Dini Dios raw namin ang Manalo ayun raw sa pasugo?

Hindi na bago kundi matagal nang issue ang ganitong pandaraya ng mga mangangaral at may poot sa Iglesia Ni Cristo. Nang edit ng mga babasahin ng pasugo upang ang tingin ng mga tao sa Iglesia ay masama ito. Subalit sadyang mabuti parin ang Dios sapagkat, inihahayag niya ang mga kamalian ng maraming tao. At ang kabuuang parusa ay maipapataw sa takdang panahon sa pagbalik ng Kaniyang Anak.

Paano nila dinadaya ang tao? Iniba ang nakasulat sa Pasugo at upang mapaniwala ang tao. Pansinin ninyo ang kanilang Pag iba.

Kaya BABALA! Mag-ingat sa ganitong post kung makatagpo kayo ng ganito, Isang gawang panlilinlang upang kayo ay dayain. Kaya, Ayun ba sa Source ng Pasugo, na isinulat ng ming kapatid bilang isang Poem, sino ba ang totoong sinasamba at pinupuri ng mga kaanib ng Iglesia ni Cristo bilang Dios ? Narito ang lamang ng pasugo ating pansinin.

Ito ang katunayan na ang PANGALAN ng Dios ang tunay na niluluwalhati at sinasamba ng mga Iglesia Ni Cristo. Hindi ang kapatid na Felix Manalo. Sa katunayan, ang totoong relihiyon ay nagtuturo ang mga mangangaral ng mga katotohanan, at hindi mga pandaraya. Ganito ang babala sa Lahat :



Hebreo 3:13
"  Nguni't kayo'y mangagpangaralan sa isa't isa araw-araw, samantalang sinasabi, Ngayon; baka papagmatigasin ang sinoman sa inyo ng daya ng kasalanan"


Hindi marapat na kakitaan ng ganito na gaya ng kanilang pandaraya upang mahulog sa maling paniniwala ang marami at mahulog sa pagkakasala. Ano ang tamang pamantayan ng isang relihiyon?

1 Tesalonica 2:3
  Sapagka't ang aming iniaaral ay hindi sa kamalian, ni sa karumihan, ni sa pagdaraya.


Hindi pangdaraya. Kundi katotohanan lamang. Ngayo'y alam na natin na ang mga ganitong gawa ay hindi gawa na buhat sa Dios kundi gawa ng kadiliman. Sino ba ang tunay na dini Dios ng mga Iglesia Ni Cristo?  Ayun mismo kay Cristo, ang tunay na Dios na dapat kilalanin ay ang AMA lamang at wala ng iba :


Juan 17:1,3 MBB
"Ama.....Ito ang buhay na walang hanggan: ang makilala ka nila, ang iisa at tunay na Diyos, at ang makilala si Jesu-Cristo na iyong isinugo".

Samakatuwid, ang tunay na Dios na kinilala ng mga Iglesia ni Cristo ay ang Ama lamang. Hindi isang TAO o ang kapatid na Felix Manalo. Ano ang tawag sa kumilala ng ibang Dios gaya ng pagkilala kay Cristo na Dios? Ito ba ang palatandaan ng mga MANDARAYA?


‘’ Sapagakat nagkalat sa sanlibutan ang mga magdaraya —mga taong HINDI nagpapahayag na si Jesu- cristo’y NAGING TAO . Ang gayong mga tao ay magdaraya at anti-Cristo.’’ (2 Juan 1:7 MBB)

Sila ang magpapahayag na si Jesus ay HINDI NAGING TAO. Sakatuwid, imbis naging Tao ay NAGING DIOS na. Ang totoong Dios hindi Tao [ Hosea 11:9; bilang 23:19] , Isang Espiritu [ Juan 4:24], at hindi nagbabago [ Mal.3:6; Sant.1:17]…

Ano pa ang maling pang uunawa?

" Bakit ninyo laging tinitira ang mga rebulto at larawan ng mga katoliko, e sa inyo naman ay kitang-kita na humaharap pa sa larawan ni Manalo "

Kung mag edit man po kayo ng larawan e yung hindi mahahalata. Pansinin ninyo ang larawan. Sa gilid may flag ng ibang bansa. E ang tanong, paano nangyari?Napaghahalataan tuloy ang gawang kapalpakan ng mga tao na ang hanap ay ang gumawa ng mga kasinungalingan. Sino ba ang nasa likod nito at ang tunay na nasa larawan? ito pala iyon.

Mga mahal naming kapatid at mga kaibigan, Amin ring lilinawin, Ang pagkakaroon ng larawan o rebulto ay may dalawang uri na dapat laging tandaan. Alin dito ang dapat na iwasan at ayaw ng Dios?

1. Larawan o rebulto bilang alaala sa isang mahalagang tao na naging mahalaga sa kasaysayan o buhay ng Tao. Upang manatili ang alaala ng kaniyang naisagawang kabutihan.

2. Larawan o rebultong inanyuan na nagkaroon ng bahagi sa pagpupuri, pagsamba mga gawang may kaugnayan sa mga paglilingkod sa harap ng Dios.

