Juan 1:1

Juan 1:1
" Nang pasimula siya ang Verbo, at ang Verbo ay sumasa Dios, at ang Verbo ay Dios. "


Ang Juan 1:1 ay isa sa mga talata ng Biblia na pangunahing ginagamit ng iba upang patunayan na Diyos si Cristo. Gayunman, ito ay TINUTULAN din bilang batayan sa gayong paniniwala ng mga nasa hanay mismo ng MGA NANINIWALAN SI CRISTO AY DIYOS:


"(iii) Sa huli ay sinabi ni Juan na ang salita ay Diyos. Ito ay isang kasabihang mahirap nating mauunawaan, ito'y mahirap dahil ang wikang Griyego, na siyang ginagamit ni Juan sa pagsulat, ay may paraan ng pagsasabi ng mga bagay na iba sa paraan ng pagsasalita sa Ingles. Kapag ang Griyego ay gumagamit ng pangngalan (NOUN), halos lagi itong gumagamit ng pantukoy (ARTICLE) na kasama nito. Ang Diyos sa Griyego ay THEOS at ang pantukoy ay HO. Kapag ang Griyego ay nagsasalita tungkol sa Diyos hindi nito basta na lamang sinasabi na THEOS; sinasabi nito na HO THEOS. Ngayon, kapag hindi ginagamit sa Griyego ang tuwirang pantukoy kasama ng pangngalan, ang pangngalan na iyon ay mas nagiging pang-uri(ADJECTIVE). Hindi sinasabi ni Juan na ang salita (VERBO) ay HO THEOS; na waring ang salita ay ang Diyos mismo. Sinasabi niya na ang salita ay THEOS-wala ang tuwirang pantukoy... Nang sabihin ni Juan na ang SALITA AY DIYOS, hindi niya sinasabing si Jesus ay Siya mismong Diyos; sinasabi niyang si Jesus ay lubos na katulad ng Diyos sa pag-iisip, sa damdamin...." (The Daily Study Bible Series -- The Gospel of John, Vol. 1, p. 39)



Pinatutunayan sa aklat na ito na ang salitang "Diyos" sa sugnay na "ang Verbo ay Diyos" ay hindi NOUN O PANGNGALAN kundi ADJECTIVE o pang-uri. Sa Griyego kapag, gumamit ng pangngalan tulad ng THEOS(Diyos), ito ay pangkaraniwang ginagamitan ng article o PANTUKOY na HO. Kapag ang Theos ay hindi ginamitan ng pantukoy na HO, ito raw ay "mas magiging" PANG-URI. Lumilitaw, kung gayon, na ang salitang " DIYOS" sa sugnay na "ANG VERBO AY DIYOS" ay PANG-URI---inuuri lamang nito ang Verbo at hindi pinatutunayan na ang Verbo ay ang Diyos. Kaya, ayon sa pagsusuri ng iba sa talatang ito, ang sugnay na, "ANG VERBO AY DIYOS" ay dapat isaling, "ANG VERBO AY BANAL". :



"...Ipinapapansin ng mga iskolar ng Bagong Tipan na ang bantog na salin ng talata sa paunang salita,' ang Verbo ay sumasa Diyos, at ang Verbo ay Diyos' (Juan 1:1) ay mali ang pagkakasalin mula sa orihinal na Griyego. Ang THEOS na may pantukoy ay dapat isalin na Diyos, subalit ang tamang salin ng THEOS na walang pantukoy ay dapat na 'BANAL'. Sa ibang salita, ang salin ay dapat na ,' Ang Verbo ay sumasa Diyos at ang Verbo ay Banal'. Karamihan sa mga iskolar ng Bagong Tipan ay sumasang-ayon dito. " ( One ChristMany Religions, p. 123)


Sapagkat ang sugnay na " Ang Verbo ay Diyos" ay paglalarawan o pag-uuri lamang sa Verbo, hindi nito pinatutunayan na si Cristo ay Diyos. Tunghayan naman natin ang pahayag ng iba pang mga nagsuri sa talatang ito:


"... Bawat taong tapat ay dapat sumang-ayon na ang pagsasabi ni Juan na ang Salita[Verbo] o Logos ' ay Banal ' ay hindi pagsasabing siya ang Diyos na kasama nito. Sinasabi lamang nito ang isang katangian ng Salita o Logos, subalit hindi nito sinasabi na siya rin ang Diyos.
" Ang dahilan kung kaya isinalin nila ang salitang Griyego na 'banal', at hindi 'Diyos', ay sapagkat ito ay ang pangngalang Griyego na the-os' na walang tuwirang pantukoy, kaya isang anarthrous the-os'. ... ang anarthrous na pagkakabalangkas ng pangungusap ay tumutukoy da katangian ng isang bagay ..." (New World Translation ot the Christian Greek Scriptures, p. 774)


Maliwanag, kung gayon, na ayon mismo sa mga nagtataguyod ng aral na si Cristo ay Diyos, ang Juan 1:1 ay hindi katunayan na si Cristo ay Diyos.


Ang mga pag-amin na ito ng mga iskolar at mga tagapagturo sa mga relihiyong naniniwala na Diyos si Cristo ay nagpapatunay na ang aral na kanilang itinataguyod ay wala talagang batayan sa Biblia. Huwad na pananampalataya ang maitataguyod ng isang tao kung paniniwalaan niyang Diyos si Cristo. Hindi tayo dapat na maipahamak ng maling paniniwala. Kaya nga ibinabala ng mga apostol:



2 Corinto 11:3
" Nguni't ako'y natatakot, baka sa anomang paraan, kung paanong si Eva ay nadaya ng ahas sa kaniyang katusuhan, ang inyong walang malay at malinis na mga pagiisip na kay Cristo ay pasamain. "

2 Corinto 11:4
" Sapagka't kung yaong paririto ay mangaral ng ibang Jesus, na hindi namin ipinangaral, o kung kayo'y nagsisitanggap ng ibang espiritu na hindi ninyo tinanggap, o ibang evangelio na hindi ninyo tinanggap, ay mabuting pagtiisan ninyo. "




Kaya, hinihikayat namin kayo na suriin ang paniniwala ng Iglesia ni Cristo tungkol sa ating Panginoong Jesucristo upang maliwanagan kayo sa mga katotohanang isinasaad.

Sa mga marami pang karagdagang patoto at pagpapaliwanag ukol dito ay maari nyu bisitahin:


http://iglesianicristolahingtapat.blogspot.in/2014/01/juan-1114-dios-ba-talaga-si-cristo.html?m=1


Sana ay patuloy na marami pa ang magsuri at tatanggap sa katotohanan na mga aral sa loob ng Iglesia ni Cristo.

Ang PMCC(4th watch) ba ang tunay na Iglesia?

Ang Pentecostal Missionary Church of Christ (4th watch), ay isang pangkatin ng Relihiyon na nagpakilala umano na sila ay ang totoo at tunay na relihiyon. Subalit, gaya anya ng ating narinig, mas mabuti o ikakabuti sa tao na suriin ang bawat aral kung naayun ba sa aral ng Biblia.

Alam at lingid na sa maraming tao, na si Cristo ay nagtatag ng tunay Niyang Iglesia(Mat.16;18) Mula pa noong Unang Siglo, at nagsimula pa sa kaunti:


Lucas 12:32
" Huwag kayong mangatakot, munting kawan; sapagka't nakalulugod na mainam sa inyong Ama ang sa inyo'y ibigay ang kaharian. "

Ang Kawan na tinutukoy ay walang Iba kundi Iglesia ni Cristo(Church of Christ).


