Nakapunta daw sa HELL si Cristo ayun sa SAKSI NI JEHOVA?

Isang kakila-kilabot na Aral na mula sa Saksi ni Jehova, na si Jesus umano ay nakapunta sa HELL o IMPIERNO. Paano nila Ito INUNAWA?

Sheol = hell

Ito-ito raw ay Iisa lamang. Paano nila ito inunawa? Sila ay gumamit ng mga sumusunod na talata mula SA KJV, upang palitawin na magkatulad ang Salita na ginamit. Unahin muna natin sa Tagalog:


Awit 16:10
" Sapagka't hindi mo iiwan ang aking kaluluwa sa SHEOL; ni hindi mo man titiisin ang iyong banal ay makakita ng kabulukan. " [Ang Biblia]


Dito ay Mababasa natin na "SHEOL", kaya, upang gawing nilang PAREHO ang KAHULUGAN, ay sinipi ito mula sa SALIN NG KJV(King James Version) :


Psalms 16:10
" For thou wilt not leave my soul in HELL; neither wilt thou suffer thine Holy One to see corruption."[KJV]


Dito sa SALIN NG KJV, ay HELL ang kinaroroonan ng KALULUWA. Kaya, malinaw daw na si Cristo man ay napasa IEMPERNO din ng mamatay ito. Ganito nila iniugnay sa salin parin ng KJV sa tagalog na :


Gawa 2:27, 31
" Sapagka't hindi mo iiwan ang kaluluwa ko sa HELL, Ni titiisin man na ang iyong Banal ay makakita ng kabulukan.
Palibhasa'y nakikita na niya ito, ay nagsalita tungkol sa pagkabuhay na maguli ng Cristo, na siya'y hindi pinabayaan sa HELL, ni ang kaniya mang katawan ay hindi nakakita ng kabulukan. "[ KJV]


Kaya, SAGOT at conclude agad sila na "TAMA" IISA nga ang kahulugan, at totoong si Cristo nga Ay napasa IMPIERNO ang kaluluwa ng namatay. Ganoon din daw ang mga tao namatay ay nasa HELL na o SHEOL.


Ngayon ating sisiyasatin ang mga bagay na ito kung wala bang salungatan na nangyayari at pagkakamali ng pagkaintindi, at tiyakin natin na TAMA BA ANG salin ng KJV sa pagkakaliwat ng salita? Ano ba ang KAHULUGAN ng SHEOL ayun sa BIBLIA rin?


Narito ang kahulugan ng SHEOL=LIBINGAN.


Bilang 16:33
" Na anopa't sila at lahat ng nauukol sa kanila, ay nababang buhay sa SHEOL: at sila'y pinagtikuman ng lupa, at sila'y nalipol sa gitna ng kapisanan. "


1 Samuel 2:6
" Ang Panginoo'y pumapatay, at bumubuhay: Siya ang NAGBABABA SA SHEOL, at nagsasampa. "


1 Hari 2:6
" Gumawa ka nga ng ayon sa iyong karunungan, at huwag mong tulutang ang kaniyang uban sa ulo ay bumabang payapa sa SHEOL. "


Job 7:9
" Kung paanong ang ulap ay napapawi at nawawala, gayon siyang bumababa sa SHEOL ay hindi na aahon pa. "


Awit 49:14
" Sila'y nangatakda sa SHEOL na parang kawan; kamatayan ay magiging pastor sa kanila: at ang matuwid ay magtataglay ng kapangyarihan sa kanila sa kinaumagahan; at ang kanilang kagandahan ay MAPAPASA SHEOL upang matunaw, upang mawalan ng tahanan. "


Awit 88:3
" Sapagka't ang aking kaluluwa ay lipos ng mga kabagabagan, at ang aking buhay ay nalalapit sa Sheol "


Kawikaan 9:18
" Nguni't hindi niya nalalaman na ang patay ay nandoon; na ang mga panauhin niya ay nangasa mga kalaliman ng Sheol."