Ang nasa Ikalawa po ang hindi marapat kakitaan sa lahat ng Tao. Ayaw ng Dios na sa mga pagpupuri at mga paglilingkod sa Kaniya ay idaan pa ito sa mga larawang inanyuan. Hindi dapat doon lumuhod doon upang iugnay ang pagsamba sa buhay na Dios. Ganito ang sabi ng Biblia :



Isaias 42:8
" Ako ang Panginoon; na siyang aking pangalan: at ang aking kaluwalhatian ay hindi ko ibibigay sa iba, o ang akin mang kapurihan sa mga larawang inanyuan. "


Ito ang nais ng Dios. Ang lahat ng pagpupuri ay exclusibo lamang at hindi na marapat pang idaan sa mga rebulto o larawan. Kaya, ito ang babala kung bakit ipinagbabawal na ang isang rebulto kung may kaugnayan na sa paglilingkod...


Exodo 20:4 Huwag kang gagawa para sa iyo ng larawang inanyuan o ng kawangis man ng anomang anyong nasa itaas sa langit, o ng nasa ibaba sa lupa, o ng nasa tubig sa ilalim ng lupa:


Exodo 20:5 Huwag mong yuyukuran sila, o paglingkuran man sila; sapagka't akong Panginoon mong Dios, ay Dios na mapanibughuin, na aking dinadalaw ang katampalasanan ng mga magulang sa mga anak, hanggang sa ikatlo at ikaapat na salin ng lahi ng mga napopoot sa akin.


Ito ang malinaw na dahilan kung bakit hindi dapat lumuhod o humarap pa sa rebulto kung may kaugnayan na sa pagsamba sa Dios sapagkat Siya ay MAPANIBUGHUIN. Kaya, ang masasabi natin doon sa mga tao na gumawa ng kwento na dinidios umano ng INC si Manalo, ay isang kalokohang palabas lamang upang ihasik ang POOT AT GALIT.

Payo po namin. Magbago na kayo at mag suri nalang at makinig ng Aral sa Iglesia ni Cristo.

Deuteronomio 6:4 Si Cristo ba ang Dios ?

Sa bahaging ito ng talata ay ginagamit ng ilan upang palabasin na si Jesus ang Tinutukoy ng talata. Ganito po ang laman nito :


Deuteronomio 6:4
" Dinggin mo, Oh Israel: ang Panginoon nating Dios ay isang Panginoon ".


Binanggit ng talata na ang Dios ng Israel ay Panginoon din. Subalit, ang masama ay ang agad na magkaroon ng haka-haka o kuro-kuro ukol rito. Dapat ring mapansin natin na WALANG CRISTO na binanggit ayun sa talata. Ngayon, ating tiyakin kung sino ba ang Dios ng Israel at ano ang PALATANDAAN sa Kaniya?


Genesis 17:1
" At nang si Abram ay may siyam na pu't siyam na taon, ay napakita ang Panginoon kay Abram, at sa kaniya'y nagsabi, AKO ANG DIOS NA MAKAPANGYARIHAN sa lahat lumakad ka sa harapan ko, at magpakasakdal ka.


Exodo 3:6
" Bukod dito ay sinabi, Ako ang Dios ng iyong ama ang Dios ni Abraham, ang Dios ni Isaac, at ang Dios ni Jacob. At si Moises nga ay nagtakip ng kaniyang mukha; sapagka't siya'y natakot na tumingin sa Dios ".


Siya ang Dios nilang lahat. Siya ang nagsasalita sa Kanila na ang Ikakikilala ay ang pagiging MAKAPANGYARIHAN SA LAHAT o " ALMIGHTY GOD". Siya ang Kinilala rin ng mga Israel noon. Sino ang Kinilalang Dios ng mga Israel ayon rin kay Moises? Ganito rin ang SINABI ni MOISES sa mga taga Israel :


Deuteronomio 32:6
" Ganyan ba ninyo ginaganti ang Panginoon, O mangmang na bayan at hindi pantas? HINDI BA SIYA ANG IYONG AMA NA TUMANGKILIK SA IYO? KANIYANG NILALANG KA, at itinatag ka ".


Napakalinaw na ang Dios din ng Israel ay walang iba kundi an AMA NA LUMALANG sa kanila. Pinatutunayan din ba nila ito? Ganito ang ating mabababasa :


Isaias 64:4
" SAPAGKA'T HINDI NARINIG NG MGA TAO mula nang una, O NAULINIGAN MAN ng pakinig, O ANG MATA AY NAKAKITA MAN NG DIOS LIBAN SA IYO, na iginagawa niya ng kabutihan ang naghihintay sa kaniya ".

Isaias 64:8
" Nguni't ngayon, OH PANGINOON, IKAW AY AMING AMA; kami ang malagkit na putik, at ikaw ay magpapalyok sa amin; at KAMING LAHAT AY GAWA NG IYONG KAMAY ".