"Ingatan ninyo kung gayon ang inyong sarilib at ang buong kawan na rito'y hinirang kayo ng Espiritu Santo ng mga katiwala,upang pakanin ang Iglesia ni Cristo na binili niya ng kaniyang dugo." (Gawa20:28, lamsa trans.)


Kaya, mula noon sa pagkakatatag ni Cristo ay nagsimula sa kaunting kawan hanggang sa ito ay lumaganap at lumaki..Subalit, dahil sa Pagpasok ng Hidwang pananampalataya, ay naipatalikod sa pananampalataya ang mga kaanib, at ang mga nanindigan sa aral ay walang awang pinatay. Kaya, ang unang Iglesia ni Cristo ay nawala.

(Maaring bisitahin)

http://lahingtapat.blogspot.com/2014/03/ang-pagtalikod-ng-iglesia-ni-cristo.html?m=1


Ngayun, Ano ang pinapaunang HULA ni Cristo ukol sa muling pagkakaroon ng kawan sa hinaharap?


Juan 10:16
"Mayroon pa Akong ibang mga tupa. Sila ay wala sa kawan na narito. Kailangan ko din silang pangunahan. Sila ay makikinig sa Aking tinig. Sa hinaharap ay magkakaroon ng isang kawan at isang pastol" (Isinalin mula sa Easy-to-Read Version ).



Ipinagpauna ng Panginoong Jesus na mayroon Siyang ibang mga tupa na gagawin Niyang isang kawan. Itatatag Niya sila bilang Iglesia Ni Cristo.


Ang pagtitipon ng ibang mga tupa ng Panginoong Jesus upang maging Iglesia Ni Cristo ay mangyayari sa hinaharap o sa darating na panahon. Kaya tinawag Niya silang Kaniyang ibang mga tupa dahil " WALA SILA SA KAWANG NARITO" Na tinutukoy ay ang Iglesi Ni Cristo noong unang siglo.



Hindi nangangahulugang dalawang iglesia ang itinayo ni Crirto. Ang Iglesia noong unang siglo at ang Iglesiang kinabibilangan ng Kaniyang ibang mga tupa ay iisang Iglesia Ni Cristo. Kung paanong iisa ang ulo, si Cristo, iisa lamang ang katawan o Iglesia :



Efeso 4:4
" May isang katawan, at isang Espiritu, gaya naman ng pagkatawag sa inyo sa isang pagasa ng pagtawag sa inyo "


Colosas 1:18
" At siya ang ulo ng katawan, sa makatuwid baga'y ng iglesia; na siya ang pasimula, ang panganay sa mga patay; upang sa lahat ng mga bagay, ay magkaroon siya ng kadakilaan. "


Pero teka muna. Suriin muna natin, baka kasi angkinin nila ng PMCC na sila itong KAWAN na lilitaw sa hinaharap na hinulaan ni Cristo. Atin munang suriin, kailan nagsimula at naitatag ang PMCC?



" The Pentecostal Missionary Church of Christ (4th Watch) , often shortened as the PMCC (4th Watch) , is a Christian church based in the Philippines, founded in 1972 by Apostle Arsenio T. Ferriol. "

http://en.m.wikipedia.org/wiki/Pentecostal_Missionary_Church_of_Christ_(4th_Watch)


Malinaw po. Kung gayon, ang PMCC ay naitatag ni Ginoong Ferriol noon pa lang 1972 sa Pilipinas. Subalit, dapat suriin ng lahat, sa ganitong taon ba lilitaw ang Ibang kawan ni Cristo ayun sa kaniyang hula?


Suriin natin ang Patotoo ng Dios


Ang malayong dako o ang Hinaharap na mula roon ay tatawagin ang ibang mga tupa ni Cristo ay ang MALAYONG SILANGAN, ayon sa hula ng Diyos sa Isaias 43:5 :



" Mula sa malayong silangan dadalhin Ko ang inyong Lahi, at mula sa malayong kanluran ay titipunin ko kayo" (Isinalin mula sa Moffatt Translation )

At ang pilipinas ay Tiyak na naroon sa Pilipinas

" Kabilang sa tinatawag na dako ng mga Gentil ang Roma at Gresya na kapuwa nasa Europa. Ang mga ito ay wala sa Malayong Silangan. Ang Far East o Malayong Silangan ay ang Rehiyon sa ASYA na kinaroon ng Pilipinas' (Kenneth Scott Latourette. A Short History of the Far East, p. 290)


Na rito lumitaw ang Iglesia Ni Cristo sa panahong ito. Ang binanggit naman na "Malayong mga panahon" ay tumutukoy sa ekspresyong "MGA WAKAS NG LUPA. "

Sa panahong iyon tatawagin o dadalhin ng Diyos ang Kaniyang mga anak na lalalaki at babae na mula sa silanganan, sa malayo. Sa Isaias 43:5-6 , ay ganito ang nakasulat:



"Huwag kang matakot, sapagkat ako'y sumasaiyo; dadalhin ko ang iyong lahi mula sa silanganan, at titipunin kita mula sa kanluran; sasabihin ko sa hilaga, 'bayaan mo!' At sa timugan, 'Humag mo silang pigilan!' Dalhin mo ang aking mga anak na mula sa malayo, at ang Aking mga anak na babae na mula sa mga wakas ng lupa" (Isinalin mula sa NKJV )



Ngayun, malinaw na sa lahat kung saan ang dako na lilitaw ang mga IBANG TUPA o Kawan ni Cristo. Subalit, ayun ba sa kapanahunan ng pagkatatag ni Ginoong Ferriol?



Ang wakas ng lupa ay sa Ikalawang pagparito ni Cristo o Araw ng Paghuhukom( Mat.24:3; II Ped.3:7 ). Ang panahon bago ang dakilang araw na iyon ay tinawag ni Cristo na "MGA PINTUAN" na ayon din sa Kaniya ay "MALAPIT NA" (Mat. 24:33 ).


Kung gayon, ang "MGA WAKAS NG LUPA" ay ang panahong malapit na ang wakas.
Kabilang sa mga pangyayaring makikita ayon kay Cristo kung ang panahon ay nasa mga wakas na ng lupa ay mga digmaang aalingawngaw :



Mateo 24:6-7
" At mangakakarinig kayo ng mga digmaan at mga alingawngaw ng mga digmaan; ingatan ninyo na huwag kayong magulumihanan: sapagka't kinakailangang ito'y mangyari datapuwa't hindi pa ang wakas. Sapagka't magsisitindig ang bansa laban sa bansa, at ang kaharian laban sa kaharian; at magkakagutom at lilindol sa iba't ibang dako. "



Ang mga digmaang ito ay mapababalita (Mat.24:6, MB) sa buong mundo sapagkat ang mga digmaang ito mismo ay pambuong mundo.

Sa kasaysayan, may dalawang digmaang pandaigdig, WORLD WAR I(Unang Digmaang Pandaigdig) at WORLD WAR II (Ikalawang Digmaang Pandaigdig), na naganap halos 19 na siglo ang layo sa panahon ng Iglesiang pinamahalaan ng mga Apostol.