Malinaw na ang SHEOL ay tumutukoy ito sa mundong mga patay o dakong LIBINGAN. Kung saan doon din ang tinatawag na HUKAY:


Ezekiel 31:16
" Aking niyanig ang mga bansa sa hugong ng kaniyang pagkabuwal, nang aking ihagis siya sa SHEOL na kasama ng nagsibaba sa HUKAY; at ang lahat na punong kahoy sa Eden, ang pili at pinakamahusay ng Libano, lahat ng nagsisiinom ng tubig ay nangaaliw sa pinakamalalim na bahagi ng lupa. "


Isaias 38:18
" Sapagka't hindi ka maaring purihin ng SHEOL, hindi ka maaring ipagdiwang ng kamatayan! Silang nagsisibaba sa HUKAY ay hindi makaaasa sa iyong katotohanan."


Isaias 14:15
" Gayon ma'y mabababa ka sa SHEOL, sa mga kaduluduluhang bahagi ng HUKAY.


Ngayon ay Malinaw na Sa Atin na ang SHEOL ay DAKO NG MGA PATAY[libingan]. Puntahan naman natin ANO ANG KAHULUGAN NG HELL ano ang mayroon dito?


Ganito naman ang ating mababasa


Mateo 18:9
" At kung ang mata mo ang makapagpapatisod sa iyo, ay dukitin mo, at iyong itapon: mabuti pa sa iyo ang pumasok sa buhay na iisa ang mata, kay sa may dalawang mata na ibulid ka sa APOY NG IMPIERNO. "



Marcos 9:43
At kung ang kamay mo ay makapagpapatisod sa iyo, ay putulin mo: mabuti pa sa iyo ang pumasok sa buhay na pingkaw, kay sa may dalawang kamay kang mapasa IMPIERNO, sa APOY NA HINDI MAPAPATAY. "


Kung babasahin sa SALIN na INGLES ay HELL ang KATUMBAS ng IMPIERNO. At ang sabi ng BIBLIA, ito ay may "APOY NA DI NAMAMATAY". Ano pa?


Mateo 23:33
" Kayong mga ahas, kayong mga lahi ng mga ulupong, paanong mangakawawala kayo sa KAHATULAN SA IMPIERNO?


2 Pedro 2:4
" Sapagka't kung ang Dios ay hindi nagpatawad sa mga anghel nang mangagkasala ang mga yaon, kundi sila'y IBINULID, at kinulong sa mga hukay ng kadiliman, upang ILAAN SA PAGHUHUKOM"


Ang IMPIERNO o HELL ay dako kung saan doon ibubulid ang HAHATULAN sa araw ng pagHUHUKOM. At ang sabi pa ng Biblia, may "APOY NA DI MAPAPATAY o di NAMAMATAY". sapagkat ito ay Dako kung saan itatapon ang mga makasalanan bilang Parusa:




Marcos 9:43-47, MBB
" Kung ang kamay mo ang nagiging sanhi ng iyong PAGKAKASALA, putulin mo ito! Mas mabuti pa ang magkaroon ng buhay na putol ang isang kamay, kaysa may dalawang kamay na mapunta ka sa IMPIYERNO, sa APOY NA HINDI NAMAMATAY. Kung ang paa mo ang nagiging sanhi ng iyong PAGKAKASALA, putulin mo ito! Mabuti pa ang magkaroon ng buhay na putol ang isang paa, kaysa may dalawang paa na mapunta ka sa IMPIYERNO. At kung ang isang mata mo ay nagiging sanhi ng iyong PAGKAKSALA, dukitin mo ito! Mabuti pang pumasok ka sa kaharian ng Diyos na kulang ng isang mata, kaysa may dalawang matang ITAPON ka SA IMPIYERNO."


Maliwanag na ito ay ISANG DAKO kung saan ang KAHATULAN ng kasalanan na gaya ng sinabi:


" MAS MABUTING PUMASOK SA KAHARIAN NG DIOS NA KULANG NG ISANG MATA, KAYSA DALAWA MATA NA ITAPON SA IMPIYERNO".