Malinaw na ang kinikilala nilang LUMIKHA At ang iisang Dios ay ang Ama LAMANG. Siya ang MAKAPANGYARIHAN DIOS(ALMIGHTY GOD), na sinabi na Dios din ni Abraham na nagsasalita ayun sa Genesis 17:1. Siya rin ang nagsasalita maging sa bagong tipan na Siya ang DAPAT na magiging AMA na kikilalanin na Siyang makapangyarihang Dios :


2 Corinto 6:18
" AT AKO SA INYO'Y MAGIGING AMA, At sa akin kayo'y magiging mga anak na lalake at babae, sabi ng Panginoong Makapangyarihan sa lahat ".


Ang Sabi ng Dios, Siya ang Panginoon na magiging AMA NG LAHAT. Samakatuwid, siya lamang ang Dios na kikilalanin na Ama. May iba paba liban sa ipapakilala ni Cristo o ang sarili niya ang ipinakilala? Ganito ang Kaniyang sinabi :

Mateo 23:9
"  At huwag ninyong tawaging inyong ama ang sinomang tao sa lupa: SAPAGKA'T IISA ANG INYONG AMA, SA MAKATUWID BAGA'Y SIYA 
NA NASA LANGIT. 

Sa lahat lahat ba ay ang AMA LAMANG ? opo ganito ang patotoo ng Biblia :


Efeso 4:6
"  Isang Dios at Ama ng lahat, na siyang sumasa ibabaw sa lahat, at sumasa lahat, at nasa lahat ".


 Ang makapangyarihang DIOS na nasa langit ay Siya rin ang Dios at Ama ng panginoong Jesucristo :


Efeso 1:3
" Purihin nawa ANG DIOS AT AMA NG ATING PANGINOONG JESUCRISTO, na siyang nagpala sa atin ng bawa't pagpapalang ukol sa espiritu sa sangkalangitan kay Cristo "


1 Pedro 1:3
" Purihin nawa ANG DIOS AT AMA NG ATING PANGINOONG JESUCRISTO, na ayon sa kaniyang malaking awa ay ipinanganak na muli tayo sa isang buhay na pagasa sa pamamagitan ng pagkabuhay na maguli ni Jesucristo sa mga patay "


Pinatotohanan ito ni Cristo na ang Dios ang totoong makapangyarihan sa lahat sapagkat WALANG BAGAY NA HINDI MAPAGYAYARI :


Matthew 19:26
" Tiningnan sila ni Jesus at sinabi,“Hindi ito magagawa ng tao,ngunit magagawa ng Diyos ang lahat ng bagay. 

Lucas 1:37, NIV
 "Ito ay sapagkat sa Diyos ay walang anumang bagay na hindi mapagyayari"


Kaylan man ay hindi sinabi ni Jesus na Siya ang iisang Dios o ang makapangyarihang Dios. Kundi ang pagpapakilala parin sa Kaniyang Ama na Siya ang dapat kikilalanin na tunay at iisang Dios sa ikapagtatamo ng Buhay na Walang Hanggan. Ganito ang Kaniyang Sinabi :


Juan 17:1, 3 MBB
" Pagkasabi ni Jesus ng mga pananalitang ito, tumingala siya sa langit at kanyang sinabi,
“Ama, dumating na ang oras; parangalan mo na ang iyong Anak upang maparangalan ka niya. ITO ANG BUHAY NA WALANG HANGGAN: ANG MAKILALA KA NILA, ANG IISA AT TUNAY NA DIOS, at ang makilala si Jesu-Cristo na iyong isinugo ".


Tiniyak ng Panginoong Jesucristo na ang TUNAY at IISANG Dios ay ang Ama lamang. At yun ang ikapagtatamo ng buhay na walang hanggang ang magkaroon ng tamang pagkilala at pagsunod. Hindi totoo na si Cristo ang tunutukoy na Panginoon na Dios doon sa Deut. 6:4, sapagkat ang PANGINOONG DIOS na kilala ng Israel ay ang AMA lamang na Siyang Lumikha. Ang pagkapanginoon ng Dios ay walang PINAGMULAN mula pa sa panimula (Awit 90:), subalit ang PagkaPanginoon ni Jesus ay KALOOB ng Dios at Ginawa ito sa Kaniya na maging panginoon (Gawa 2:36), kaya Si Jesus ay may pinagmulan at Siya ay nagmula at nanggaling sa Dios (Juan 8:42).

UKOL SA KRUS AT MGA SANTO

Kadalasan ay maitatanong ng marami, lalo na sa mga naimbitahan at nakadalo sa mga pagsamba sa loob ng Iglesia ni Cristo, kung bakit wala silang makikita na mga imahe ng KRUS at mga SANTO na inilagay at ginagamit upang maging kaugnayan sa pagsamba. Ito po ay totoong tama kung ano ang inyong nakita sa anomang mga aktibidad . Sa katotohanan, ang gawin ang bagay na ito ay isang malaking pagkakamali sa Dios na tunay, sapagkat ayun sa KANIYA, hindi ito marapat na iugnay sa mga PAGLILINGKOD SA KANIYA, kaya may tagubilin :