Ang Unang Digmaang Pandaigdig ay sumiklab noong Hulyo 27, 1914. Ito ay malinaw na pagsisimula ng panahong "MGA WAKAS NG LUPA" kung kailan hinulaang tatawagin ng Diyos ang Kaniyang mga anak mula sa MALAYONG SILANGAN. Bilang katuparan ng hulang ito, ang tunay na IGLESIA NI CRISTO ay narehistro sa pamamahalaan ng Pilipinas sa mismong Petsang iyon, at hindi sa panahong 1972..


Tiyak na naman ulit natin ngayun ang patotoo ng Biblia ang tunay na hinulaan.


Kaya ang tanong natin, MAPAPATUNAYAN BA NILA NA SA TAONG 1972 matutupad at lilitaw ang Kawan ni Cristo? Bakit sa taon lang na iyon lumitaw at naitatag ang PMCC?

Kaya sa mga kaibigan namin. Magsuri po kayo sa katotohanan. Ang katotohanan po ang susubok sa inyo at hindi yaong aral na maaaring ikaliligaw ng marami.Paano po makikilala ang isang mangangaral



Juan 7:17-18
" Kung ang sinomang tao ay nagiibig gumawa ng kaniyang kalooban, ay makikilala niya ang turo, kung ito'y sa Dios, o kung ako'y nagsasalita na mula sa aking sarili.
Ang nagsasalita ng sa ganang kaniyang sarili'y humahanap ng kaniyang sariling kaluwalhatian: datapuwa't ang humahanap ng kaluwalhatian niyaong sa kaniya'y nagsugo, ang gayon ay totoo, at sa kaniya'y walang kalikuan. "


Tiyakin po munang kung ang turo ay ayun ba sa Biblia. Gaya nalang anya ng kung kailan o ang tamang panahong ng paglitaw sa ibang tupa ni Cristo

Bakit hindi nakasulat ang Pangalan ng kapatid na Felix Manalo sa Biblia?

Ito ang isa sa tanong na minsan na ay naitanong, at paulit-ulit pang itinatanong ng marami ang ukol dito. Bakit raw magiging SUGO si kapatid na Felix Manalo gayong hindi naman makikita at mababasa kahit ang kanyang pangalan?



Ating bigyan ng sagot ang kaukulang tanong. .


Mula man sa Lumang Tipan ay nakasulat na ang mga maagang mga tao o Sugo ng Diyos, samakatuwid ito ay Inaasahan na ang mga pangalan ng Sugo ng Diyos tulad nila Moses, David , at Elias ay nabanggit doon. Subalit, may mga iba pang mga Sugo na may karapatan na mangaral ay may katuparan rin ng propesiya tungkol sa kanila.Kasama ng mga ito ay Juan Bautista , Ang Panginoong Jesucristo , ang apostol, at ang sugo ng Diyos sa mga huling araw.


Dapat nating malaman na ang mga tao na may katuparan sa Bagong Tipan ay hindi binanggit ang pangalan ng mga hinulaan, gaya ng sinabi na patungkol kay Cristo:




Isaias 61:1-2
" Ang Espiritu ng Panginoong Dios ay sumasa akin; sapagka't pinahiran ako ng Panginoon upang ipangaral ang mabubuting balita sa mga maamo; kaniyang sinugo ako upang magpagaling ng mga bagbag na puso, upang magtanyag ng kalayaan sa mga bihag, at magbukas ng bilangguan sa nangabibilanggo;
Upang magtanyag ng kalugodlugod na taon ng Panginoon, at ng kaarawan ng panghihiganti ng ating Dios; upang aliwin yaong lahat na nagsisitangis "



Makikita pi natin na hindi binanggit ang Pangalan ni Cristo, subalit sa kanyang kapanahunan ay ito ay nahayag ang hinulaan



Lucas 4:16-21
" At siya'y napasa Nazaret na kaniyang nilakhan: at ayon sa kaniyang kaugalian, siya'y pumasok sa sinagoga nang araw ng sabbath, at nagtindig upang bumasa. At ibinigay sa kaniya ang aklat ng propeta Isaias. At binuklat niya ang aklat, na nasumpungan niya ang dakong kinasusulatan, Sumasa akin ang Espiritu ng Panginoon, Sapagka't ako'y pinahiran niya upang ipangaral ang mabubuting balita sa mga dukha: Ako'y sinugo niya upang itanyag sa mga bihag ang pagkaligtas, At sa mga bulag ang pagkakita, Upang bigyan ng kalayaan ang nangaaapi, Upang itanyag ang kaayaayang taon ng Panginoon. At binalumbon niya ang aklat, at isinauli sa naglilingkod, at naupo: at ang mga mata ng lahat ng nangasa sinagoga ay nangakatitig sa kaniya. At siya'y nagpasimulang magsabi sa kanila, Ngayo'y naganap ang kasulatang ito sa inyong mga pakinig. "



Maging si Juan Bautista ay hinulaan rin naman mula sa Lumang Tipan subalit hindi rin binanggit ang pangalan:



Isaias 40:3
" Ang tinig ng isang sumisigaw, Ihanda ninyo sa ilang ang daan ng Panginoon pantayin ninyo sa ilang ang lansangan para sa ating Dios. "



Hindi rin binanggit ang pangalan ni Juan Bautista, subalit sa kanyang kapanahunan ay nahayag ang hula:



Juan 1:19-23
" At ito ang patotoo ni Juan, nang suguin sa kaniya ng mga Judio mula sa Jerusalem ang mga saserdote at mga Levita upang sa kaniya'y itanong, Sino ka baga?
At kaniyang ipinahayag, at hindi ikinaila; at kaniyang ipinahayag, Hindi ako ang Cristo.
At sa kaniya'y kanilang itinanong, Kung gayo'y ano nga? Ikaw baga'y si Elias? At sinabi niya, Hindi ako. Ikaw baga ang propeta? At siya'y sumagot, Hindi.
Sinabi nga nila sa kaniya, Sino ka baga? Upang ibigay namin ang kasagutan sa nangagsugo sa amin. Ano ang sinasabi mo tungkol sa iyong sarili?
Sinabi niya, Ako ang tinig ng isang humihiyaw sa ilang, Tuwirin ninyo ang daan ng Panginoon, gaya ng sinabi ng propeta Isaias. "



Katulad rin kay Apostol Pablo na hinulaan din subalit hindi rin binanggit ang pangalan mula sa aklat ni isaias upang maging "ilaw sa mga Gentil".


Isaias 49:6
" Oo, kaniyang sinasabi, Totoong magaan ang bagay na ikaw ay naging aking lingkod upang ibangon ang mga lipi ng Jacob, at isauli ang iningatan ng Israel, ikaw ay aking ibibigay na pinakailaw sa mga Gentil upang ikaw ay maging aking kaligtasan hanggang sa wakas ng lupa. "


At gayon din nahayag at natupad sa kanyang kapanahunan:



Gawa 13:46-47
" At nagsipagsalita ng buong katapangan si Pablo at si Bernabe, at nagsipagsabi, Kinakailangang salitain muna ang salita ng Dios sa inyo. Yamang inyong itinatakuwil, at hinahatulan ninyong hindi kayo karapatdapat sa walang hanggang buhay, narito, kami ay pasasa mga Gentil.
Sapagka't ganito ang ipinagutos sa amin ng Panginoon, na sinasabi, Inilagay kitang isang ilaw ng mga Gentil, Upang ikaw ay maging sa ikaliligtas hanggang sa kahulihulihang hangganan ng lupa. "


Maaring itanong ng ilan kung bakit ang mga naging halimbawa natin ay mula sa Lumang Tipan ay hindi binanggit ang mga pangalan subalit sa Bagong Tipan ay binanggit na, Dahil pagkatapos ng hula doon sa Lumang Tipan ay naganap na sa kanila ang hula sa kanilang kapanahunan bago pa man natapos maisulat ang aklat ng Bagong Tipan. Kaya, hindi posible na may mababasa na tayo sapagkat ang mismong hinulaan ang makapagpaliwanag ng hula na kinatuparan sa kaniya.


