ng ikalawang kamatayan sa dagat-dagatang apoy (Isa. 59:2; Col.1:21; Roma 6:23; Apoc. 20:14). Nasa katubusan sa pamamagitan ng dugo ni Cristo ang kapatawaran at kaligtasan (Efeso 1:7; Hebrew 9:22).


5. IISA ANG IGLESIANG ITINAYO NI CRISTO

"At sinabi ko naman sa iyo, ikaw si Pedro, at sa ibabaw ng batong ito ay itatayo ko ang aking iglesya, at hindi makapananaig sa kaniya kahit ang kapangyarihan ng kamatayan " (Mateo 16:18, MB)

Ito ay pahayag mismo ng nagtayo ng tunay na Iglesia , Ang Panginoong Jesucristo. Malinaw ang Kaniyang sinabi, " ITATAYO KO ANG AKING IGLESYA." Hindi Niya sinabing "ITATAYO KO ANG AKING MGA IGLESYA". Kaya sa kalipunan ng napakaraming relihiyon o Iglesia na nakatatag sa mundo ang dapat hanapin ng tao ay ang iisang iglesia na itinayo ni Cristo. Ang katunayan sa loob ng Iglesiang ito lamang matatamo ang kaligtasan ay ang sinabi ni Cristo na "HINDI NAKAPANANAIG SA KANIYA(sa iglesia) ANG KAPANGYARIHAN NG KAMATAYAN".


6. DAPAT PUMASOK KAY CRISTO O SA IGLESIA UPANG MALIGTAS


" Muli ngang sinabi sa kanila ni Jesus, Katotohanan, katotohanang sinasabi ko sa inyo, Ako ang pintuan ng mga tupa.
Ako ang pintuan; ang sinomang taong pumasok sa akin, ay siya'y maliligtas... " (Juan 10:7, 9)

Ang pangunahing layunin ng tao kaya nagrerelihiyon ay upang magtamo ng kaigtasan. Upang matamo ito, ang iba't ibang relihiyon ay nag-aalok at nagtuturo ng sari-saring kaparaanan. Ngunit, ayun kay Apostol Pablo, ang kailangan malaman ng tao para maligtas ay ang KATOTOHANAN. Sinabi ng mismong Tagapagligtas, ang ating Panginoong Jesucristo,

" Katotohanan, katotohanang sinasabi ko sa inyo ... ako ang pintuan, ang simumang taong PUMASOK sa akin ay siya'y maliligtas."

Hindi sapat na ang tao ay sumampalataya lamang upang magawa na niya ang pagpasok kay Cristo kundi dapat siyang mapaloob sa KAWAN (Juan 10:9, Revised English Bible). Ang KAWAN, ayon sa Gawa 20:28 (lamsa translation), ay ang IGLESIA NI CRISTO. Sa pahayag ni Cristo na "SINUMAN" ay maliwanag na hindi Siya nagtatangi ng taong papasok sa Kaniya. Ito ay kaisang-diwa ng gusto ng Dios na

" Ang lahat ng tao'y mangaligtas " (2 Tim.2:3-4)

Kung saan may pagtatangi ay sa kaparaanan ng pagliligtas, ang tao ay KINAKAILANGANG PUMASOK kay Cristo o UMANIB SA IGLESIA NI CRISTO upang matamo niya ang habag at pagliligtas ng Dios. Ang katotohanang ito ang nagtutulak sa mga Iglesia ni Cristo upang masidhing itinataguyod ang gawaing PAGMIMISYON O PAMAMHAGI NG KANILANG PANANAMPALATAYA.

Sa hindi pa nakasubaybay sa mga pagsamba o sa mga gawain ng Iglesia ni Cristo, subukan po ninyong dumalo mula sa pinakamalapit na dako o gusaling Sambahan ng Iglesia Ni Cristo at kayo po ay malugod naming tinatanggap upang magsuri.

Kaawaan nawa ng Dios na buksan pa ang puso at isip ng marami upang matawag sa tunay na paglilingkod.