Exodo 20:4-5
" HUWAG KANG GAGAWA para sa iyo ng larawang inanyuan o ng kawangis man ng anomang anyong nasa itaas sa langit, o ng nasa ibaba sa lupa, o ng nasa tubig sa ilalim ng lupa:
HUWAG MONG YUYUKURAN SILA, O PAGLILINGKURAN MAN SILA; sapagka't akong Panginoon mong Dios, ay Dios na mapanibughuin, na aking dinadalaw ang katampalasanan ng mga magulang sa mga anak, hanggang sa ikatlo at ikaapat na salin ng lahi ng mga napopoot sa akin "


Ang paggawa ng LARAWAN ay hindi naman ipinagbabawal, ang PAUNA LAMANG ng Dios, HUWAG GAGAWA ng mga yaon, kung paglilingkuran na o may kaugnayan na sa PAGLILINGKOD sapagkat Siya'y totoong mapanibughuin. At hindi rin papayag ang Dios, na idaan pa sa kanila ang mga paglilingkod at mga Pagpupuri :


Isaias 42:8
" Ako ang Panginoon; na siyang aking pangalan: at ang aking kaluwalhatian ay hindi ko ibibigay sa iba, o ang akin mang kapurihan sa mga larawang inanyuan. "


Malinaw ang mga itinuturo ng Dios ukol rito, sapagkat ito ay totoong walang kabuluhan at hindi mapapakinabangan (Isa.44:10), sila ang mga naging tampalasan na gumawa at naniniwala rito (Jer.10:14; 51:17). Na sa realidad ay makikita natin na iniaasa nila mula sa mga Santo ang mga bagaybsa kanilang buhay upang matulungan na palaguin ang kanilang pamumuhay. Kaya kapag may fiyesta ay pinagdiriwang at pinasasalamatan. MAY PAKINABANG ba ang mga gawaing ito? Ganito rin ang sinabi ng Biblia :


Habakuk 2:18
" ANONG NAPAPAKINABANGAN NG LARAWANG INANYUAN na yao'y inanyuan ng manggagawa niyaon; ng binubong larawan, na tagapagturo ng mga kasinungalingan, na tinitiwalaan ng nagaanyo sa kaniya, na gumawa ng mga piping diosdiosan? "

Totoong wala itong silbi sa harapan ng Dios. Ito ang naging dahilan kung bakit lubusang nagalit ang Dios sa panahong Israel dahil sa mga pagkakaroon ng ganitong gawain.


Awit 78:58-59
" Sapagka't minungkahi nila siya sa galit ng kanilang mga mataas na dako, at kinilos nila siya sa panibugho ng kanilang mga larawang inanyuan.
Nang marinig ito ng Dios, ay napoot, at kinayamutang lubha ang Israel "


Totoong galit ang Dios sa ganitong gawain, hanggang sa panahong Cristiano, ay patuloy na ipinagbabawal ng Panginoon ang ganitong mga gawa, sapagkat mayroon parin na patuloy sa ganitong mga gawa :


Gawa 17:29
" Yamang tayo nga'y lahi ng Dios, ay hindi marapat nating isipin na ang pagka Dios ay katulad ng ginto, o ng pilak, o ng bato, na inukit ng kabihasnan at katalinuhan ng tao ".


Pinapaalalahanan ang lahat ng mga LAHI NA MGA TAPAT sa Kaniya na hindi marapat na gawin ang mga ganoong bagay. Paano kung nahulog ang ilan dito lalo na sa mga HINDI PA IGLESIA NI CRISTO? Ganito ang payo :


Gawa 17:30
" Ang mga panahon ng kahangalan ay pinalipas na nga ng Dios; datapuwa't ngayo'y ipinaguutos niya sa mga tao na MANGAGSISI silang lahat sa lahat ng dako "

Ang sabi po ay MANGAGSISI o mag bagong buhay na. Ito ang totoong payo na MULA MISMO sa DIOS...DAPAT SUNDIN.


Ngayon, ukol naman sa mga KRUS, wala kahit saan man sa Biblia na mahahanap natin ang sinomang alagad ng Dios na gumamit ng Imahe ng krus sa pagsamba at panalangin kay Cristo. Ang KRUS ay instrumento ng PAGPAPAHIRAP. Ang katotohanang ito ay suportado maging ng mga awtoridad ng mga katoliko na nagpapahayag na :


" Like the guillotine, the noose, or the electric chair" , the cross "was the symbol of shame, ignorance and dishonor" [ Discourses on the Apostles' Creed, p. 16]

Sa FILIPINO :


" Tulad ng gilotina , ang silo , o ang de-kuryenteng upuan, ang krus ay ang simbolo ng kahihiyan , kawalang-malay at ilagay sa kahihiyan "


Ang Makapangyarihang Dios, sa pamamagitan ng mga Apostol, ay nag uutos na ang bawat tuhod ay iluhod sa Pangalan ng Panginoong Jesucristo (Fil.2:9-11) hindi doon sa instrumento na ginamit ng NAGPAPAHIRAP SA KANIYA upang Siya ay PAHIRAPAN hanggang sa kamatayan. Isang Catholic Defender naman ang NAGSASABI na " CROSS is "SATAN'S INVENTION". Kung Gayon ang pinagluluhuran nilang Krus ay gawa ng Satanas.