Ang Gawain at katuparan sa kapatid na Felix Manalo ay walang pagkakaiba sa paraan mula sa Lumang Tipan na hindi binanggit ang Pangalan, at maging sa mga hula sa Bagong Tipan sapagkat ang katuparan ng HULA sa kaniya ay sa panahong MGA WAKAS NG LUPA kung saan matagal ng tapos ang Luma at Bagong Tipan, kaya, walang mababasa na pangalan sapagkat tanging ang hinulaang sugo lamang ang makapagpahayag at makapagpaliwanag ng HULA na kinatuparan sa kaniya.


Sa pamamagitan ni Propeta Isaias ay hinulaan ang paghirang at pagtawag ng Dios sa Kaniyang Sugo na inihalintulad sa Ibong Mandaragit na magmumula sa MALAYONG SILANGAN sa panahong MGA WAKAS NG LUPA upang matupad at ganapin ang kaniyang payo at mga aral.


Isaias 41:9-10
" Ikaw na aking hinawakan mula sa mga wakas ng lupa, at tinawag kita mula sa mga sulok niyaon, at pinagsabihan kita, Ikaw ay aking lingkod, aking pinili ka at hindi kita itinakuwil;
Huwag kang matakot, sapagka't ako'y sumasaiyo; huwag kang manglupaypay, sapagka't ako'y iyong Dios; aking palalakasin ka; oo, aking tutulungan ka; oo, aking aalalayan ka ng kanang kamay ng aking katuwiran. "


Isaias 46:11
" Na tumatawag ng ibong mandaragit mula sa silanganan, ng taong gumagawa ng aking payo mula sa malayong lupain; oo, aking sinalita, akin namang papangyayarihin; aking, pinanukala, akin namang gagawin. "


“From the far east will I bring your offspring…” (Mula sa Malayong Silangan ay dadalhin ko ang iyong lahi…).[Isaias 44:5,moffats translation]


Na ang ang katuparan ay ang Pilipinas na nasa Malayong Silangan


Sa World History nina Boak, Slosson at Anderson, sa pahina 445, ay ganito ang sinasabi:


“The Philippines were Spain’s share of thefirst colonizing movement in the Far East.”


Sa Wikang Pilipino ay ganito ang ibig sabihin:


“Ang Pilipinas ay naging bahagi ng Espanya sa unang kilusan sa pananakop sa Malayong Silangan.”


At ganito rin ang paliwanag ng isang manalaysay at paring heswita na si Horacio dela Costa na sumulat sa kaniyang aklat na "Asia and the Philippines" :


"It cannot be without significance that the country which stands almost at the geographical center of the Far East, the Philippines, should also be that in which Christianity has taken the deepest root." (page.169)


At ang "mga wakas ng lupa" ay ang mga panahong malapit na ang pagoaritong muli ng panginoong Jesucristo, at ang unang palatandaan ay ang digmaang pansanlibutan.


Mateo 24:3
" At samantalang siya'y nakaupo sa bundok ng mga Olivo, ay nagsilapit sa kaniya ng bukod ang mga alagad, na nagsisipagsabi, Sabihin mo sa amin, kailan mangyayari ang mga bagay na ito? at ano ang magiging tanda ng iyong pagparito, at ng katapusan ng sanglibutan? "

Mateo 24:33
" Gayon din naman kayo, pagka nangakita ninyo ang lahat ng mga bagay na ito, ay talastasin ninyo na siya'y malapit na, nasa mga pintuan nga. "


Mateo 24:6-7
" At mangakakarinig kayo ng mga digmaan at mga alingawngaw ng mga digmaan; ingatan ninyo na huwag kayong magulumihanan: sapagka't kinakailangang ito'y mangyari datapuwa't hindi pa ang wakas.
Sapagka't magsisitindig ang bansa laban sa bansa, at ang kaharian laban sa kaharian; at magkakagutom at lilindol sa iba't ibang dako. "


Ang kaalinsabay ng unang digmaang pandaigdig noong Hulyo 27, 1914 ay ang pagkarehistro ng Iglesia Ni Cristo sa Pilipinas. Natupad ang mga hula mula sa Biblia na nagpapatunay ng tunay na pagka sugo ng Dios, ang kapatid na Felix Manalo.

Hindi Raw ang Philippine Arena ang Pinakamalaki?, o Bunga lamang ng Poot at Inggit?

Nagmamarunong na naman ang mga Catholic Defenders. Ito ba ay bunga ng Inggit o bunga ng sobrang galit dahil sa paglago at paglaganap ng mga matagumpay na nagawa ng Iglesia?. Isang post mula sa site ng Catholic. Ano ang sabi nila?


" THE INC ARENA IS NOT THE BIGGEST IN THE WORLD"


Iyan raw ang totoo. Para naman malinlang nila ang tao ay nilagyan pa ng Caption ang Photo doon sa kanilang post na Ganito:




"WORLD BIGGEST ARENA Location: 1500
Sugar Bowl Drive, New Orleans, LA 70112
Known As: Mercedes-Benz Superdome
Capacity: 76,791 Year Opened: 1975 "


source :
 http://www.splendorofthechurch.com.ph/2014/07/23/the-inc-arena-is-not-the-biggest-in-the-world-from-tatang-larry-mallari/



Kita nyu na ang panlilinlang at pag e edit. Subalit, kung susuriin po natin ang pinagkuhanan nila ng impormasyon ay wala pong nakalagay na ito ay Isang "BIGGEST ARENA". Kung gayon, niloloko lang pala nila tayo. Mas mabuti nang suriin ulit natin kung ano ang meron nito. Sa pangalan palang. Ano po ang tawag sa kanilang sinabi ?

" The Mercedes-Benz Superdome (originally Louisiana Superdome and commonly The Superdome )
"largest fixed domed structure in the world... "
" On October 3, 2011, it was announced that German automaker Mercedes-Benz purchased naming rights to the STADIUM. The new name took effect on October 23, 2011. "

Source:
en.m.wikipedia.org/wiki/Mercedes-Benz_Superdome



Kaya naman pala. Malinaw naman po pala na mababaw lamang ang pagkaunawa ng mga ito. Kaya naman pala Sinabing Largest Dahil sa Structure nito ng dome At ito ay "STADIUM". Hindi naman pala isang Arena. Sablay na naman ulit ang kanilang katalinuhan.


Ang logic nila, DOME=STADIUM=ARENA. Kaya, segurado tayo na ang kalalabasan ng logic nila ay " ang tawag sa stadium na may bubong ay ARENA, at kapag wala namang bubong ay STADIUM. kita nyu naman ang kathang isip. Kaya, bigyan natin ng kunting info.


ANG TAWAG STADIUM na may bubong ay COVERED STADIUM, o kaya naman pag ang roof ay dome, ang tawag doon ay DOMED STADIUM (kadalasan ay retractable roof o bubong na pwedeng nakabukas at pwedeng nakasara).