Ito ay OPPOSITE sa kaharian ng Dios, ang kaharian ng Dios ay kaligtasan o ang mamanahin ng mga maliligtas, GANITO INIHALINTULAD ang tao sa pagbabalik ni Jesus bilang TUPA(maliligtas), KAMBING(mapapahamak):


Mateo 25:33-34
" At ilalagay niya ang mga tupa sa kaniyang kanan, datapuwa't sa kaliwa ang mga kambing.
Kung magkagayo'y sasabihin ng Hari sa NANGASA KANIYANG KANAN, Magsiparito kayo, mga pinagpala ng aking Ama, MANAHIN NINYO ANG KAHARIANG NAKAHANDA sa inyo buhat nang itatag ang sanglibutan. "


Ang TUPA ay paroroon sa KAHARIAN ng DIOS(maliligtas). Paano ang mga inihalintulad naman sa kambing na nangasa kaliwa? Saan sila paroroon?



Mateo 25:41
" Kung magkagayo'y sasabihin naman niya sa mga NASA KALIWA, Magsilayo kayo sa akin, kayong MGA SINUMPA, at PASA APOY NA WALANG HANGGAN na INIHANDA SA DIABLO at sa kaniyang mga anghel "

Ang mga KAMBING kung paano inihalintulad ang mga hindi maliligtas kasama ng Diablo ay may SUMPA doon sa APOY NA WALANG HANGGAN, DAGATDAGATANG APOY(Hell of Fire) :




Kailan lamang ba magkakaroon o mag exist ang dagatdagatang Apoy o HELL,IMPIERNO?


Apoc. 20:5, 9
" Ang mga iba sa mga patay ay hindi nangabuhay hanggang sa naganap ang ISANG LIBONG TAON. Ito ang unang pagkabuhay na maguli. "
" At nangagsipanhik sila sa kalaparan ng lupa, at kinubkob ang kampamento ng mga banal, at ang bayang iniibig: at BUMABA ANG APOY MULA SA LANGIT, at sila'y NASUPOK. "



Ang Apoy na sususpok sa di maliligtas at sa Diablo ay mula sa LANGIT NA BABABA, matapos maganap ang 1000 taon, mula ng mangyari ang pagparitu ni Cristo at sa unang pagkabuhay. Kaya, ang lahat ng kasama sa ikalawang pagkabuhay kasama ang Diablo ay itatapon doon sa APOY NA WALANG HANGGAN at Pahirapan Magpakailan kailanman. (APOC.12:8-9;20:9-10,14 ).

Sa kabuuan ng Pangyayri at magaganap sa ARAW NG KAWAKASAN ay maari ninyong bisitahin:

VISIT HERE

Sa ating natunghayan, malinaw na ang mga salita na ginamit doon sa salin ng KJV na HELL ay isang maling pagkakagamit sapagkat, napakalinaw na SALUNGATAN ang kahihinatnan ng mga kahulugan. Hindi dapat na gawin iyong magkatulad na kahulugan sa SHEOL sapagkat ang SHEOL, ay " DAKO NG MGA PATAY(libingan), at ang HELL ay " DAKO NG KAPAHAMAKAN".


Ngayong ALAM na natin ang KAIBAHAN. Puntahan naman natin ang kahulugan ng talata na kanilang iniugnay kay Cristo.


Gawa 2:27, 31
" Sapagka't hindi mo iiwan ang kaluluwa ko sa HADES, Ni titiisin man na ang iyong Banal ay makakita ng kabulukan.
Palibhasa'y nakikita na niya ito, ay nagsalita tungkol sa pagkabuhay na maguli ng Cristo, na siya'y hindi pinabayaan sa HADES, ni ang kaniya mang katawan ay hindi nakakita ng kabulukan. [ Ang Biblia]


Sa KJV ay HELL. MALINAW at TIYAK na Mali ang pagkakagamit na naman ng Salita sapagkat, magkatulad ang kahulugan mula sa AWIT 16:10


Awit 16:10
" Sapagka't hindi mo iiwan ang aking kaluluwa sa SHEOL; ni hindi mo man titiisin ang iyong banal ay makakita ng kabulukan. "


Subalit, bakit HADES ang salita na Ginamit sa Bagong Tipan? Ano ba ang paniniwala rito ng mga Skolar lalo na ng nagsipagsalin?