Tungkol naman ulit sa mga SANTO, ang Iglesia ni Cristo ay tunay na naniniwala sa kanila, subalit, HINDI KATULAD ng paniniwala ng Katoliko kundi ayun sa turo ng Biblia. Ang mga Awtoridad ng katoliko ay ipinakilala ang mga "SANTO" bilang:


" Saints" as "a title properly given to those human members ... recognized by the [Catholic] Church, either traditionally or by formal canonization, as being in heaven" and act as "intercessors with God for the living and for souls in purgatory" [ New Catholic Encyclopedia, Vol. 12, pp. 852,962]


Sa Filipino :


" Santo" bilang "isang pamagat na maayos na ibinigay sa mga taong miyembro ... kinikilala ng [katoliko] Iglesia, alinman na ayon sa kaugalian o sa pamamagitan ng pormal na kanonisasyon , na nasa langit" at kumilos bilang "tagapamagitan ng Diyos para sa buhay at para sa mga kaluluwa sa purgatoryo"


Ito ang kadahilanan kung paano nila kinilala ang mga ito at kung paano ang Katoliko ay nagdadasal na may kaugnayan sa kanilang SANTO.

Ang BANAL NA KASULATAN, gayunpaman, ay naiiba ang pagtukoy sa mga "SANTO" sila ang " MGA PINAPAGINGBANAL KAY JESUCRISTO" (1Cor.1:2, New King James Version). Sila ang mga TINUBOS at BINILI ng dugo ni Cristo sa loob ng IGLESIA NI CRISTO (Gawa 20:28, lamsa trans.). Lahat ng mananampalatayang kaanib ng tunay na Iglesia, samakatuwid, sila ang tinutukoy na mga BANAL ayun sa Biblia.

Ang paliwanag at pakahulugan ng Katoliko sa SANTO ay bilang " TAGAPAMAGITAN NG DIOS" kung kanino sila ay manalangin ay isang hindi aral ng Cristiano at Wala sa Biblia. Ang Biblia ay nagtuturo lamang ng IISANG tagapamagitan sa Dios :


1 Timoteo 2:5 MBB
" Sapagkat iisa ang Diyos, AT TANGING SI JESUS-CRISTO LAMANG ang taong tagapamagitan sa atin at sa Diyos ".

Tanging si Jesuscristo lamang. Kapag sinabing TANGI, ay wala ng iba pang pwede pumalit o idagdag pa kundi ang nalagay na


1 Corinto 3:11
" Sapagka't sinoman ay hindi makapaglalagay ng ibang pinagsasaligan, kundi ang nalalagay na, na ito'y si Cristo Jesus. "


Siya ang tanging SALIGAN at TAGAPAMAGITAN na inilagay alang alang sa mga tao para sa Dios at wala ng iba pa.

Ang Biblia naman ay hindi sasang ayun na ang Banal na namatay ay nasa langit na, liban lamang kay Cristo, at ang lahat ng namatay ay nasa libingan pa (Awit 88:4-5). Kasama na rito ang mga BANAL, hindi pa sila pumaroon sa langit pagkatapos na mamatay (Gawa 2:29,34; Awit 86:2) at nananatiling nakahiga sa libingan hanggang sa araw ng paghuhukom (Job 14:10-12: 2Ped.3:10,7).


Marami ang hindi nakakaunawa ng mga katotohanang ito, sapagkat nailigaw ng maling relihiyon. Kaya, bilang Iglesia ni Cristo, lahat po ay aming inaanyayahan na patuloy na dumalo sa mga pagsamba sa loob ng Iglesia at simulan ang tunay na mga paglilingkod sa Dios na may kahalagahan at naayon sa Banal Na Kasulatan..

SABI NI POPE FRANCIS, MALILIGTAS DAW ANG ATHEIST ?

POPE FRANCIS SAYS :

"Maliligtas raw ang ATHEIST(hindi naniniwala sa Dios), basta gumawa lang ng mabuti"



ISANG kagimbal-gimbal at nakakagulat na PANINIWALA na mismong sa PINAKAMATAAS pa na NAMUMUNO sa Isang kinikilalang relihiyon, na KAHIT ANG WALANG DIOS ay may karapatan sa Kaligtasan.

Nakakagulat at nakakalungkot ang ganitong paniniwala kung pagbabasihan ang Biblia sapagkat totoong PINATUTUNAYAN ito ng Biblia na hindi lahat ng Tao ay maliligtas lalong lalo na ang hindi naniniwala sa Dios. Ganito ang patotoo ng Biblia :


2 Tesalonica 1:8
" NAGHIHIGANTI sa hindi nagsisikilala sa Dios, at sa kanila na hindi nagsisitalima sa evangelio ng ating Panginoong Jesus "


2 Tesalonica 1:9
" Na siyang tatanggap ng kaparusahan, na walang hanggang kapahamakang mula sa harapan ng Panginoon at mula sa kaluwalhatian ng kaniyang kapangyarihan. "



Tiniyak ng BANAL NA KASULATAN na ang hindi kumilala at nagsitalima sa Dios at kay Jesus, ay tatanggap ng kaparusahang walang hanggan. Paano matitiyak ang hahatulan at hindi hahatulan?