Ano ang kaibahan sa STADIUM SA ARENA?

" The two words may be used interchangeably. However, there are slight differences in meaning between
the two and it mostly has to do with the type of event being presented. In the United States and elsewhere, A STADIUM refers to a large, usually outdoor structure consisting of a playing field or stage partially or completely enclosed by tiers of seats where spectators may sit and watch. Hence, A STADIUM IS USUALLY DESIGN FOR OUTDOOR SPORTS such as association football (soccer), American football, cricket, baseball, and stock car racing. AN ARENA, on the other hand, is usually DESIGNED FOR INDOOR SPORTS such as basketball, ice hockey, volleyball, wrestling, and rodeo. Both a stadium and an arena are almost identical in design and construction except that a stadium is usually for outdoor sports and an arena is usually for indoor sports. "

sourece:
http://wiki.answers.com/Q/What_is_the_difference_between_an_arena_and_a_stadium



Ang pinagkaiba kasi ng STADIUM sa ARENA,Kahit parehas siyang ginagamit for sporting events at concerts, ay yung sports na ginagawa dito. at kung mapapansin mo mas malaki ang seating capacity ng STADIUMS (open or covered/domed) kesa sa ARENAS, kung yung pinagpipilitan nila na kesyo pag may bubong ang stadium ay ARENA ito, ay maling maling mali. Nahuhulog nalang sila sa Maling Akala.


Ngayun ano pa ang patotoo natin na totoong hindi ito ang pinakamalaki o hindi isang Indoor Arena? tingnan ulit natin si Wiki, kung sino ang pinaka una sa listahan ng Arena na may pinakamalaki sa capacity. At kahit po kaladkarin nila ang listahan. Wala po ang kanilang inaakalang arena, wala sa listahan.

" The following is a list of sports indoor arenas ordered by capacity, that is the maximum number of spectators the arena can accommodate for a sports event."(pinakauna sa listahan ang Philippine arena)

source:
http://en.m.wikipedia.org/wiki/List_of_indoor_arenas_by_capacity

http://en.m.wikipedia.org/wiki/List_of_indoor_arenas


Kahayagan, na Pawang kasinungalingan pala ang kanilang mga paratang . Dagdagan pa natin ang patotoo mula sa mga Pahayagan at Media, ISAMA NARIN NAMAN SANA NILA SA PARATANG NA MALI ANG PAGSABI.



" The local church expects the attendance of 1.5 million of its members who will gather at the newly opened Ciudad de Victoria complex featuring the Philippine Arena, the largest indoor arena in the world. "

Source :
www.philstar.com/nation/2014/07/23/1349478/july-28-holiday-bulacan-inc-centennial




" On Monday, the Philippine Arena, considered as the "world's biggest Multi-purpose domed arena",
which can accommodate 55,000 individuals was formally opened. INC executive minister Brother Eduardo Manalo and Aquino led the inauguration."

Source:
http://m.sunstar.com.ph/?url=http%3A%2F%2Fwww.sunstar.com.ph%2Filoilo%2Flocal-news%2F2014%2F07%2F23%2Fpnp-all-set-sona-inc-centennial-celebration-355516



" PRESIDENT Aquino on Monday gave full credit to the efforts of Iglesia Ni Cristo (INC) leadership and its followers who helped put up the $200 million used to build the 55,000- seater Philippine Arena in Bulacan, billed as the largest domed indoor arena in the world, which he unveiled in time for the INC’s 100th
anniversary.
" Erected within the Iglesia-owned one-stop multipurpose 75-hectare complex called Ciudad de Victoria (Victory City) in Santa Maria, Bulacan, President Aquino noted that the Philippine Arena is said to be double the size of America’s famous Staples Center in Los Angeles, California. "

Source:
www.businessmirror.com.ph/index.php/en/news/top-news/35821-aquino-gives-full-credit-to-i-n-c-for-world-s-biggest-indoor-arena




" Ciudad de Victoria in Bocaue, Bulacan will never be the same again with the unveiling of the Philippine Arena, said to be the world's largest indoor multipurpose arena. "

Source:
www.abs-cbnnews.com/lifestyle/07/21/14/photos-inside-philippine-arena




" (Updated 8:19 a.m.) President Benigno Aquino III arrived at the Ciudad de Victoria of the Iglesia ni Cristo in Bulacan past 8 a.m. Monday, for the inauguration of the Philippine Arena, said to be the world's largest indoor arena. "

Source:
http://www.gmanetwork.com/news/story/371217/news/nation/pnoy-arrives-at-philippine-arena-in-bulacan-for-iglesia-ni-cristo-event




" President Benigno S. Aquino III, together with Governor Wilhelmino M. Sy-Alvarado and Vice Governor Daniel Fernando, will join the occasion on Monday for the inauguration of the world's largest indoor-domed arena situated at the sprawling 75-hectare eco-tourism zone in Ciudad
de Victoria here. "

Source:
http://www.interaksyon.com/article/91557/iglesia-ni-cristo-set-to-inaugurate-philippine-arena-in-bulacan-on-monday-july-21


" The Philippine Arena is a multi-purpose indoor arena at Ciudad de Victoria , a 140-hectare tourism enterprise zone in Bocaue and Santa Maria, Bulacan , Philippines.[4] With a minimum capacity of 55,000 seats, [5] it is the world's largest indoor arena .[6] It is the centerpiece of the many centennial projects [7] of the Iglesia Ni Cristo (INC) for their grand celebration on July 27, 2014. [8] The legal owner of the arena is the INC's educational institution , New Era University. "

Source:
http://en.m.wikipedia.org/wiki/Philippine_Arena


O ayan. Nangpatotoo rin naman pala ang iba't ibang mga pahayagan ukol diyan. Kaya rin kaya nilang paratangan na sinungaling din ang mga nagpapatotoo? . Iilan lamang yan sa mga halimbawa natin. Talaga makikita ngayon kung sino ang nagsasabi ng totoo. Maitatanong ngayon ng marami. INGGIT NGA LANG BA O MAY POOT AT GALIT NA SA IGLESIA NI CRISTO ANG MGA GANITONG TAO?


Ano ang sabi ng Biblia sa mga ganitong tao?


Kawikaan 12:26
" Ang matuwid ay patnubay sa kaniyang kapuwa: nguni't ang lakad ng masama ay nakapagpapaligaw. "


Ang Lakad o balak ng masama, ay nakapagpaligaw sa marami. Kaya, ingat ingat tayo sa mga ganitong uri ng tao. Kaya huwag tayo padaya sa mga masama.




Kawikaan 12:23
" Ang taong mabait ay nagkukubli ng kaalaman: nguni't ang puso ng mga mangmang ay nagtatanyag ng kamangmangan. "


Kawikaan 6:12
" Taong walang kabuluhan, taong masama, ay siya na lumalakad na may masamang bibig; "

Kawikaan 12:5
" Ang mga pagiisip ng matuwid ay ganap: nguni't ang mga payo ng masama ay magdaraya. "


Kaya. Bilang payo sa atin iwan ang gayong uri ng mga tao at paniniwala kung saan gumagawa ng masa at pandaraya para mailigaw ang marami. Kung hindi man, ay bunga ng  POOT O GALIT, na  MAY HALONG INGGIT.



