1 Corinto 10:4 Eksistido na ba si Cristo ?

Karaniwang naririnig nating aral sa mga nagtuturo sa pagka Dios ni Cristo ay ang umano'y eksistido na ito simula't simulat pa raw. Kaya naman, ginamit nila ang isa naman talata gaya ng nilalaman mula sa 1Cor. 10:4 na ganito ang ating mababasa :





1 Corinto 10:4
" At lahat ay nagsiinom ng isang inumin ding ayon sa espiritu; sapagka't nagsiinom sa batong ayon sa espiritu na sumunod sa kanila: at ang batong yaon ay si Cristo. "




Si Cristo nga raw ito, ang BATO na tinutukoy kung saan sila ay nagsiinum habang sila'y nasa paglalakbay na kasama si moises, Paano raw sila nagsiinum sa Bato na si Cristo ? Minsan ito ang talata na kanilang iuugnay :





Exodo 17:5-6
" At sinabi ng Panginoon kay Moises, Dumaan ka sa harap ng bayan, at ipagsama mo ang mga matanda sa Israel; at ang iyong tungkod na iyong ipinalo sa ilog, ay tangnan mo sa iyong kamay, at yumaon ka.
Narito, ako'y tatayo sa harap mo roon sa ibabaw ng BATO sa Horeb; at iyong papaluin ang bato, at lalabasan ng tubig, upang ANG BAYAN AY MAKAINOM. At gayon ginawa ni Moises sa paningin ng mga matanda sa Israel. "




Dito ,malinaw raw na kasama na nila si Cristo at sila ay nag-siinom. May dapat po tayo mapansin sa Dalawang talata. :


1. sa talata ng 1 Cor. 10:4 ay binanggit dito na ang "BATO" ay AYUN SA ESPIRITO - At hindi isang literal na BATO.



2. Sa Exodo 17:5-6 ay Binanggit naman na ang "BATO" ay pinalo ni moises at lumabas ang tubig at dito sila nag-siinom-- Ito ay isa Literal na BATO.



Dito palang, isang maling aral at maling pagkaintindi sa talata, sapagkat lalabas na ang kanilang Dios ay pinalo ni Moises. Ating suriin Bakit si Cristo ay isang Bato na "AYUN SA ESPIRITU" ? ano ang katumbas nito? Mula sa ibang salin atin basahin :



“At uminom din ng iisang inuming
espirituwal, mula sa Batong espirituwal na sumubaybay sa kanila, at ang Batong iyon ay si
Cristo.” I Corinto 10:4, MB


Si Cristo ay ang BATONG ESPIRITUWAL. Anu ang Katangian ni Cristo bakit itinuring na "BATONG ESPIRITUWAL?


Juan 4:10
" Sumagot si Jesus at sa kaniya'y sinabi, Kung napagkikilala mo ang kaloob ng Dios, at kung sino ang sa iyo'y nagsasabi, Painumin mo ako; ikaw ay hihingi sa kaniya, at ikaw ay bibigyan niya ng tubig na buhay. "


Ito ay Sapagkat si Cristo ay nagbibigay ng tubig na Buhay
Ang pag-inom naman at pagtanggap ng TUBIG NA BUHAY ay sa pamamagitan ng Pagsampalataya kay Cristo :




Juan 7:37
" Nang huling araw nga, na dakilang araw ng kapistahan, si Jesus ay tumayo at sumigaw, na nagsasabi, Kung ang sinomang tao'y nauuhaw, ay pumarito siya sa akin, at uminom. "


Juan 7:38
" Ang sumasampalataya sa akin, gaya ng sinasabi ng kasulatan, ay mula sa loob niya ay aagos ang mga ilog ng tubig na buhay. "


Juan 7:39
" (Nguni't ito'y sinalita niya tungkol sa Espiritu, na tatanggapin ng mga magsisisampalataya sa kaniya: sapagka't hindi pa ipinagkakaloob ang Espiritu; sapagka't si Jesus ay hindi pa niluluwalhati.) "




Malinaw po ayun sa talata, na ito ay ang Pagsampalataya kay Cristo. Anung dahilan ni Apostol Pablo sa kanyang pagkakasabi doon sa kanyang sulat sa talata ng 1cor.10:4? Ganito ang kanyang paglilinaw :





“Kaya't huwag na kayong pasasakop sa anumang tuntunin
tungkol sa pagkain o inumin, tungkol sa kapistahan, sa bagong
buwan o sa Araw ng Pamamahinga. Ang mga ito'y anino lamang ng
mga bagay na darating at si Cristo ang kaganapan nito.” Col. 2:16-17,MB



Ito ay isa lamang anino ng mga bagay na darating, kung saan ang kaganapan ay si Cristo. Kaya hindi siya nagkakamali o walang kontradiksyon, siya ang sumulat at alam niya mismo kung sino lamang ang dapat ituturing na iisang Dios. Gaya nang kanyang pagtuturo:




1 Corinto 8:6
" Nguni't sa ganang atin ay may isang Dios lamang, ang Ama, na buhat sa kaniya ang lahat ng mga bagay, at tayo'y sa kaniya; at isa lamang Panginoon, si Jesucristo, na sa pamamagitan niya ang lahat ng mga bagay, at tayo'y sa pamamagitan niya. "



Ang dapat paring kikilanin na iisang Dios ay walang iba kundi ang AMA lamang. Hindi nila naintindihan ang mga nakasulat sapagkat ayun na sa ating Pag-aaral, ang tumanggap lamang ay yaong mga SUMAMPALATAYA kay Cristo, at ang hindi sumampalatay ay binulag ng dios ng sanlibutang ito :




2 Corinto 4:4
" Na binulag ng dios ng sanglibutang ito ang mga pagiisip ng mga hindi nagsisisampalataya, upang sa kanila'y huwag sumilang ang kaliwanagan ng evangelio ng kaluwalhatian ni Cristo, na siyang larawan ng Dios. "