Juan 3:18
" ANG SUMASAMPALATATA SA KANIYA AY HINDI HAHTULAN; ANG HINDI SUMAMPALATAYA AY HAHATULAN NA, sapagka't hindi siya sumampalataya sa pangalan ng bugtong na Anak ng Dios. "


Napakalinaw ng pagtuturo ng Biblia kung paano matitiyak ang uri ng tao na maliligtas. Hindi sa dahilang MABUTI SA GAWA kundi ang totoong mabuti na gumanap sa KALOOBAN at SALITA ng Dios at ang totoong kumikilala sa Kaniya. Kaya, ang hindi sumampalataya ay tiniyak na hahatulan sa WALANG HANGGANG KAPARUSAHAN :


Apocalyosis 21:8
" Nguni't sa mga duwag, at SA MGA HINDI MANANAMPALATAYA, at sa mga kasuklamsuklam, at sa mga mamamatay-tao, at sa mga mapakiapid, at sa mga manggagaway, at sa mga mapagsamba sa diosdiosan, at SA LAHAT NG SINUNGALING, ang kanilang bahagi ay sa DAGATDAGATANG NAGNININGAS SA APOY at asupre; na siyang ikalawang kamatayan. "


Ang hindi MANANAMPALATAYA kasama na ang sinungaling na naghahatid ng maling ARAL ay hahatulan sa dagatdagatang apoy. Hindi lahat ang maliligtas kundi yaon lamang kabilang sa KATAWAN ni Cristo (Col.1:18), na ang Iglesia :


Colosas 1:24
" Ngayo'y nagagalak ako sa aking mga hirap dahil sa inyo, at aking pinupunan sa akin ang kakulangan ng mga hirap ni Cristo sa aking laman dahil sa kaniyang katawan, na siyang iglesia "


Na ito ang IGLESIA ni CRISTO[Gawa 20:28,lamsa; Roma 16:16 NPV]… Sila ang bahagi o miyembro ng Katawan [1Cor.12:27]…

Kaya, hindi basta-basta lamang SASABIHIN NA LIGTAS na kahit wala nang IGLESIA o HINDI NANINIWALA SA DIOS BASTA GUMAWA NG MABUTI. Ano ang Utos ni Jesus?



Juan 10:9
" Ako ang pintuan; ang sinomang taong pumasok sa akin, ay siya'y maliligtas....."


Ang PUMASOK lamang kay Cristo o sa katawan ni Cristo ang may karapatang maligtas. At hindi sa kahit kanino lamang na nag-aakala na gumawa ng mabuti. Ang LAHAT ay naiilalim sa kautusang ito ni Cristo :


Roma 7:23
" Datapuwa't nakikita ko ang ibang kautusan sa aking mga sangkap na nakikipagbaka laban sa kautusan ng aking pagiisip, at dinadala akong bihag sa ilalim ng kautusan ng kasalanan na nasa aking mga sangkap. "


Tayo ay naiilalim sa kautusan ni Cristo, sapagkat ang lahat ng tao ay nagkasala. Kaya ang Sabi ng Biblia :

Roma 3:10
" Gaya ng nasusulat, Walang matuwid, wala, wala kahit isa;


Dahil sa Kasalanan, ang tao ay hindi naging matuwid sa harapan ng Dios. Paano ngayon sasabihin na maliligtas ang HINDI NANINIWALA SA DIOS? Ano ang Sabi ng Biblia ukol sa hindi naniniwala sa Dios?


Awit 14:1
" Ang mangmang ay nagsabi sa kaniyang puso, walang Dios: sila'y nangapapahamak, sila'y nagsigawa ng kasuklamsuklam na mga gawa; walang gumagawa ng mabuti "


Ang LAHAT ng ayaw maniwala sa Dios, ay itinuring na mangmang at WALANG MABUTI, at SILA'Y KASUKLAMSUKLAM sa harap ng Dios. Kaya, isang maling PAHAYAG ang Sinabi ni POPE FRANCIS ang ukol rito. Sapagkat, ang ikalulugod lamang ay ang gumaganap ng katuwiran ng Panginoon:


Colosas 1:10
" Upang kayo'y magsilakad ng nararapat sa Panginoon, sa buong ikalulugod niya, at magsipamunga sa bawa't gawang mabuti, at magsilago sa kaalaman ng Dios "


AT GAWIN ang mga iniuutos


Juan 15:14
" Kayo'y aking mga kaibigan, kung gawin ninyo ang mga bagay na aking iniuutos sa inyo. "


Napakahalaga na masunod ang KALOOBAN ng Dios at KALOOBAN ni Cristo. Ang kaligtasan ay hindi lamang sa kung kanino o basta basta na lamang maaangkin ng tao kahit hindi siya maniniwala kay Cristo at sa Dios. Sinasang-ayunan ba ng ilang kaanib ng katoliko ang pahayag ng kanilang pope, o mayroong nangyaring kontradiksyun? Ganito ang pahayag ng VATICAN SPOKESPERSON na si THOMAS ROSICA :

" This means that all salvation comes from Christ, the Head, through church which is his body.
" Hence they cannot be saved who, knowing the Church as founded by Christ and necessary for salvation, would refuse to enter her or remain in her ".