Roma 13:12-13
" Ang gabi ay totoong malalim, at ang araw ay malapit na: iwaksi nga natin ang mga gawa ng kadiliman, at ating isakbat ang mga sandata ng kaliwanagan.
Magsilakad tayong mahinhin, gaya ng sa araw; huwag sa katakawan at paglalasing, huwag sa kalibugan at sa kahalayan, huwag sa mga pagkakaalit at pagkakainggitan."


Kaya iwan o iwaksi na ang aral na nasa kadiliman at lumakad na sa tamang daan na walang halong panlilinlang.

Si Apostol Pedro ba ang Unang Santo papa?

Aral at doktrina na noon pama'y hawak na ng mga katoliko ang paniniwala nilang ito. Subalit, marami parin sa kaanib nila ang walang malay sa ganitong aral sapagkat, hindi nila maitatanggi na ang mga kaanib ay hindi dinaan sa pagdodoktrina upang magkaroon ng mataas na pagkilala at pananampalataya. Ito ang aral na muli'y ating ihayag upang marami pa ang mas makakaunawa sa tunay na aral.


Ating muling itanong, ano po ba ang isa sa pinaka-pinanghahawakan nila na mga talata na nagtuturo umano'y pag bigay ni Cristo ng Authority kay Pedro upang maging unang Santo Papa. Sa gamit nila mula sa John 21:15-17 ng Douay–Rheims Bible, ay ganito ang nakasulat sa Pilipino na:




Juan 21:15-17
“Kaya't nang mangakapagpawing
gutom sila, ay sinabi ni Jesus kay Simon Pedro, Simon, anak ni Juan, iniibig mo baga ako ng higit kay sa mga ito? Sinabi niya sa kaniya, Oo, Panginoon; nalalaman mo na kita'y iniibig. Sinabi niya sa kaniya, Pakanin mo ang aking mga kordero”.
“Sinabi niya sa kaniyang muli sa ikalawa, Simon anak ni Juan, Iniibig mo baga ako? Sinabi niya sa kaniya, Oo, Panginoon; nalalaman mo na kita'y iniibig. Sinabi niya sa kaniya, Alagaan mo ang aking mga tupa.”
“Sinabi niya sa kaniya sa ikatlo, Simon, anak ni Juan, Iniibig mo baga ako? Nalumbay si Pedro sapagka't sa kaniya'y sinabing makaitlo, Iniibig mo baga ako? At sinabi niya sa kaniya, Panginoon, nalalaman mo ang lahat ng mga bagay; nalalaman mo na kita'y iniibig. Sinabi
sa kaniya ni Jesus, Pakanin mo ang aking mga tupa.”



Ito raw ay ang dahilan kung paano ipinagkaloob na pagiging Santo Papa o ang Authority kay Pedro. Dito palang e talagang makikita na ang pag haka haka ng aral ukol rito. Tandaan po natin." WALANG BINANGGIT SI CRISTO NA GINAWANG SANTO PAPA SI PABLO". kundi sa pagka sabi ni Cristo na "PAKANIN MO ANG AKING TUPA", na agad namang kunklusyun nila na malinaw raw na inatangan ng katungkulan upang maging Unang Santo papa.


Sa talatang binanggit tatlong beses ito sinabi at binanggit ni Cristo. " “Simon anak ni Juan, Iniibig mo baga ako?” .

Ano ang Dahilan ni Cristo? Mas mabuti, bago ang haka haka e mabuting suriin ang mga talata na nasa unahan nito. Ang dahilan ni Cristo sa pagtatanung at pagsabi ni Cristo kay Pedro. Tandaan po natin, ito pong pangyayaring ito ay sa muling pagka buhay ni Cristo. At kinausap Niya si Pedro at sa kadahilanang, NAGDUDUDA SA PAGIBIG NI PEDRO sa kaniya. Sa anong dahilan? Ibaba natin ang talata :



Juan 21:2-3
“Samasama nga si Simon Pedro, at si Tomas na tinatawag na Didimo, at si Natanael na taga Cana ng Galilea, at ang mga anak ni Zebedeo, at dalawa pa sa kaniyang mga alagad.”
“SINABI SA KANILA NI SIMON PEDRO, MANGINGISDA AKO. SINABI NILA SA KANIYA,KAMI MAN AY MAGSISISAMA SA IYO. Sila'y nagsiyaon, at nagsilulan sa daong; at nang gabing yaon ay wala silang nahuling anoman.”


Napansin po natin, bago natin pinuntahan ang talata na ginamit nila ay makikita natin mula sa mga naunang talata nito, na si Pedro ay nag pasya na UMURONG SA KANYANG TUNGKULIN at naisipang bumalik sa dating gawain sa PAGKA-MANGINGISDA at isinama pa ang mga alagad.


Dapat rin natin mauunawaan na sa unang pagtawag sa kaniya ay nakita ni Cristo si Pedro sa kanyang unang gawain na gaya ng binanggit sa taas na pagka-mangingisda:



Mateo 4:18
“ At sa paglalakad niya sa tabi ng dagat ng Galilea; ay nakita niya ang dalawang magkapatid, SI SIMON NA TINATAWAG NA PEDRO, at si Andres na kaniyang kapatid, na inihuhulog ang isang lambat sa dagat; sapagka't SILA'Y MGA MAMAMALAKAYA.”




Malinaw At ganito ang sinabi ni Jesus kay Pedro:



Lucas 5:10
“At gayon din si Santiago at si Juan, mga anak ni Zebedeo, na mga kasama ni Simon. AT SINABI NI JESUS KAY SIMON, HUWAG KANG MATAKOT; MULA NGAYON AY MAMAMALAKAYA KA NG MGA TAO.”


Nang tinawag ni Cristo si Simon Pedro upang maging APOSTOL ay maliwanag na siya’y pinatigil na ni Cristo sa gawaing PANGINGISDA, at sinabihan nga na

“MULA NGAYON AY MAMAMALAKAYA KA NG MGA TAO.”[Mangangaral ng ebanghelyo, dalhin ang tao sa katotohanan].



Ito ang pagkatawag kay Apostol Pedro sa pagbigay ng tungkulin sa pagka aposto. Subalit nang mamatay na ang Panginoon ay nagpasya si Pedro na umurong sa kanyang tungkulin at naisipanh bumalik sa dating Gawain. Kaya ng sa muling pagkabuhay ni Cristo ay kinausap Niya si Pedro:


Juan 21:15
“Kaya't nang mangakapagpawing gutom sila, ay sinabi ni Jesus kay Simon Pedro, Simon, anak ni Juan, INIIBIG MO BAGA AKO NG HIGIT KAY SA MGA ITO?...”


Ano ang naging damdamin at naging reaksyon ni Pedro?


Juan 21:17
“Sinabi niya sa kaniya sa ikatlo, Simon, anak ni Juan, Iniibig mo baga ako? NALUMBAY SI PEDRO sapagka't sa kaniya'y sinabing makaitlo, Iniibig mo baga ako? At sinabi niya sa kaniya, Panginoon, nalalaman mo ang lahat ng mga bagay; nalalaman mo na kita'y iniibig. Sinabi sa kaniya ni Jesus, Pakanin mo ang
aking mga tupa.”



Sa napansin po natin. Si Pedro ay "nalumbay" sapagkat, alam niyang si Cristo ay nagdududa at alam na siya ay umurung sa kaniyang tungkulin. Kaya makaitlong beses siyang tinanong ni Cristo. At upang makapanigurado ay inutusan Siyang " Pakanin mo ang aking tupa".