" Sheol" in the Hebrew Bible, and " Hades" in the New Testament . Many modern versions, such as the New International Version , translate Sheol as "grave" and simply transliterate "Hades". It is generally agreed that both sheol and hades do not typically refer to the place of eternal punishment, but to the grave, the temporary abode of the dead, the underworld .[2] " Gehenna " in the New Testament, where it is described as a place where both soul and body could be destroyed ( Matthew 10:28 ) in "unquenchable fire" ( Mark 9:43 ). The word is translated as either "hell" or "hell fire" in English versions "


Source:

http://en.m.wikipedia.org/wiki/Christian_views_on_Hell


Ayon sa Kanila, Ang "Sheol" ay Hebrew word at ang "hades" naman ay sa new testament(greek), Ito ay hindi tumutukoy sa WALANG HANGGANG PARUSA kundi sa LIBINGAN. At ang tinutukoy na WALANG HANGGANG APOY o HELL ay ang "GEHENNA".


Bigyan natin ng patotoo at kaibahan at ikumpara natin ang BAWAT SALITA NA GINAMIT


MAR.9:43

Mark 9:43 And if thy hand offend thee, cut it off: it is better for thee to enter into life maimed, than having two hands to go into HELL, into the fire that never shall be quenched [KJV]


Marcos 9:43
" At kung ang kamay mo ay makapagpapatisod sa iyo, ay putulin mo: mabuti pa sa iyo ang pumasok sa buhay na pingkaw, kay sa may dalawang kamay kang mapasa IMPIERNO, sa apoy na hindi mapapatay. "[ANG BIBLIA]


ΜΑΡΚΟΝ 9:43 και εαν σκανδαλιση σε η χειρ σου αποκοψον αυτην καλον εστιν σε κυλλον εισελθειν εις την ζωην η τας δυο χειρας εχοντα απελθειν εις την "γεενναν(GEHENNA) εις το πυρ το ασβεστον [ tischendorf]


Ayun sa ating NAPANSIN, " HELL" ang ginamit sa KJV. na sa GREEK naman ay GEHENNA o "γεενναν". Suriin naman natin kung anong SALITA ang nandoon sa GAWA 2:27, kung "GEHENNA" o HELL parin ba sa greek.


ΠΡΑΞΕΙΣ 2:27, 31
" οτι ουκ ενκαταλειψεις την ψυχην μου εις αδην[ HADES] ουδε δωσεις τον οσιον σου ιδειν διαφθοραν
προιδων ελαλησεν περι της αναστασεως του χριστου οτι ουτε ενκατελειφθη εις αδην[ HADES] ουτε η σαρξ αυτου ειδεν διαφθοραν" [ tischendorf]


Sa saling Filipino:


Gawa 2:27
" Sapagka't hindi mo iiwan ang kaluluwa ko sa HADES, Ni titiisin man na ang iyong Banal ay makakita ng kabulukan. Palibhasa'y nakikita na niya ito, ay nagsalita tungkol sa pagkabuhay na maguli ng Cristo, na siya'y hindi pinabayaan sa HADES, ni ang kaniya mang katawan ay hindi nakakita ng kabulukan. "[Ang Biblia]


Malinaw na ang ginamit sa salin sa greek,at sa salin ng Filipino ay magkaiba, hindi gaya sa KJV ay puro HELL ang ginamit. Malinaw na isang maling PAGKAKALIWAT ang salita na ginamit sa KJV, na dapat ay HADES hindi HELL.


Ano ang kahulugan doon sa TALATA ng Gawa 2:27,31? Ito po ay nangangahulugan,na ang mga alagad ay muling bubuhayin na gaya ni Cristo na hindi nananatili sa HADES, kundi ibinangon sa mga patay (1Tes.1:10), at hindi nanatili sa katawang may kasiraan o kabulukan kundi pinalitan ito at bibihisan ng maluwalhatin katawan(1Cor.15:54-54), Ito rin ang gagawin sa atin na gaya ng maluwalhating katawan ni Cristo(Fil.3:21).

Sana ay Nauunawaan ng Ating mga kaibigan ang katotohanang Ito na may malaking kaibahan.