Malinaw ang kontradiksyun na ang KALIGTASAN umano sabi ni Thomas, ay sa pamamagitan lamang ng Iglesia, na siyang IGLESIA. Isang paniniwala at pangyayaring hindi maaaring makikita sa isang tunay na relihiyon. Ang ganitong mga pangyayari ay may PAALALA si Apostol Pablo kung ano ang dapat gawin lalo na ng mga kasapi rito?



Roma 16:17
" Ngayo'y ipinamamanhik ko sa inyo, mga kapatid, na tandaan ninyo yaong mga pinanggagalingan ng pagkakabahabahagi at ng mga katitisuran, laban sa mga aral na inyong nangapagaralan: at KAYO'Y MAGSILAYO SA KANILA. "


Marapat na magsilayo sa kanila, hindi isang mabuting ihimplo ng tunay na MANGANGARAL ang magkakaroon ng kontradiksyun sa mga aral at turo ni Cristo na mula naman sa Dios. Ang isang tunay na mga HINIRANG ay wala sa gawang pagkabaha-bahagi ng isipan o aral na gaya ng SINABI PA NI APOSTOL PABLO :


1 Corinto 1:10
" Ngayo'y ipinamamanhik ko sa inyo, mga kapatid, sa pamamagitan ng pangalan ng ating Panginoong Jesucristo, na kayong lahat ay mangagsalita ng ISA LAMANG BAGAY, at HUWAG MAGKAKAROON SA INYO NG MGA PAGKAKABAHABAHAGI; kundi kayo'y mangalubos sa isa lamang pagiisip at isa lamang paghatol ".


Napakalinaw ng sabi ni Apostol Pablo. Hindi marapat na makita ang ganitong pangyayari lalo na sa nangunguna pa sa isang PANGKAT. Iba sa katotohanan na itinuturo ng Biblia ang kanilang itinuturo na may pagkakabahabahagi pa. Sa ano inihalintulad ni Santiago ang ganito?



Santiago 3:14
" Nguni't kung kayo'y mayroong mapapait na paninibugho at pagkakampikampi sa inyong puso, ay huwag ninyong ipagmapuri at HUWAG MAGSINUNGALING LABAN SA KATOTOHANAN. "


Santiago 3:15
" Hindi ito ang karunungang bumababa mula sa itaas, kundi ang nauukol sa lupa, sa laman, SA DIABLO ".


Santiago 3:16
" Sapagka't kung saan mayroong paninibugho at pagkakampikampi, ay doon mayroong kaguluhan at lahat ng gawang masama ".


Ito'y gawang masama. At sabi ng Biblia, "hindi ang karunungang bumaba mula sa langit, kundi sa diablo".

Hindi isang madaling bagay ang pagbibigay ng kaligtasan sa kanino man, kundi ito ay may katumbas na gawang nauukol sa utos at kagustuhan ng Dios at ni Cristo. Kaya ang Iglesia Ni Cristo ay walang sawa sa pag-aanyaya sa lahat na subukang makinig at sundin ang aral na isinasabuhay at sinusunod sa Iglesia Ni Cristo. Ang tunay na relihiyon na totoong kay Cristo ay makikita at makikilala sa kaniyang tunay na uri at paniniwala :


Efeso 4:4
" May isang katawan, at isang Espiritu, gaya naman ng pagkatawag sa inyo sa isang pagasa ng pagtawag sa inyo "


Efeso 4:5
" Isang Panginoon, isang pananampalataya, isang bautismo "


Efeso 4:6
" Isang Dios at Ama ng lahat, na siyang sumasa ibabaw sa lahat, at sumasa lahat, at nasa lahat. "


Ang Sabi ng Biblia, MAY ISANG KATAWAN. Hindi ito sekta sekta sapagkat iisa lamang ang Katawan o Iglesia, ang kaanib lang ang marami (Roma 12:5). At may iisa lamang na PANANAMPALATAYA o PANINIWALA at hindi nagkakabaha-bahagi na sapagkat ito'y kagustuhan ng Dios at ni Cristo (Juan 17:22). At ang DIOS na kinikilala nila ay ang AMA lamang sa lahat lahat, gaya ng sinabi ni Cristo (Juan 17:1,3) At ni Pablo (1Cor.8:6).


Kaya, isang napakahalagang malaman ng lahat ang isang tunay na aral na dapat malaman ng Tao, at hindi ang gaya ng Sinabi ng POPE na kahit hindi maniniwala sa Dios ay maliligtas ito. Sapagkat, gaya ng sinabi ni Cristo, ito ay isang Dakilang utos na dapat sundin. Ganito ang Kaniyang sinabi :


Mateo 22:37
" At sinabi sa kaniya, Iibigin mo ang Panginoon mong Dios ng buong puso mo, at ng buong kaluluwa mo, at ng buong pagiisip mo ".