May dapat po tayong mapansin. Lalong nagpapatotoo na mali ang kanilang pag aakla sapagkat, may "malulumbay" palang santo papa na tumanggap? Talagang mali sa pagpakahulugan ng talata na kanilang ginamit sapagkat ang tema ng tagpo ay bilang pag-uutos ni Cristo kay Pedro at hindi paglilipat ng isang "authority".


Sa pagkasabing " PAKANIN" mo ang aking tupa, ano ang katumbas doon?




Gawa 20:28 “ Ingatan ninyo ang inyong sarili, at ang buong kawan, na sa kanila'y ginawa kayo ng Espiritu Santo na mga KATIWALA, UPANG PAKANIN ang iglesia ni Cristo na binili niya ng kaniyang dugo.” [Lamsa Version]



Maliwanag na ito ay bilang "PANGANGALAGA SA MGA TUPA SA LOOB NG IGLESIA" kung saan ang isang tao ay hinirang upang maging katiwala na mangangalaga. Kung gayon, hindi lang pala ito sa iisang tao kundi ito ukol kung saan isang gampanin o tungkulin na iniutus at hindi isang pagpapasa ni Cristo kay Pedro ng Authority.

Kung magiging Santo Papa ba ang isang tao, gaya ng kanilang pag-kilala kay Pedro, ano ang katumbas doon?



"The pope, therefore, as vicar of Christ, is the VISIBLE HEAD of CHRIST'S KINGDOM on earth, THE CHURCH, of which CHRIST HIMSELF IS THE INVISIBLE HEAD." [Answer Wisely , by Rev. Martin J. Scott, p. 49 ]


Sa Filipino:


“Ang Papa, samakatuwid, bilang kahalili ni Cristo, ay ang NAKIKITANG ULO ng KAHARIAN NI CRISTO sa lupa, ang IGLESIA, kung saan SI CRISTO MISMO ANG DI NAKIKITANG ULO NITO.”


Malinaw mula sa kanilang aklat at paniniwala na ang isang Papa ay nagrerepresenta bilang ULO NG IGLESIA NA NAKIKITA dito sa lupa.Kaya malinaw na ang pagkilala nila, si Pedro ay ulo rin ng Iglesia. Kita nyu na ang kanilang paniniwala ukol rito. Kailanma'y walang ganitong aral mula sa Biblia

CRISTO = INVISIBLE HEAD IN HEAVEN

SANTO PAPA= VISIBLE HEAD ON EARTH

Ano nga ba ang totoong aral na dapat natin malaman?



Mateo 28:18
“At lumapit si Jesus sa kanila at sila’y kaniyang kinausap, na sinasabi, ANG LAHAT NG KAPAMAHALAAN SA LANGIT AT SA IBABAW NG LUPA AY NAIBIGAY NA SA AKIN.”


Malinaw po ang sabi ng Biblia. Lahat ng kapamahalaan mula sa LANGIT AT LUPA man ay si Cristo lamang ang may pamamahala at ito ay hindi na mapapalitan


1 Corinto 3:11
" Sapagka't sinoman ay hindi makapaglalagay ng ibang pinagsasaligan, kundi ang nalalagay na, na ito'y si Cristo Jesus. "


Talagang totoong hindi na mapapalitan ang Pagiging ulo ng Iglesia na si Cristo at maling Gawing Papa o pope si Pedro. Sapagkat, ang pagiging Papa ay nangamgahulugang kapalitan o kahalili ni Cristo. Ganito ang kanilang pag-amin:



“THE POPE TAKES THE PLACE OF JESUS CHRIST ON EARTH…by divine right the Pope has supreme and full power in faith, in morals over each and every pastor and his flock. HE IS THE TRUE VICAR, THE HEAD OF THE ENTIRE CHURCH, the father and teacher of all Christians. He is the infallible ruler, the founder of dogmas, the author of and the judge of councils; the universal ruler of truth, the arbiter of the world, THE SUPREME JUDGE OF HEAVEN AND EARTH, THE JUDGE OF ALL, being judged by no one, God himself on earth.” [Quoted from the New York Catechism]


Ang Papa ay may titulong Vicar na nagpapatunay umano ng pagiging ULO ng IGLESIA. Ganito rin sa isang dictionatyo:



“Vicar 
VIC'AR , n. [L. vicarius, from vicis, a turn, or its root.]

In a general sense, A PERSON DEPUTED OR AUTHORIZED TO PERFORM THE FUNCTIONS OF ANOTHER; A SUBSTITUTE IN OFFICE.” [Webster’s 1828 Dictionary ]


Kung sa Biblia kaya, sasang-ayunan ba itong paniniwala nila? Ganito ang patotoo naman ng Biblia:



Hebreo 7:24
 “Datapuwa’t siya, sapagka’t namamalagi magpakailan man ay may pagkasaserdote siyang DI MAPAPALITAN.”



Napakalinaw naman po pala ng Biblia na nagtuturo na si Cristo a hindi nagkaroon ng kapalitan maging dito sa lupa kung saan nagpatungkol sa mga Papa. Makikita po natin ang maling aral mula sa paniniwala ng mga katoliko na kanilang ginawa si Pedro na isang Papa ng Iglesia na kailanma'y hinding hindi ito inangkin ni Pedro. Sapagkat masama ang pagkakaroon ng titulong ito na kanilang dinamay pa si Pedro sa kanilang kasinungalingan. Ganito ang isang nagrerepresenta pa sa pagiging Papa na kaylan may hindi ginawa ni Pedro:



“THE POPE IS NOT ONLY THE REPRESENTATIVE OF JESUS CHRIST, HE IS JESUS CHRIST HIMSELF, hidden under the veil of flesh.” [Catholic National, July 1895 ]


Sa Filipino:


“ANG PAPA AY HINDI LAMANG KINATAWAN NI JESU CRISTO, SIYA AY SI JESU CRISTO MISMO, na natatago sa ilalim ng takip ng laman.”


Kita nyu na. Ang pagiging Papa umano'y nagpapakita na Siya'y si Cristo. Kailanman ay hindi ito ginawa ni Pedro sapagkat may babala ng ganito mula sa Biblia:



Mateo 24:5
 “Sapagka't marami ang magsisiparito sa aking pangalan, na mangagsasabi, AKO ANG CRISTO; at ililigaw ang marami.”


Ang pagpapanggap at pagpakilala pala bilang Cristo ay pinapauna na ng Biblia na may lilitaw upang iligaw ang marami. Ginawa ba ito ni Pedro? Hinding-hindi ito magagawa ng sinomang Apostol gaya ni Pedro, kanila lang ginawan ng kasalanan si Pedro. Ito ang inangkin ng mga Santo Papa na hindi ginawa ni Apostol Pedro na magpanggap. Ito pa ang kakilakilabot na pagpapakahulugan bilang pagiging Papa:



“ WE HOLD UPON THIS EARTH THE PLACE OF GOD ALMIGHTY ” [Pope Leo XIII Encyclical Letter of June 20, 1894 ]


" Pope Nicholas I declared: “the appellation of God had been confirmed by Constantine on THE POPE, WHO, BEING GOD, CANNOT BE JUDGED BY MAN.” [Labb IX Dist.: 96 Can. 7, Satis evidentur, Decret Gratian Primer Para ]



Ganito ang kasalanan na ipinatong nila kay Pedro, ng dahil sa ginawa nilang Papa ay katumbas na rin pala ng pag-angkin ng kapangyarihan ng Dios, at pagpapakilala bilang Dios. Kasalanan na naman ulit ang kanilang ipinaratang kay Pedro na siyang labag sa Biblia:



Hebreo 12:23
 “Sa pangkalahatang pulong at iglesia ng mga panganay na nangatatala sa langit, at sa DIOS NA HUKOM NG LAHAT, at mga espiritu ng mga taong ganap na pinasakdal,..”