Mateo 22:38
" Ito ang dakila at pangunang utos. "


IIBIGIN ang Dios ng BUONG PUSO. Ang pagibig sa Dios ay pagsunod at pagtiwala sa Dios upang matamo ang kaligtasan. Ito ang PANGUNAHING utos na iniutos sa mga alagad ni Cristo upang sa ikapagtatamo ng kaligtasan.

Bakit dalawang beses sa isang linggo ang pagsamba sa Iglesia ni Cristo?

Pagsamba sa Iglesia ni Cristo

Minsan nang namalas ng marami ang katanungang ito, kung bakit ba ang mga kaanib sa Iglesia ni Cristo ay dalawang beses sumasamba. Una, kami ay nagpapasalamat kung kayo ma'y dumalo o nakadalo na sa aming mga PAGKAKATIPON o mga PAGSAMBA. Totoong kami po ay may pagsambang kadalasan ay HUWEBES o MIYERKULES at SABADO o LINGGO depende sa location o ORAS na naipatupad.


Ang Kaugalian ng congregation para sa pagsamba nang dalawang beses sa isang linggo ay pinagpapasyahan sa pamamagitan ng Pamamahala ng Iglesia upang matiyak ang pagiging maganda at mabuting halimbawa ng mga kapatid sa pananampalataya, at upang mabigyan ng sustansiya ang kanilang espirituwal na buhay ,sapagkat sa pang araw-araw na buhay ay iba't ibang pagkakataon na maaaring makasalamuha ng mga kabigatan ng pasanin at pagsubok ng buhay na nagdudot ng panghihina sa tao at upang dumalo sa kanilang iba pang mga pangangailangan na may kaugnayan sa kanilang mga serbisyong pangrelihiyon. [ 1Cor.14:26; 1Tes. 5:18-19; Heb. 10:23,25]


Ang Biblia ay nagsasabi at nagtuturo din sa atin na ang mga sinaunang mga Cristiano ay nangagkakatipon ng sama-sama sa Pagsamba sa unang araw ng sanglinggo [Gawa 20:7]. Gayunman, ang Banal na Kasulatan ay nagtatala din na may mga kaukulang pangyayari o pagkakataon nang nagsagawa sila mga Pagsamba sa mga ibang araw sa loob ng isang linggo, maging sa araw-araw, upang magbigay ng magandang halimbawa sa kanilang sarili sa ikalulugod ng Diyos [Gawa 2:46]. Sa gayundin, may ibang mga Congregation ng Iglesia Ni Cristo sa ibang Dako o Lugar na nagsasagawa ng ibang araw ng Pagsamba sa loob ng isang linggo na gaya ng ating sinabi kanina, sa pamamagitan ng pinagpasyahan at pinagtibay ng Namamahala sa Iglesia.


Ukol sa kapakanan ng Iglesia, ang disisyon ay ginagawa ng Namamahala sa Iglesia kung saan ibinigay sa kanila ang pagkasi mula sa Diyos upang matupad ang kanyang mga Salita [ Col.1:24:25].


Ito ang aming paniniwala na ang desisyon nilang nito sa bagay na nauukol sa pananampalataya , tulad ng Pagtatalaga ng mga araw para sa congregational pagsamba, ay kalooban na itinali o pinagtibay din naman ng Dios mula sa langit [Mat.18:18]…


Hindi ito dapat na ikapanghinayang at ikakasama ng loob ng lahat ng tao sapagkat sa pagsamba ay kaunting bilang lamang ng oras ang ating naibibigay at ilalaan sa Dios, kumpara sa mga oras sa ating pang araw-araw na gawain. Sa isang linggo ay may 168 na Oras, at kung paglalaanan natin ng Oras ang pagsamba ay nakapaglalaan lang tayo ng isang Oras bawat pagsamba. Kung gayon, sa loob ng isang linggo ay DALAWANG ORAS lamang ang ating naibibigay sa Dios at may 166 Oras pa tayo para sa pang-araw araw na gawain. Kaya, ang bahaging PAGSAMBA ay isang napakahalagang bahagi sa mga kaanib ng Iglesia Ni Cristo na laging pinagtatalagahan, sapagkat ito ay utos ng Dios na huwag nating pababayaan


Hebreo 10:25 MBB
" Huwag nating kaliligtaan ang pagdalo sa ating mga pagtitipon, gaya ng ginagawa ng ilan. Sa halip, palakasin natin ang loob ng isa't isa, lalo na ngayong nakikita nating malapit na ang araw ng Panginoon".


Kaya, lahat po ay aming inaanyayahan na dumalo sa aming mga PAGKAKTIPON at makinig ng mga Doktrina. Makiugnay lamang sa mga kakilala ninyong mga kapatid namin o pumunta sa malapit naming Sambahan sa inyong lugar.