2 Tessalonica 2:3-4
“Huwag kayong padaya kanino man sa anomang paraan: sapagka't ito'y hindi darating, maliban nang dumating muna ang pagtaliwakas, at mahayag ang TAONG MAKASALANAN, ang anak ng kapahamakan, NA SUMASALANGSANG AT NAGMAMATAAS LABAN SA LAHAT NA TINATAWAG NA DIOS O SINASAMBA; ANO PA'T SIYA'Y NAUUPO SA TEMPLO NG DIOS, NA SIYA'Y NAGTATANYAG SA KANIYANG SARILI NA TULAD SA DIOS.”



Saan pa maaring ang Pagiging Santo Papa ay nakitulad sa Dios?


Mateo 23:9
" At huwag ninyong tawaging inyong ama ang sinomang tao sa lupa: sapagka't iisa ang inyong ama, sa makatuwid baga'y siya na nasa langit. "


Kaya, may babala na huwag tawaging Papa ang sinoman tao rito sa lupa. Mas lalo na si Pedro na tawaging unang Papa sa Katoliko. Anu at saan Ama ang mga Papa?


"At ang Santo Papa (Ama)ay ang pinakamataas na ama ng ating kaluluwa dito sa lupa, dahil sa siya ang kahalili nang ating Panginoon. "At dahil sa ang mga sacerdote ang nagbibigay sa atin ng buhay ng ating kaluluwa, sa pamamagitan ng pangangasiwa sa mga sacramento , sila man ay tinatawag na 'Ama ng kaluluwa'." ( Ang Iglesia ni Kristo at Iba't ibang SektangProtestante, p.26 )


Kung gayon, ang Pagkilala bilang Santo Papa ay ang pagkilala sa kanila bilang "Ama ng kaluluwa". Bakit sa kanila natupad ang babala? Mali ba ang pagkilala sa kanila bilang Ama ng kaluluwa?


Ezekiel 18:4
" Narito, lahat ng kaluluwa ay akin; kung paano ang kaluluwa ng ama, gayon din ang kaluluwa ng anak ay akin: ang kaluluwa na nagkakasala ay mamamatay. "


Malinaw ulit ang pagpapaliwanag ng Biblia, at kaylan man ay hindi ito ginawa ni Pedro ang gawing katulad ng Dios o magiging gaya ng parang Dios.

Kitang kita natin mula mismo sa kanila ang mga kapangyarihan na maaring maaring angkinin raw kapag ang isang tao ay magigig santo papa na mas lalo na kay Pedro na pinakauna raw na Santo papa. Lalabas mula sa ating pag-aaral na si Pedro ay para na ring pinatungan nila ng malaking kasalanan.


Ang tunay na Relihiyon, tandaan po natin, nagtuturo lamang ng iisang paniniwala at pananampalataya at walang salungatan, gaya ng patotoo at nakasulat sa Biblia:



Efeso 4:5
" Isang Panginoon, ISANG PANANAMPALATAYA, isang bautismo, "


Malinaw ang pagkakilanlan. Kung gayon walang salungatan. Kung mula sa kanilang aklat, aminado kaya sila na totoong hindi tinawag ni Cristo si Pedro na Papa? Sila ang sasagot:


Mula sa isang polyeto ng Iglesia Katolika:


"Christ Never Called Peter 'Pope' (Why Millions call him ''Holy Father," p.1 1)

Sa Filipino:

“Hindi tinawag na Papa ni Cristo si Pedro.”


Kung gayon, kung hindi tinawag ni Cristo si Pedro na PAPA noong Unang Siglo, maliwanag na hindi siya ang UNANG SANTO PAPA na gaya ng ipinapalagay nila at yun ay GUNI GUNI lang pala nila?


Isa pang tanong, may mababasa ba sa Biblia na si Apostol Pedro ay tinawag na PAPA ng mga UNANG CRISTIANO? Ang sagot "WALA". Kung mismo ng mga kapuwa mg Papa kaya ang tatanungin, segurado kaya sila o pareho rin na hindi segurado?





"ALL OF THIS MAKES IT QUITE CERTAIN THAT PETER NEVER WAS IN ROME AT ALL. NOT ONE OF THE EARLY [CATHOLIC] CHURCH FATHERS GIVES ANY SUPPORT TO THE BELIEF THAT PETER WAS A BISHOP IN ROME until Jerome in the fifth century." (Roman Catholicism, by Dr. Loraine Boettner, p. 122 )


Sa Filipino:


“LAHAT NG ITO AY NAGPAPATUNAY NA HINDI NAKARATING SI PEDRO SA ROMA. WALA NI ISA MAN SA MGA UNANG MGA AMA NG IGLESIA [KATOLIKA] AY NAGBIBIGAY NG PAGSANG-AYON SA PANINIWALA NA SI PEDRO AY NAGING OBISPO SA ROMA hanggang kay Jerome noong ika-limang siglo.”


Ito pa ang pahayag at pag-amin ng isang obispo


"MOST SCHOLARS REJECT AS UNHISTORICAL THE TRADITION THAT THE APOSTLE PETER WAS, AND WAS RECOGNIZED AS BEING THE FIRST BISHOP OF ROME." (The Christian Society, Bishop Stephen Neill, p. 36 )


Sa Filipino:


“KARAMIHAN SA MGA ISKOLAR AY ITINATAKUWIL BILANG HINDI MAKASAYSAYAN ANG TRADISYON NA SI APOSTOL PEDRO AY NAGING, AT KINILALA BILANG UNANG OBISPO NG ROMA.”


Malinaw ang kontrahan ng kanilang pahayag, at ang mga pagsang-ayun na hindi tinawag si Pedro o naging Papa man sa kanilang Relihiyon. Ano ang kahulugan sa kanilang pahayagan na "Obispo sa Roma" ?


“The TITLE POPE , once used with far greater latitude (see below, section V), IS AT PRESENT EMPLOYED SOLELY TO DENOTE THE BISHOP OF ROME,”
Catholic Encyclopedia:



Katumbas ito ng pagiging Santo Papa. Kaya, malinaw sila na mismo ang umamin na wala sa Biblia at kailanman ay hindi naging Papa si Pedro sa totoong Iglesia. Ito ay isang aral na malaking kamalian ng pagkilala sa tunay na aral.


Napansin natin, marami ang magiging kasamaan ng pag-aangkin kay Pedro bilang Santo papa.isang malaking kasalanan. Sapagkat ito ay katumbas narin ng pagdiriin mo ng kasalanan ky Apostol Pedro na kailanman ay hindi niya nagawa. Sana naman ay naging masuri tayo sa bawat aral, tunay na aral na dapat lakaran ng tao.


Sa karagdagan pang mga aral:
Si Pedro ba ang Batong pinagtayuan ayun sa Mateo 16:18?